2 DLAŊ MULINARA 7:17 - Boy Lonana

¹⁷ Aŋ may ni lini aŋ tuɗ fokon jivi ko ndal buŋ David lira na, li u dlara an daŋgara halaŋ, aŋ golon gaɗ manda u dlara an miniɗta jivi may ni.

2 DLAŊ MULINARA 7:17 ပူးပေါင်းရင်းမြစ်များ

ZAKARI 3:7

«Yawe, ma Saɓakŋa Kom Belna, di ana, Lini aŋ tuɗ hu voɗ manda, lini aŋ li u gaɗ manda, aŋ taŋga hin ti mulla kay ziinna aŋ hin golon huu taraŋ ziinna, an hin kakaŋ ki duk suu ki coli tani wanna.»

EZEKIYEL 36:27

An hin kalagi hurugi ni Musuk manda taɗta. An hin mbuɗugi agi poy u gaɗ manda, li u neenda an neegira may.

1 MULINA 11:38

Lini aŋ hum u dlara an hin daŋgara, lini aŋ tuɗ ɗegee hu voɗ manda, lini aŋ li dlara irin ɗegeera, li u gaɗ manda u neenda ko ndal saan ma sunda David lira na ni, an hin li u aŋu, an hin coloŋ njafaŋ kolo saɓak ko ndal an li u njaf ma vi Davidna na may, an hin ɦaŋ suu Israelna ni maŋu.

GA 8ATAMBARA 4:40

Ŋgomogi gaɗ mamba u yal mamma an haɗagina cemi wanna jiviya, ni a lagi jivira ni magi agi u goryogi suu hin hin ka ŋgoorogi daganna, kay ana buu magi ma kay ndaŋgarana ɦuɗ foko, ko Yawe cukugi buuna ha fun magina na tew tew. Yurdaŋŋa

Boy Ma Ayra Ma JAŊ Ɓiirimma 15:10

Agi li vi u gaɗ manda ni, agi hin lakŋi hu min manda ko an may ni vi u gaɗta vi Bunda an kaki hu min mamba may.

Boy Ma Ayra Ma JAŊ Ɓiirimma 14:21

«Sa ma vi gaɗ mandana li laɗu ni, sa ma mininna. Sa namma, Bun minim may, an minim may, an hin tak tan irimu.»

SOOLLA 105:45

Ni ana asi ŋgomom gaɗ mamba na gak gak may, asi li u gaɗ mamba. Halleluya.

1 DLAŊ MULINARA 28:9

«Aŋ taŋga, goronna, Salomon, wi Lo ma vi buŋŋa kiyo, lam sunda u huruŋ ma dewna u musukuŋ toki dew, kay ana Yawe wi huuna, wi saara huu sanara halaŋ lay. Lini aŋ halamu ni aŋ hin famu, lini aŋ noyom kiyo ni, nam hin noyoŋ ki a fafaɗta.

1 MULINA 8:25

Cemi wanda Yawe Lona vi suu Israelna, li oora kay saaŋ ma sunda, bun, David, boy ma aŋ damma kana, ana sa maa hu njafaŋ dew hin kak ka hu dlamba mulla vi suu Israelna fokonu. May ni di goryoŋ asi poy jiviya, tuɗ fokon ɗegee, ko ndal aŋ poy ay fokonda na may.

1 MULINA 3:14

Lini aŋ tuɗ u gaɗ manda, ko ndal buŋ David lira na may ni an hin ɦuɗuŋ buu maŋ ma kay ndaŋgarana ha foko.»

1 MULINA 2:3

Gol gaɗta vi Yawe, Looŋŋara jiviya, tuɗ ni hu voɗ mamba, li u gaɗ mamba u neemba, dlara nam miniɗta u gaɗta nam coli kaɗta ko ndal ɓiiri hu magaara gaɗta vi Moizza na. Aŋ liwa na ni hin fi hu dlaaŋga aŋ a laɗta halaŋ,

2 DLAŊ MULINARA 7:16

Cemi ni an man li namma wa, an mbuɗ ziin ndaɗta ki teteɗ kay sen yi ha huna gak gak. Irin u hurun halaŋ ka cuki kay li namma.

2 DLAŊ MULINARA 7:18

An hin ŋgomoŋ dlam maŋga mulla ha na din din ko an di ay ki fok jew maŋ buŋ Davidta na may ana, Sa ma hu njafaŋŋa hin kak ka mulla kay suu Israelna na gak gak.

SOOLLA 119:5

Ko poy manda tuɗ ɗegee, kay an min li u gaɗ maŋga.

2 DLAŊ MULINARA 6:16

Cem wanda, Yawe, Lona vi suu Israelna, li dla mayra aŋ daɗ maŋ saaŋ ma sunda, bun Davidta, hu li ma aŋ dam ana, goroŋ ma aŋ vuɗumma hin kak ka kay dlamba mulla fok suu Israelna, hol ni ko goryoŋ poy jivi, hum u gaɗ manda, ko aŋ poy fokonda na may.