2 DLAŊ MULINARA 7:20 - Boy Lonana

²⁰ an may ni hin tlaŋ ki kay ndaŋgara an ɦaŋga wandara u ziin mayra an mbuɗuɗ ki teteɗ tin sen huruɗ wanda lay. An hin hin ziin ndaɗta ha ki egen na day. An hin mbuɗuɗ ki ni a njun njunda maŋ suuna halaŋ.

2 DLAŊ MULINARA 7:20 ပူးပေါင်းရင်းမြစ်များ

2 MULINA 17:20

Yawe cuk suu Israelna ki ni bel bel. Nam homosi yasi ki kaŋga u suu daŋŋa. Nam ɦasi ki ko suu ɦurumba. Asi ɦurumusi ki tuɗusi ha ki egem na day.

GA 8ATAMBARA 28:37

Yawe njayagi ha ki kay yam mbassa daŋga, suu hu li nammana wi na ni li ndaa coco kay dlara li ay egegi wanda, asi mbaɗagiya, hin panagi may.

JEREMI 45:4

Gola ni dlara aŋ hin dambara, Yawe ɓak anaba, Va ma an minimma an ɓeŋem ki ni an lay. Va ma an pamma, an paɗam ki u sarayam halaŋ kay ndaŋgara.

JEREMI 24:9

Suuna mbuɗ ki ndaana kay an li ki egesi ni dlara tak ki eg muli suu kay ndaŋgarana halaŋ, ki hu li ma an njayasi ki huna, asi hin mbuɗ ki ni dlara njunjunda suuna san uɗta. Suuna hin dogoɗosi ŋgulla u givunna na dok dok.

1 MULINA 14:15

Yawe hin ci suu Israelna. Asi hin mbuɗ ɦulul kolo ko ndal cerewna gasi kolo duk mbona fun lummara na. Nam hin dik suu Israelna ki hu mbassa jivira nam ɦaɗ ka maŋ somoyosira. Nam hin njayasi ha ki ŋgoo lumma ŋgolna ii ma hiniŋŋa. Kay ana asi min fulina ma asi a goɓomma kay tasiya. Asi duu ni u Yawe.

1 MULINA 9:7

ni an hin bulum suu Israelna ki kay yam ndaŋgara halaŋ, kay ndaŋgara an ɦasirara lay. Zira an mbuɗuɗ ki teteɗ a yan sen hura an hin hiniɗ ha ki egen na day. Suu Israelna hin mbuɗ ki ni a njunjunda vi suunara halaŋ.

GA 8ATAMBARA 29:28

«Tlesuu ŋgayna wasi ni Yawe. Nam gaygi u gaɗ mamba ay ki ni maygi aygi may, maŋ goryoygi suu ka daganna may ha na gak gak kay ana aygi mba li u gaɗ ndaɗta halaŋ.»

JEREMI 31:28

Na ɗaŋŋi an hin golosi usi a minisira, a pasira lay ko ndal an golosi usi ay hu li ma an paɗasi sariyasi ki lay, pukusi ki kaŋga layna na. A palayasi ki lay, bulumusi ki lay, a lasi dla cora, Yawe di na.

SOOLLA 44:14

Aŋ hinimi ko pan ma vi suu vok ziimina, suu ŋguyumina halaŋ ka san umiya.

Magaara JUD Ɓiiriɗta 1:12

Asi mba dukugi a ti ti ma wayara u agi ni ganagi yagi ni ganiya. Asi luu luu masina bay zolona, saa ni kay tasira doy hol, asi ni ko ɗugulla semeɗna valawaɗ ki bay si yonara na. Asi ni ko guguni suu ka vuɗɗina na, lini hu tilisi ma vuɗta lay ni asi ki ni ɦawaa, ko guguni suu paɗ ki kolo u sariyasi bel bel ki miɗina na.

JEREMI 18:7

An ndak a paɗagi ki u sariyagi lay, pukugi ki kaŋga lay, ɓeŋegi ki lay, ɓeŋ mulla ki lay.

JEREMI 12:17

Na may lini asi ka humbi ni, an hin paɗ suu asina ki u sariyasi, viɗisi ki a fafaɗta. Yawe di na.

SOOLLA 52:5

Aŋ min dla cora a sura jivira, min kaboyna a su boy ma gasina.

NDUMBA 32:15

Lini agi ka min a tuɗ u vunumbi ni nam hin ɦuɗugi buu magi ma ŋgoo bagina ha fok olo, ni agi ba ki ni suu Israelna halaŋ.»

JEREMI 16:13

An dikigi ki hu ndaŋga magira, hu ndaŋgara daŋga agi ka waɗɗi layra, somoyogi ka waɗɗi layra. Agi hin goɓogi kaŋga fok loogi suu daŋga faali lay, njeŋge lay, kay ana an hin ka saa a lagi dla jivi egegi oloɗi.»

JEREMI 22:8

Suuna u njafasi halaŋ hin jak hu ɦoŋzi namma, asi hin ɓak tasi ana, «Ni kay me Yawe li dla cora eg ɦoŋzi namma nage?»

JEREMI 44:8

Gasi daŋ may ni agi ɓeŋen hurun ki u dlara agi laɗta. Agi ŋgal ɓivunna maŋ loogi suu daŋŋa hu mbassa Egiptera. Agi tuɗ ŋgay tagi hura. Agi hin gagi njafagi kiyo. Agi hin mbuɗ ni va suuna hin gi vunna maŋ tasi u namma duk njaf suuna halaŋ kay ndaŋgara.

EZEKIYEL 7:24

An hin mbaa suu dlasi co ɦay su suuna halaŋŋa kay suu Israelna. Asi hin kal hu ziisiya. An hin bulum ŋga tara vi suu saɓakŋa kiyo, tlesuu mbususi ki teteɗna hin mbuɗ ki njenjera.

2 DLAŊ MULINARA 36:19

Suu Babilonna ŋgal Ziŋ Lonara kiyo, to gulumun ma Yerusalemma ki lay, ŋgal ziŋ mulnana ki lay, ɓalak tlesuu jivi suu hu ɦoŋzi ŋgolnana ki halaŋ.