2 DLAŊ MULINARA 9:1 - Boy Lonana

¹ Ca mulla col ay hu mbassa Sabara, hum dla Salomon u sem ma tii ki cocona ha kiyo. Ndaɗ mbay hu Yerusalem a tuk yal ma vi Salomonna. Ndaɗ mba joɓom joɓ mayra eŋ cocora. Ndaɗ mbay u suu maɗ suu sunda uɗ bolow coco ugi jamballa mba ugi mbul ma his jivina, lorra ŋgol coco lay u ɦinira ceɗi ta gus loɓma may. Ndaɗ mba eg Salomon dam dlara ndaɗ saaraɗ ay huruɗ a dambara ki halaŋ.

2 DLAŊ MULINARA 9:1 ပူးပေါင်းရင်းမြစ်များ

MATIYE 12:42

Ca mulla col ay dali day, mba eg Salomon a hum boy ma jivi ma funumma. Ni kay ndaɗta hu buu ma kaɓakŋa, ndaɗ hin col kolo, ɓak co kagiya. Cem cemmi sa su kay Salomonna ka dukugiya.»

Boy Ma Ayra Ma LUK Ɓiirimma 11:31

Hu buu ma kaɓakŋa wanni, ca mulla col ay dali day mba eg Salomon a hum boy ma jivi ma funumma, ni kay ndaɗta hu buu ma kaɓakŋa ndaɗ hin col kolo ɓak co kagiya. Cecemi sa su kay Salomonna ka dukugiya.

2 DLAŊ MULINARA 9:9

Ŋgoo dagan ca mulla Sabara ɦal lorra maŋ mulna Salomon nekeɗ ii va ma kelew 3.500, mbulma his jivina ŋgol cocoo u ɦinira gus loɓ ɦayra lay. Sa wi mbul ma his jivi ko namma na ka day day ɦoyɗi.

URA TIN AYRA 10:7

Goryoŋ Kukŋa, Seba, Havila, Sabta, Ragma, u Sabteka. Goryoŋ Ragmana, Saba u Dedan.

MATIYE 13:35

Nam li na ni, faɗ ki ni vun sa jok vun Lona ma di ana, «An hin ɓakasi ni u ndal boyna. Tlesuu ay day u ura tin ayra dayna, an hin ɓakasina kiyo.»

MATIYE 13:11

Nam hoŋ dasi ana, «Agi ni suu Lona gagi u boy mamma ŋgay kay Mulla huulonara ki na, gam ka ki maŋ suu hiŋŋa koɗi.

MATIYE 12:34

Agi njaf magirana. Agi cora may ni, fi boy ma jivina ni arage? Vunna di ki ni va ma ay oy huu sanna.

MATIYE 2:11

Asi sel kalafi hu zira, wi goona ko sum Mari. Asi goɓ kaŋga fokomu. Asi buɗ tlegeyesi ki buɗ ni, ɦam lorra may, mbitla may, mbul ma his jivina may.

EZAYI 60:6

Jamballa hin oy ki varaŋ tani, jamballa col ay vi suu Madiyanna u suu Efana, suuna ay hu Saba halaŋ hin mbaa, asi hin mbay u lorra u mbitla his jivira. Asi hin di ki kay ŋgara ŋga Yawera.

VUN ŊGOLNA 1:6

Ɓiirimmi a haɗ mbeleŋŋa, vun ŋgolna u ndal boyna, boy ma vi suu wi dlara u mbeleŋ masina halaŋ.

SOOLLA 142:2

An tli delen kolo eŋga eg Yawe, u delen kolo eŋga an cen Yawe.

SOOLLA 78:2

An min njaɗagi dlara ha u ndal boyna kay dla mayra jak ay ki jewra.

SOOLLA 72:15

Nam kak wa ni asi hin ɦam lorra Sabara kiyo, asi cen kam tew tew, asi paɗ vunusi ki kam hu buuna halaŋ.

SOOLLA 72:10

Muli suu Tarsisna u muli suu kay daarana sunum tlena aya, muli suu Sabana u suu Sebana hin ɦam taara ni mamu.

SOOLLA 49:4

Boy ma vunun dam ha kina nera ka huwa, hurun saa ni kay dlara jivira.

2 DLAŊ MULINARA 1:12

Yalna u wira mbeleŋŋa an ɦaŋsina wa. An ɦaŋ ɦiza hu olo. Aŋ hin fi tlena seŋ tii ki coco lay. Aŋ hin fi ni bibiŋilla muli suu kay ndaŋgarana halaŋ sa faɗ ka dew tuɗira. Muli suu hin kak ka ŋgoroŋ daganna lay ni sa ma faɗ kaɗi.»

2 DLAŊ MULINARA 1:1

Salomon, goŋ Davidna mbuɗ saɓak coco hu mul mamba. Yawe, Loomma, ka u namu. Nam tlam yam kolo cocoo.

1 SAMUEL 1:15

Ane hoŋom dira ana, «Malanna an ka ni cara yaɗ jak kiraɗi, an ci va kaɗi. Sum veŋ ma guruɗ sa kaɗi. An tii tan fok Yawe ni tiiriya.

URA TIN AYRA 25:3

Yoksan vuɗ Saba u Dedan. Goryoŋ Dedanna ni njaf suu Akurna, suu Letukŋa u suu Leumma.

URA TIN AYRA 10:28

Obal, Abimael, Saba,

2 DLAŊ MULINARA 9:2

Salomon hoŋoɗ dira ki kay joɓ maɗta halaŋ, joɓpa doorom dew bay nam a faɗ hoŋ diiɗta kaɗi.