2 DLAŊ MULINARA 6:32 - Boy Lonana

³² «Lini ŋgayna lay, ma ka njaf suu Israelɗina, lini nam col ay ni hu mbassa dayra lay a mbay fok seŋ ma ŋgol cocona, koŋ ma saɓak cocona u bikiŋ ma ki malina, lini nam mbay a cen hu zi ndaɗta

2 DLAŊ MULINARA 6:32 ပူးပေါင်းရင်းမြစ်များ

Boy Ma Ayra Ma JAŊ Ɓiirimma 12:20

Suu Grek suu ɦiw ka duk suu mbay Yerusalem a goɓ Lona falira luuna.

SUNDA 2:10

suu Frigina u suu Pamfilina, Egiptena u keŋ mbassa vi Libi tok eg ndaŋgara Sirenda, suu mbay hu Romma ka hu lay.

Boy Ma Ayra Ma JAŊ Ɓiirimma 10:16

Yoori man suu daŋŋa kaa, asi ka duk ndarayasina tuɗi. An tuɗ halasi aya. Asi hin humun delen na ni, asi hin taɓ ki a yoo ma dewna, sa ma taarasina li dew may.

MATIYE 2:1

Yesu vuɗ Betlehem hu mbassa Yudera. Ni hu li ma Herod a mul masina. Suu wi dlara u ciciwra yow ay u lo maɗiina, mbay Yerusalem.

ZAKARI 8:22

Suuna bolow cocoo u suu saɓakŋa hin mbay Yerusalem hal Yawe, ma Saɓakŋa Kom Belna, hin a heɓ huu Yawera may.

EZAYI 66:20

Suuna hin mbaaragi gorsegi suu ay ki hu li ma daŋŋana aya, mbaarasi ay ko poora na maŋ Yawe. U kulumina u pus pusna u tlena gani kolo kay kulumina, lay ma buuna lay, koro ma Makkana u jamballa, mbaaasi eg ɦini manda teteɗta. Ko ndal suu Israelna ɦal tlena ay man ŋgoo bagi hu fullara na may.

JOSUWE 9:9

Asi hoŋom dira ana, «Suu sun maŋsina col ay ni hu mbassa dayra ni kay dlara vi Yawe, Looŋŋa, ami hum sem tii ha ki cocoo, dlara nam laɗ ay hu mbassa Egiptera.

MATIYE 12:42

Ca mulla col ay dali day, mba eg Salomon a hum boy ma jivi ma funumma. Ni kay ndaɗta hu buu ma kaɓakŋa, ndaɗ hin col kolo, ɓak co kagiya. Cem cemmi sa su kay Salomonna ka dukugiya.»

SOOLLA 89:13

Mbayawra u dalira aŋ lasi ni aŋu, ɦinira Taborra ura Hermonda ka li furira u seŋu.

2 MULINA 5:15

Nam hoŋ ay u suu umma halaŋ eg sa ma vi Lonna. Nam kal ha vo tuɗ col fokom di ana, «Cemi ni an wi ki ana kay yam ndaŋgara halaŋŋi lo ma daŋ kaɗi, ni Lona vi suu Israelna dew daŋ. Cemi ni an ceneŋu, vi tlesuu saaŋ ma sunda min a ɦaŋsina ɦawa wannana.»

2 MULINA 5:8

Hu li ma Elize, sa ma vi Lonna, hum ana mul ma Israelna haa baraw mamma tamma kiyo ni, nam sun ha tuɗ di mulna ana, «Aŋ haa baraw maŋŋa ki ni kay mege? Naaman mbay egen tani, nam hin wi ki ana sa ma jok vun Lona ka vi suu Israelna.»

2 MULINA 5:3

Ndaɗ di cara varaɗta ana, «Ҥawaa, lini sa ŋgol manna tuɗ eg sa ma jok vun Lona ma ka hu Samarina ni, nam hin suɗum ay ki ko tuguɗii busu ma ka lam wanna.»

RUT Magaara Njaɗ Dlara vi Rut 1:16

Rut hoŋoɗ dira ana, «Ҥeɓen ɦeɓi kay a hinik kiraɗi, ka an tuɗ ha ki egek dayraɗi lay. Kay li ma ndak tuɗ huna an tuɗ ni hu may. Li ma ndak buu huna an buu ni hu may. Suu maksina mbuɗ ni suu mansina may. Lookŋa mbuɗ ni Loonna may.

JOSUWE 2:9

Ndaɗ di suu asina ana, «An wi ana Yawe ɦagi mbas ndaɗta ki wa. Ami suu hu mbas ndaɗtana halaŋ ki kogi ni ndaana, suu cuki hu mbas ndaɗta halaŋ ka dlak ndaana kogiya.

KALKIRA 13:14

«Lini goroŋŋa joɓoŋ vin ana na ni kay mege? Ni aŋ dam ana Yawe cukuygi ay ki hu mbassa Egiptera ni u saɓakŋa buɗuy ay ki hu mbaɓura.

KALKIRA 6:6

Kay ndaɗta aŋ di suu Israelna ana, ni an Yawe. An hin paɗagi ki hu lassa suu Egiptena ka lasagira, an hin buɗugi ki ko mbaɓura, an hin saagi sugulugi ni u saɓakŋa u eŋga.

2 DLAŊ MULINARA 6:31

Kay ana asi laŋ ndaaraŋu, li u gaɗ maŋga may ta ta hu iiri masira kay ndaŋgara tanira halaŋ.

SOOLLA 136:12

Kom saɓak cocoo, bikim fiyek lay kay ɗegee mamba ka ni na gak gak.