2 DLAŊ MULINARA 7:10 - Boy Lonana

¹⁰ Ŋgoo dagan buu ma dok-mba' yam hindina hu til ma kiɗisiyana ni mulna njay suu Israelna ki voo. Asi tuɗ vo ni u furira. Hurusi li furira coco kay ana Yawe takasi jivi mamba ki egesi coco ɦay. Tak oo mamba ki kay David, kay Salomon, kay suu mam suu Israelna halaŋ.

2 DLAŊ MULINARA 7:10 ပူးပေါင်းရင်းမြစ်များ

1 MULINA 8:66

Hu buu ma kalavandina ni Salomon hin suuna tuɗ ki voo. Asi gi deɓ maŋ mulna si si ni, cuk tasi gaw gaw, tuɗ vo hu ziisiya. Asi furi coco kay jivira Yawe, laɗ maŋ Davidta ura laɗ kay saam ma sunda u suu mam suu Israelna halaŋga.

FILIPINA 4:4

Furiyugi hu Bu Suuna na gak gak an di olo furiyugiya.

SUNDA 16:34

Nam yow gi Pol u Silas varam yow ni i ɦasi tina. Sa namma u suu mamma halaŋ li furira ŋgolo, kay asi mbuɗ ki suu vi Lonna.

SUNDA 2:46

Hu buuna tew tew ni asi tok tasi hu Ziŋ Lonara, ti funa vo hu zira dewra halaŋ ko tasiya, hurusi eg tasi jiviya.

SOOLLA 106:5

Hinin an wi jivira vi suu aŋ manasina u irin may, taɓ furi manda u suu maŋsina may, ɓorow jivira u asi hu mbas maŋga may.

SOOLLA 105:3

Lagi furira kay sem ma teteɗna, agi suu hal Yawena furiyugiya.

SOOLLA 100:2

sunugi Yawe u furira, cukugi kalafi fokom u ayra.

SOOLLA 92:4

U diffa lay u diŋŋa lay u tlesuu bura zeɗ zeɗ lay.

SOOLLA 32:11

Furiyugi u Yawe, agi suu ɗegeena, furiyugi, sawalla koloo agi suu hurugi ɗegeena.

NEHEMI 8:10

Nam dasi ana, «Tuɗugi tagi ti ma jivina, cagi tlesuu cira suu jivina, ɦagi maŋ sa ma min tam ka u vaɗina nde nde may kay buu namma hinim ki ni maŋ Bu Suuna. Mbuɗugi tagi hahawraɗi kay ana furira vi Yawera ni saɓak magina.»

2 DLAŊ MULINARA 30:26

Furira li hu Yerusalem ŋgol cocoo kay col ay hu buu ma vi Salomon ma goŋ Davidna, mul ma Israelna, day ni furira ko ndaɗta na li ka hu Yerusalem ɦoy tuɗi.

2 DLAŊ MULINARA 29:36

Ezekiyas u suu Israelna halaŋ furi coco kay Lona njunusi a li dla ndaɗta kira kay sunda li wanni yaɗ vi kaɗi.

2 DLAŊ MULINARA 6:41

Cem wanda ni Yawe, Loonna, col ay ki koloo, mbay hu liiŋ ma koɗ tara, aŋ u Zandukka saɓak maŋŋa ka hura. Yawe, Lona. Ko muli maŋ suu li ɓivunna suɗ kiyo, ko suu maŋ suu ɗegeena furi hu jivira.

GA 8ATAMBARA 16:14

Agi li furira u goryogi suu njufiina u suu tamagina suu sun magi suu njufiina u boyogina, koyogi suu mba varagina u njaf suu vi Levi suu cuki dukugina, kemba kuyura u boyogi suu donona halaŋ, suu ka hu ɦoŋzi maginana.

GA 8ATAMBARA 16:11

Ni hu li ma Yawe Loogina manam tin sem huna, agi hin laɗ u furira fok Yawe Loogina u goryogi suu njufiina u gorɓiina u suu sun magi suu njufiina u boyogina u njaf suu vi Levi suu cuki dukugina, koyogina gor suu kuyuna u boyogi suu dono suu dukugina halaŋ.

GA 8ATAMBARA 12:18

Tle asina agi mba tasi ni fok Yawe Loogina hu li ma Yawe manamma agi tasi ni u goryogi suu njufiina, gorɓiina u suu magi suu sunugina, njufiina u boyogina halaŋ, u njaf suu vi Levi suu ka hu ɦoŋzi maginana bel lay. Agi hin lak u furira fok Yawe Loogina hu dlara agi laɗta halaŋ.

GA 8ATAMBARA 12:12

Agi hin lak u furira fok Yawe Loogina, agi tagira, goryogi suu njufiina u gorɓiina, suu magi suu sunugina, njufiina u boyogina, u njaf suu vi Levi suu ka dukugina halaŋ, kay asi dukugi ni joosi maa kaɗi.

GA 8ATAMBARA 12:7

Agi u suu magisina halaŋ tagi ti nam ma teteɗna ay fok Yawe u furira ko tagi dew. Agi hin furi kay sun magira li jivi ɦayra kay Yawe Loogina ka njunugiya, nam paɗ vunum ki kagiya.

KALKIRA 18:1

Jetro, mul ma li ɓivunna vi suu Madiyanna, kunuŋ Moizna, hum dlara Lona laɗ u Moiz u suu Israelna suu mamsinara halaŋ, Yawe cukusi ay ki hu mbassa Egiptera.

2 DLAŊ MULINARA 7:9

Hu buu ma kalavandina ni asi luu ni luu ma ŋgolna, asi li luu ma kay givin ma togolla ni buuna kiɗisiya. Luu ma ŋgolna tamba ni buuna kiɗisiya may.

2 DLAŊ MULINARA 7:11

Hu li ma Salomon daɓ sun Ziŋ Lonara u zira vi mulnara kina, nam li sunda halaŋ ki u hurum ma haɓma ko nam saa ay kaɗ a laɗta na. Hu Ziŋ Yawera u ziim tambana lay.

EZEKIYEL 45:25

Luu ma gijaŋŋa hu buu ma doogo yam vadlna hu til ma kiɗisiyana ni, mulna li ni ko ndal nam li ay u luu ma Pakŋara na olo, buu ma kiɗisiya namma bel ni nam ɦal tlesuu ɓivunna kay a bulum cora kira. Li ɓivun ma kay suuna belna ni na lay. Ҥal blena u mbulna ni ko ndaɗta na lay.