Fuli suu vi Aserana nam ceɗesi tinisi hu Ziŋ Yawera ta nam di David u goromma Salomon kaɗ ana, «Hu zi ndaɗta u ɦoŋzi ma Yerusalemma halaŋ ma an manam ki duk ɦoŋzi ma vi suu Israelna halaŋ ana an hin tin sen huwa.
Kay ana an kak ay ka hu ziɗi col ay hu buu ma an sel suu Israelna ay kina ta ta karami. Na may ni an jok ay hu mbutluɓma ni na jok jok, jok hu ziginina ni na jok jok.
Cecem wanda ɗaŋŋi aŋ hin ɓak saan ma sunda David ana, Yawe ma Saɓakŋa Kom Belna ɓak ɗaŋŋi ana, anni sa tlaŋ ay hu li ma taarana, ay ŋgoo yoorina a mbuɗuŋ ki mulna kay suu man suu Israelna.
Yawe, Lona vi suu Israelna, manan ki duk suu mansina halaŋ a li a mulna kay suu Israelna a fafaɗta. Kay ana nam man sa tuɗ fokosina ni Yuda, hu zi ma vi Yudana, hu ziŋ bunna, duk goryoŋ bunna, an irim jivi a kak mulna kay suu Israelna halaŋ.
Mulna Roboam kak eŋ coco hu mul mamba hu ɦoŋzi ma Yerusalemma. Nam kak a mulna na ni basaɗam ki ni dok-fiɗi. Nam hin ti mulla ni basara doogo yam kiɗisiya may hu ɦoŋzi ma Yerusalemma. Ni ɦoŋzi ma Yawe manam ki duk suu Israelna halaŋ a tin sem huna. Roboam sem sum ana Naama. Ndaɗ ni goora Amonda.
«Cem wanda soogi yagi ki ko ndal somoyogi na oloɗi. Baaragi kogi fok Yawe. Mbaagi ay hu ziim ma nam mbuɗum ki teteɗ a fafaɗta wanna. Sunugi Yawe, Loogina, kay a nam vaɗ hurum ma ɓeŋina ki egegiya.
Col ay hu buu ma an cuk suu Israelna ay ki hu mbassa Egiptera day ni, an man ɦoŋzi ma ŋgol maa ka duk suu Israelna a min ziinda hu a yan senda tuɗi. An man sa ma daŋ ma a kak mulna kay suu man suu Israelna kaɗi lay.
Ko ndaɗta na doonora u lorra aŋ hin fasi ay hu ɦoŋzi ma bagi ma hu Yerusalemma u tlesuu suuna ɦasi ɦalla ɦawarana ko suu li ɓivunna u suuna yowosi mbasi ay hu Ziŋ Lonara Yerusalem.
«Aŋ minin givin ma togolla u ndaŋgara a lan ɓivunna hura, a li ɓivun ma ŋgalam kina u ɓivun ma heɓpa u yoori suu goorina u suu ŋgolona, hu li ma an tak sen huna halaŋ. An hin mbay egeŋu, hin paɗ vunun ki kaŋu.
Sa sunda vi Yawe di Satanna ana, «Ko Yawe seŋeŋ vunuŋ kiyo, Satan. Gasi ko Yawe seŋeŋ vunuŋ kiyo, nam ma ŋgaɓ Yerusalem kina. Kay sa namma ni ko vun gu ma tlam ay ki duk kurana naɗi su?»
Yawe di Samuel ana, «Aŋ hin tii kay Sol na gak gak su? An tanda noyom ki ni anu. Nam ka mul ma Israelna oloɗi. Oy mek maŋŋa u mbulna tuɗa. An sunuŋ ha vo vi Jese ma Betlehemma, kay ana an gol duk goryom wanni sa ma tinim a mulnana kaa.»