2 DLAŊ MULINARA 7:1 - Boy Lonana

¹ Hu li ma vun Salomon ma cenda ndi kaŋga may ni, kura col ay kolo huulona mba ŋgal li ma ŋgal ɓivunna u tlesuu ŋgaɗasi a li ɓivunnana ki halaŋ halaŋ. Bibiŋil Yawera oy hu Ziŋ Lonara ki na ndiŋ ndiŋ.

2 DLAŊ MULINARA 7:1 ပူးပေါင်းရင်းမြစ်များ

1 MULINA 18:38

Kura vi Yawera ndi ay kaŋgaa, ŋgal li ma ŋgal ɓivunna ki u tlesuu ɓivun suu gi kolo kamma halaŋ, guna u ɦinira, gugumma u yo ma vooy kaŋga hu zulla ndaɗ soom ki halaŋ.

1 DLAŊ MULINARA 21:26

David hin min givin ma togolla maŋ Yawe, li ɓivun ma ŋgalam ki ŋgalina u ma heɓ dukka. Nam yi Yawe kolo. Nam hoŋom dira ay u kura col ay kolo huulona mba kay givin ma togolla.

1 MULINA 18:24

Agi hin yi sem loogina. An may ni hin yi ni sem Yawe may. Lo ma hoŋ dira ay u kurana ni Lona gasi.» Suu Israelna halaŋ hoŋ dira ana, «Boy namma ni jiviya.»

EZEKIYEL 44:4

Sa namma tuɗ kalan ha hu vun ma ii mbayaw nana, tuɗun ha ki ta ta eg biɗii Ziŋ Lonara. An wi ki ana bibiŋilla vi Yawera ay ki kalafi hu Ziŋ Yawera. An girif kaŋgaa, kuluɓ irin ki duk ndaŋgara.

EZEKIYEL 43:5

Musuk Lonara colon koloo, kalan ki kurufu hu kaana. An gola ni bibiŋilla vi Yawera oy huu Ziŋ Lonara kiyo.

URA TIN AYRA 15:17

Faɗta ɗik ɗikŋi ndufunda ŋgolla kuluɓ bim, gola ni doyra gi kura hololol u sin kura jak duk tliw ma irimbi ɓorowi mbambana buyuk buyuk.

SUU KAƁAKŊA 6:21

Sa sunda vi Yawe maɗ fun tokolora komba ŋgen tliwna u fu ma bay kuffa dukumma na ni kura kal ay ki duk ɦinira ŋgal tle asina ki halaŋ. Sa sunda vi Yawe viɗ ii Gedeonni na gaw.

WIRA ŊGAYRA 21:23

Ҥoŋzi ma ŋgolna ni fatɗa u tilna ka hu oloɗi, weleɗ hu ni ŋgolla vi Lonara gaw. Goo Timiina ni pindilla gaw may.

SUNDA 4:31

Asi daɓ cenda may ni li ma asi laki huna geŋeɗ na jik jik. Asi oy ki u Musuk Lonara gijaŋ ɓak Boy Lonana u ɦiŋga.

DANYEL 9:20

An ɓak tu may, cena hom coonda ki may, cora vi suu Israelna may, tin yoo manda fok Yawe, Lo manna, kay sem ɦinira teteɗta vi Loonnara.

EZAYI 65:24

Jew bay vunusi yi kolo tu lay ni, an hoŋosi dira wa ɗow, asi ɓak ay na ni an humusi vunusiya.

KALKIRA 29:43

An hin ŋgaf u suu Israelna hu li namma, bibiŋil manda hin li hu li namma.

KALKIRA 19:18

Ҥinira Sinayra ɗus kini ndoosna bel bel. Kay ana Yawe cuk ay ga ni u kura. Ndoosna wul kolo ko ndoos kura ay ga hu zul ŋgollara na, ɦinira halaŋ geŋeɗ kini na jik jik.

MALASI 3:4

Ɓivun ma vi Yudana u ma vi Yerusalemma Yawe hin vam ko hu basara ay fok jewra na.

1 MULINA 9:1

Hu li ma Salomon daɓ sun Ziŋ Yawera ki may, daɓ sun Ziŋ Mulnara ki may, nam li tlesuu nam saa kasi a lasina ki halaŋ.

SOOLLA 26:8

Yawe, an minni zi ma aŋ ka huna, u li ma bibiŋil maŋga ka huna.