2 DLAŊ MULINARA 6:27 - Boy Lonana

²⁷ aŋ ay kolo huulona day ni, hum cenda vi suu maŋsina, bulum cora vi suu sun maŋsina suu Israelna kiyo. Aŋ hin takasi voɗta jivira asi a tlaɗta. Si mbona ay kay mbas maŋga, mbas mayra aŋ ɦaɗ maŋ suu maŋsina a jonara.

2 DLAŊ MULINARA 6:27 ပူးပေါင်းရင်းမြစ်များ

2 DLAŊ MULINARA 7:14

lini suu mansina mba yan sen hu li ma sen ka yii huna, lini asi hoŋ yasi kaŋgaa, lini asi cena, halan a wanu hin dla coosira kiyo ni an ay kolo huulona day ni hin humusi cen masira, an hin bulumusi coosi ndaɗta kiyo, hin suɗusi mbas masira ki may.

SOOLLA 119:33

Yawe takan voɗ gaɗ maŋga, warak manna aŋ wammi aŋu.

SOOLLA 25:12

Suu li ndaa Yawena halaŋ, nam takasi voɗta asi tuɗ hura.

SOOLLA 25:8

Yawe jiviya, nam ɗegee, nam tak voɗta maŋ suu li dla cora.

SOOLLA 68:9

ndaŋgara geŋeɗa, lona si lay, fok Lona, Lo ma vi suu Israelna, fok Lona, Lo ma kay ɦinira Sinayra.

SOOLLA 94:12

Yawe, furira ka kay sa ma aŋ gaɗamma, sa ma aŋ haɗam u gaɗ maŋgana,

EZAYI 30:21

Humugi hin hum della ɓak ay ŋgorogi daganda, lini agi a tuɗ ni bik njuf ɗowba bik gulu, «Gola voɗta wanni tlagira.»

JEREMI 14:22

Duk fuli suu cona na ni, suu ndak a mba yo Lona ay kaŋgana ka su? Yona col sira ay ni kolo huulonaɗi su? Ka ni aŋ, Yawe, Loominaɗi su? Ami ka juɓuŋu kay ana aŋŋi sa li tle asinanaɗi su?

JEREMI 42:3

Ko Yawe, Looŋŋa, takami voɗta ami tlaɗta, dlara ami laɗta.»

JEREMI 5:24

Asi ka ɓak tasi kay tasi ana, «Ŋgaaygi Yawe Looyginaraɗi, nam saygi yona kaygi hu liim tew tew vun ɦoɗogolna lay, vun walla lay, goloygi njaf tlena tew eg liisi ma feɗta.»

JEREMI 6:16

Yawe ɓak anaba, Cologi hu voɗta na jol a halagi lina. Joɓogi kay voɗta suu jewna tlaɗta, voɗta heɓpa huruɗta ni tarage, agi hin tlaɗu. Agi hin fi li ma agi kak u heɓpana. May ni asi di ana, «Ami ka tuɗ huruɗɗi.»

EZEKIYEL 34:26

Hu mbas ndaɗta u ɦini mayra ŋguy kay mbas ndaɗtara halaŋ, an hin paɗ vunun ki kay li namma. An hin si mbo lona u voɗom lay, hin li ni mbo lo ma vunna ki paɗi kamma.

JOEL 2:12

Cecem wanda, Yawe di ana hoŋogi ay egen u hurugi halaŋ, u laara lira, u tiina, u yoo tara.

JOEL 2:13

Yoorogi hurugi na ɗow, haragi barawi magisinaɗi, hoŋogi ay eg Yawe Loogina. Nam ka tew tew u heɓpa hurum ka ɓeŋ zak zakgi, ɗegee cocoo. Nam yoo tam kay dla cora ɦay.

JOEL 2:23

Agi suu hu Siyonna lagi furira u Yawe Loogina. Nam ɦagi mbo lo ma ndolna a suɗugi kira. Nam si yo ma ndolna hu lina kagi ko ay fok jew dayra na.

MISE 4:2

Njaf suuna bolowo hin gijaŋ tuɗta hin di ana, «Mbaagi aya, ɗiŋiygi kolo kay ɦinira vi Yawera, hu zi ma vi Loŋ Yakobma. Nam hin takaygi voɗ mamba, aygi hin tuɗ hu voɗ mamba. Gasi haɗ ndaɗta col ay ni hu Siyon, boy ma vi Yawena ay hu Yerusalem may.»

ZAKARI 10:1

Joɓogi Yawe kay mbo lo ma hu til faɗtana. Yawe mba ɗugulla ay ni namu. Nam si yona ay kaŋga ŋgolla cocora ni namu, ɦal vuɗ tlena bagi hu senena maŋ gegelay ni namu.

Boy Ma Ayra Ma JAŊ Ɓiirimma 6:45

Suu jok vun Lona ɓii boy namma ana, Lona hin haɗasi halaŋ. Sa ma hum vun Buna, vi u haɗ mamba mayna, hin mbay egenu.