2 DLAŊ MULINARA 7:14 - Boy Lonana

¹⁴ lini suu mansina mba yan sen hu li ma sen ka yii huna, lini asi hoŋ yasi kaŋgaa, lini asi cena, halan a wanu hin dla coosira kiyo ni an ay kolo huulona day ni hin humusi cen masira, an hin bulumusi coosi ndaɗta kiyo, hin suɗusi mbas masira ki may.

2 DLAŊ MULINARA 7:14 ပူးပေါင်းရင်းမြစ်များ

2 DLAŊ MULINARA 20:3

Josafat mbuɗ ki ndaa cocoo. Nam gijaŋ joɓ Yawe, tin dlara kay suu hu mulla Yudara halaŋ ana li laara sa ti vaɗi.

2 DLAŊ MULINARA 20:4

Suu Yudana ay hu ɦoŋzina zeɗ zeɗ halaŋ tok ay a cen Lona.

2 DLAŊ MULINARA 6:27

aŋ ay kolo huulona day ni, hum cenda vi suu maŋsina, bulum cora vi suu sun maŋsina suu Israelna kiyo. Aŋ hin takasi voɗta jivira asi a tlaɗta. Si mbona ay kay mbas maŋga, mbas mayra aŋ ɦaɗ maŋ suu maŋsina a jonara.

2 DLAŊ MULINARA 6:30

aŋ ay kolo huulona hu li ma aŋ kaki huna day ni, bulum cora kiyo, li sana ni ko poy mamba nam poyra na may, kay ana aŋ wam hurum kiyo. Aŋ dew ni sa ma wi huu suu warna kina.

2 DLAŊ MULINARA 6:33

aŋ ay kolo huulona day hu li ma aŋ kaki huna ni huma, li ko ndal sa ma ŋgay namma joɓoŋga na may. Ni kay ana suu warna hu duliyara halaŋŋi waŋ seŋ kiyo, a asi laŋ ndaaraŋ ko suu maŋ suu Israelna lira na may. A asi wi ki gasi ana seŋ ki yi kay zira an miniɗ wan ndaɗta.

SOOLLA 27:8

An saa ni kay Boy maŋŋa, «Aŋ halanu.» An ka halaŋŋi aŋ may, Yawe.

SOOLLA 60:2

Hu li ma nam duu u suu Sirina suu hu mbassa Mesopotamira u Sirina suu hu mbassa Sobana. Joab hoŋ ay ni ci suu Edomma ha hu lokka vuvuna, ni bup bup doogo yam mba'.

VUN ŊGOLNA 28:13

Sa ma baa coomba kaŋgana ka fi vadi. Sa ma di coomba, hiniɗ ki gasi mayna, hin fi oora vi Lonara may.

EZAYI 45:19

An njaɗ dlara halaŋŋi ka ki ŋgayɗi, njaɗaɗ ka ki hu li ma ndufunɗi lay. An di njaf suu vi Yakobma ka ana asi halan ha ki ni hu li ma ɦawana naɗi, Anni Yawe, an di ni dlara gasira. An di ki ni dlara ɗegeera.

EZAYI 59:20

Yawe di ana, An hin mba ni a buɗ suu Siyonna kira, an suɗ gegelay ma Israel ma hin coomba ki hoŋ irim ay egenna.

EZAYI 63:19

Day day ni ami mbuɗ ki ni ko suu aŋ ka ti kasiɗina na. Ami mbuɗ ki ko suu seŋ yi ka varasiɗina na. Ҥii, lini aŋ co huulona ay kiyo, lini aŋ cuk seŋ ay ga kay ndaŋgara, ɦinira halaŋŋi hin geŋeɗ fokoŋu.

JEREMI 14:9

Ni kay me aŋ mbuɗ taŋ ki ko sa ma mbuɗ ki ndaana na, ko ndal sa duuna ka ndak a suɗ sa oloɗira na ni nanage? Doliɗi ni aŋ Yawe ka dukumiya. Ami humuŋ seŋ ki lay. Aŋ hinimi kiɗi.

JEREMI 33:6

Na may an golom tuguɗii mamba, hin cilim mbilim ki lay. An hin cilisi mbilisi kiyo. An hin takasi begera ki irisi bel bel u heɓpa, asi hin kak u heɓpa may.

JEREMI 50:4

Hu li namma na ni, Yawe ɓak hu li namma na gaw ana, Suu Yudana u suu Israelna ka mbay u tasiya. Tuɗ ay may, tii may, asi hal ni Yawe, Loosina.

JEREMI 51:9

Ami hal yal ma cil mbil Babilon kina may ndaɗ ka a cilɗi. Hinigira dukugi ni gegelay hoŋ i hu mbas mamba. Boy maɗna tew ki huulona. Nam tew ki duk ɗugulla.

JEREMI 8:22

Kumu ma saɗam kay tuguɗira ay ka hu Galaadɗi su? Doktor ay ka huɗi lay su? Ni kay me asi wi mbil ma vi suu mansinana ay ka a cilim kiɗi ge?

EZEKIYEL 33:11

Dasi ana Bu Suuna suu tam u iiri mamba. Di ni Bu Suuna Yawe, an furi saɓaki ni kay miɗ ma vi suu li dla cora su? Ni na ɗow ana sa ma li dla cora mbuɗ poy mamba nam kak iiriya, hoŋogi aya hoŋogi ay hin poy magira cora kiyo, agi min a ba tagi ki ni kay mege, agi suu Israelna?

EZEKIYEL 33:12

«Aŋ goŋ sanna, tuɗ di gorseŋ suu Israelna ana, Ɗegeera vi sana ka suɗumbi lini nam li cora wa ni, ɗegee ndaɗta ka suɗumbi. Cora vi sana ka baam kiɗi, lini nam hom ki wa ni, coom ndaɗta ka ndak a baam kiɗi. Sa ma ɗegeena ka kak iiri ni kay ɗegee mambaɗi. Hu li ma nam li corana ni nam ki ni baaya.

NDUMBA 6:27

Hu li ma mul ma li ɓivunna yan sen wa na kay suu Israelna ni, an u tanda hin paɗ vunun ki kasiya.»

SUNDA 9:11

Bu Suuna dam ana, «Tuɗ cecemi hu voɗta ɦoŋzina Ɗegee, tuɗ hu zina vi Yudas, joɓ kay sa ma Tarsna sem ana Sol. Cecemi nam ka cena.

GA 8ATAMBARA 28:10

Suu kay yam mbassa halaŋŋa hin wi ki ana Yawe managi ki ni namu, agi ni suu yam semma. Ni asi hin lagi ndaaragi may.