2 DLAŊ MULINARA 6:30 - Boy Lonana

³⁰ aŋ ay kolo huulona hu li ma aŋ kaki huna day ni, bulum cora kiyo, li sana ni ko poy mamba nam poyra na may, kay ana aŋ wam hurum kiyo. Aŋ dew ni sa ma wi huu suu warna kina.

2 DLAŊ MULINARA 6:30 ပူးပေါင်းရင်းမြစ်များ

1 MULINA 8:39

aŋ may ni humusiya. Bulumusi coosira kiyo. Aŋ, Yawe, Lona ma ay kolo huulona dayna mbay njunusiya. Aŋ li gegelay ni u poy mamba kay ana aŋ wam hurumu. Aŋ dew ni sa ma wi huu suuna ki halaŋŋa.

1 DLAŊ MULINARA 28:9

«Aŋ taŋga, goronna, Salomon, wi Lo ma vi buŋŋa kiyo, lam sunda u huruŋ ma dewna u musukuŋ toki dew, kay ana Yawe wi huuna, wi saara huu sanara halaŋ lay. Lini aŋ halamu ni aŋ hin famu, lini aŋ noyom kiyo ni, nam hin noyoŋ ki a fafaɗta.

1 DLAŊ MULINARA 29:17

An wi ana aŋ, Loonna, wi huu suuna. Aŋ minni ɗegeera. An may ni u hurun ma ɗegeena an ɦaŋ tle asina halaŋ. Cecem wanda suu maŋsuu ka tanina an ka wasi asi ɦal tlena u furira u hurusi ma dewna.

1 DLAŊ MULINARA 29:19

Ҥal huu ma ɗegeena maŋ goronna, Salomon, a vaŋ gaɗ maŋga, vi vun maŋŋa, gaɗ maŋga a li sunda miniŋ ziiŋ ma an min tlena ka kamma.»

2 DLAŊ MULINARA 6:29

cenda sana a ceneɗta u hoŋga sana a hoŋ yam kaŋga hu cendara, col ay ni fun suuna halaŋ ɗowba fun suu Israelna suu maŋsina halaŋ, lini sana tin hurum gasi kay dlara lamba wa, u lassa nam ka lassa, nam yow kom kolo fun zi ndaɗta wa ni,

2 DLAŊ MULINARA 6:31

Kay ana asi laŋ ndaaraŋu, li u gaɗ maŋga may ta ta hu iiri masira kay ndaŋgara tanira halaŋ.

SOOLLA 62:12

Lona ni malaŋ saɓakŋa halaŋ. An huma nam di na ni ka sem dew ɦawaɗi.

SOOLLA 7:10

Doo dla cora suuna landa egenda kiyo. Col suu ɗegeena eŋe. Aŋ ma wi huu suuna kurufuna, Lo ma ɗegeena.

VUN ŊGOLNA 15:11

Yawe wi dlara ka li ha hu lina vi suu miɗinara halaŋ. Nam wi saara ha kurufu huu sanara ki ni su olo.

JEREMI 17:10

An, Yawe, sa wi saa suuna, wi dlara hurusira lay, kaɓakŋa kay gegelay ni u dlaamba u sunumba nam laɗta.

EZEKIYEL 18:30

Kay ndaɗta agi suu Israelna gegelay ni an hin kaam ɓakŋa kam ni u voɗ mamba nam tlaɗta. Di ni Bu Suuna Yawe. Hoŋogi aya, hinigi dlaagira co ndaɗta ha kiyo. Hinigi dlara zuɗugi a li dla cora egegi oloɗi.

MATIYE 16:27

Na daŋŋi Goŋ Sanna hin mbay u bibiŋilla vi Bumba u suu mam suu sunda huulona may, hu li namma nam hin warak gegelay u dlara nam laɗta.

Boy Ma Ayra Ma JAŊ Ɓiirimma 2:25

Nam ka min ana sa haɗam kay suunaɗi, nam u tamba wi dlara huu suunara.

HEBRENA 4:13

Va ma ŋgay ii Lona kaɗi. Tlesuu nam lasina halaŋŋi ki fokom nam Lona ni siiliya, aygi di kay dlaaygira halaŋ fokom namu.

WIRA ŊGAYRA 2:23

Li ka naɗi ni an hin caɗ goryoɗ kiyo. Ni suu vi Kristuna halaŋ hin wi ana an ni sa ma wi saara u minda hu suunara. An hin warak gegelay ni u sun mamba nam laɗta.

1 SAMUEL 16:7

Na may Yawe di Samuel ana, «Aŋ ŋgaam kay jivim u wulum ma fiyekŋa na gawɗi. An hoŋ dira olo ka ni kay dlara suuna waɗ u irisira ɦawaɗi. Suuna wi ni dlara ki irisi kiɗikka, may Yawe wi ni huuna.»