2 DLAŊ MULINARA 6:18 - Boy Lonana

¹⁸ Na ni gasi Lona ndak a kak ko tam u suuna dew kay ndaŋgara su? Huulona tamba lay ni ka ndak a kakaŋgi, gol ko zi mayra an miniŋga wandara su?

2 DLAŊ MULINARA 6:18 ပူးပေါင်းရင်းမြစ်များ

1 MULINA 8:27

Na ni gasi, Lona ndak a kak kay ndaŋgara tani su? Huulona tamba halaŋ ka ndak a kakaŋgi lay ni ko goo zira an miniɗ wanda su?

2 DLAŊ MULINARA 2:5

Lini huulona ma zeɗ zeɗna ka ndak a kak Lonaɗi ni, sa ma hin ndak a minim zina kamma ni gege? Anni ge a minim zira kambage? Minni ɦawa ana hin ŋgal tlesuu li ɓivunnana fokom huwa.

2 DLAŊ MULINARA 2:6

Cemi wanda aŋ sunun sa ma wi yal sun lorra, doonora, kawi ma tlawna u ɓalaŋŋa aya. Ni sa ma wi yal gi cil barawna, corom tam ki tlawra u ma guyvun guyvunna, ma wi yal ɦosa ɦos vun tlena ki luy luyna may. Nam hin mba taɓ li sunda ko tam u suu mansina, suu may suu bun David varasi kana, suu ka cuki hu Yerusalem u suu ha ki cuki keŋ hu mbassa Yudarana halaŋ.

2 DLAŊ MULINARA 32:15

Mbagi aya, hin tagi a Ezekiyas kaagi boyna a ganagi yagi ɦawaɗi, tinigi hurugi kay boy mammaɗi dow. An hoŋ di olo, lo maa ɗowba njaf suu ɗowba, mul taa ɗowba, ma ndak a suɗ mbas mamba ki ko saɓak ma vi somoyonna dew kaɗi, ki kon tanda lay ni kaɗi. Kay ndaɗta loogi magisina ka ndak a suɗugi kiɗi lay.»

2 DLAŊ MULINARA 6:17

Cem wanda, Yawe, Lona vi suu Israelna, hal u boy ma aŋ dam maŋ saaŋ ma sunda Davidna kiyo.

2 DLAŊ MULINARA 6:19

Na may, Yawe, hum cenda vi saaŋ ma sunda haa. Yawe, Loonna, humun tii manna haa. Humun cen manda an ka ceneŋ wanda.

JOB 4:19

Gol ko suu warna suu nam minisi u luɓuna ɦawana su? Mbalata sana ni luɓuna ɦawaa. Nam ndak a ɦadlam ki ni ko ndal pipira ɦawa na.

JOB 9:14

An may ni hin hoŋom dira ni ana mege? Boy ma an hin fam a dammana ni manage?

SOOLLA 68:18

Lona u pus pus ma kulumi suu duuna bolow ka ndumbi, nam ka mbay hu Sinay, hu Ziiŋ ma Teteɗna.

EZAYI 57:15

An Lo ma ay kolo dayna ma ka din dinna di na. Ma ka miɗina, sem ana ma Teteɗna. An ka kaki ni hu li ma teteɗna. May an ka hu sa ma hurum ki teteɗna, sa ma irim ɗilina kay a ɦal iirira maŋ ŋgus mayra hoŋ yaɗ gara, maŋ suu hurusi ka haɗ ɦayna may.

EZAYI 66:1

Yawe di ana, Huulona ni dlam manda kakŋa, ndaŋgara ni va ma an tin sen kamma ɦawaa. Zi ma agi hin mininnana ni manage? Li ma an hin a koɗ tan hurumma ni manage?

JEREMI 23:24

Lini sana ŋgay tam ha ki day lay ni, an hin ka wambi su? Di na ni Yawe. An oy li ma kolona u li ma kaŋgana, ka ki ni anɗi su? Yawe di na.

MATIYE 12:6

An dagi ana va ŋgol su Ziŋ Lonara ka tani.

MATIYE 7:11

Agi suu cona wi a ɦal tlesuu jivina maŋ goryogiya, Bugi ma kolo huulona ɦal tlesuu jivina maŋ suu joɓomma ni nam ɗowɗi su?

SUNDA 17:24

Lona ma li duliyara u tlesuu huruɗna halaŋŋa, nammi Bu Suuna vi tlesuu kolo huulona u suu kay ndaŋgarana halaŋ. Nam ka kak hu zi ma sa minim u kombi.

2 KORINTNA 12:2

An wi sa ma vina dew basara ki ca ni doogo yam fiɗi, tlam ha kolo huulona ma hindina, ni u tamba kala hu ŋgussa kala, ni an wiɗi, Lona dew wi ni namu.