2 DLAŊ MULINARA 9:29 - Boy Lonana

²⁹ Dlara vi Salomon ta nam laɗta col ha hu gijaŋŋa ta ta daɓ maɗta halaŋ ka ɓiiri hu magaara yaɗ ana Sunda vi sa ma jok vun Lona Natan, sa ma jok vun Lona Ahiya ma Silona u dlara tak taɗ ki ii sa ma jok vun Lona Yedorra. Magaara daɓ dagan ndaɗta ka njaɗ Jeroboam ma goŋ Nebatna u mul ma Israelna.

2 DLAŊ MULINARA 9:29 ပူးပေါင်းရင်းမြစ်များ

2 SAMUEL 12:1

Yawe sun Natan eg David. Nam tuɗ egem dam ana, «Suuna ka hu ɦoŋzina na mba', maa dew ɦizi may, ma hiŋŋa ɦaw may.

2 SAMUEL 12:25

Sun ha egem dam fun sa jok vun Lona Natan. Nam tinim sem ana Yedidiya ni ana, ma Yawe minimma, ɗowba ni kay Yawe.

1 MULINA 1:8

May mul ma li ɓivunna, Sadok, Benaya ma goŋ Yoyadana, sa jok vun Lona, Natan, Simey, Rey u suu ŋgolo suu duuna vi David vunusi ka duk boy nammaɗi.

1 MULINA 11:26

Jeroboam goŋ Nebatna, nammi hu deera vi Efrayimba ay hu mbassa Seradara. Sem sum ana Seruwa. Ndaɗ ay ki ni doono. Nammi sa sunda vi Salomon lay. Nam gijaŋŋa duu u mulna.

1 MULINA 11:29

Hu coki ndaɗta hu li ma Jeroboam kal ay ki hu Yerusalemma, sa ma jok vun Lona Ahiya ma Silona ŋgafam kolo hu voɗta. Ahiya u baraw ma wilina cuki egemu. Asi ki ŋgoo bagi ni vay dasi na mba'.

1 MULINA 14:2

Jeroboam di caamba ana, «Jok tak ki zeɗ ka sa wi ana ndakŋi caandaraɗi. Tuɗ hu Silo. Sa ma jok vun Lona, Ahiya, ka cuki ni huwa. Nammi sa ma dan ana an hin mbuɗ a mul ma vi suu Israelnana.

1 DLAŊ MULINARA 29:29

Sunda mulna David laɗ jewra ura daganda ka kaŋga ɓiiri hu sunda vi Samuel sa ma wi dlara li ha fokka duk sunda vi sa jok vun Lona Natanda, duk sunda vi Gad, sa ma wi dlara li ha fokkana may.

2 DLAŊ MULINARA 10:2

Hu li ma Jeroboam ma goŋ Nebatna ha hu Egipte hum boy namma hana nam mbay voo kay nam pii ha ki ni ko mulna Salomon.

2 DLAŊ MULINARA 12:15

Sunda Roboam laɗta gijaŋŋa ta ta daɓ nduŋga halaŋ ka ɓiiri hu magaara yaɗ ana Sunda vi Sa ma jok vun Lona Semaya u sunda vi sa ma wi dlara li ha fokka Ido may. Duu ma duk hoŋ gi Roboam u Jeroboamma tuɗ ha fok ni na gak gak.

2 DLAŊ MULINARA 13:22

Dlara Abiya laɗta halaŋ ka ɓiiri hu magaara vi sa ma jok vun Lona, Ido.