2 DLAŊ MULINARA 6:14 - Boy Lonana

¹⁴ Nam di ana, «Yawe, Lona vi suu Israelna, Lo ma ko ndal aŋ na kaɗi, kolo huulona lay, kaŋga kay ndaŋgara lay. Aŋ li u galam maŋga aŋ vaɗ u suu sun maŋsinara, aŋ ka ɗegee u asi tew tew, hu li ma asi ka poy fokoŋ ɗegeena may.

2 DLAŊ MULINARA 6:14 ပူးပေါင်းရင်းမြစ်များ

KALKIRA 15:11

Yawe, duk loogina halaŋ ma ko ndal aŋ nana ni gege? Sa ma ki teteɗ ko aŋ nana ni gege? Ma ndaki a li dlara mbuɗ mbuɗta nana ni gege?

GA 8ATAMBARA 7:9

Agi wi ki ana Yawe Loogina ni Lona, ni Lo ma gasina, nam li u galam mamba, ɗegee mamba tuɗ ta ta kay njafna ha fok na gak gak buɓ kay suu may suu minimma suu li u gaɗ mambana.

1 TESALONIKŊA 2:12

Ami gaɗagiya, soogi hurugiya, ami cenegi ana poyogi jivi ko Lona minda na. Nam ma yagi ay hu mul mamba u bibiŋil mambana.

Boy Ma Ayra Ma LUK Ɓiirimma 1:50

Nam hurum haɗ kay suu hum umma.

Boy Ma Ayra Ma LUK Ɓiirimma 1:6

Asi ni suu ɗegeena. Asi hum u gaɗta vi Lonara halaŋ lay.

JEREMI 10:6

Sa ko ndal aŋ na kaɗi, Yawe. Aŋ ŋgolo, seŋ ŋgolo u saɓakam may.

SOOLLA 89:28

An may ni nam hin lini a goron ma ŋgolna, ni sa dlam ŋgol su muli suu kay ndaŋgara halaŋŋa.

SOOLLA 89:8

Hu tokka vi suu teteɗna Lona va ma ŋga u nam kaɗi, tlesuu ŋguyuŋŋa halaŋ ka laŋ ndaaraŋu.

SOOLLA 89:6

Yawe, ko huulona lay geleɗeŋ dlaaŋ ta mbuɗ mbuɗta, suu teteɗ suu tokina mba ŋgaaŋ ɗegee maŋga.

NEHEMI 1:5

An di ana, «Ha, Yawe, Lo ma kolo huulonana, Lo ma ŋgol ma suuna lam ndaaramma, ma vi galamba ɗegeera u suu minimma, li u gaɗ mamba mayna.

1 DLAŊ MULINARA 29:20

David di suu tokina halaŋ olo ana, «Gagi deɓ Yawe, Loogina.» Suu tokina halaŋ gi deɓpa maŋ Yawe, Lo ma vi somoyosina. Asi goɓ kaŋga u vok givisi fok Yawe, fok mulna.

1 MULINA 18:36

Tew hu li ma taa tlena a ɦalla may, sa ma jok vun Lona Eli ɦuɗ tam ay di ana, «Yawe, Loŋ Abrahamma, Loŋ Isaakŋa, Lo ma vi suu Israelna, li dlara asi wi ki karam ana aŋŋi Lona daŋ mayra anni saaŋ ma sunuŋŋa an li dlara ni u boy maŋŋa.

1 MULINA 8:23

hin di ana, «Yawe Lona vi suu Israelna, lo ma ko ndal aŋ na kaɗi kolo huulona lay, kaŋga kay ndaŋgara lay a ŋgom galamba u jivira kay suu sun maŋsina suu tuɗ kay seŋ u hurusi halaŋŋa na ni kaɗi.

1 MULINA 6:12

«Cemi ni aŋ ka minin zira ni manu. Lini aŋ ka li u boy ma an daŋŋa hu gaɗta wanna may ni, li u yal ma an daŋŋana may ni, lini aŋ ɦal taŋ a hum u gaɗ manda halaŋ may ni, an hin li dlara an daɗ ay ki jew maŋ buŋ kaŋga u vi vun man namma may.

1 MULINA 3:6

Salomon hoŋ dira ana, «Aŋ li jivira maŋ saaŋ ma sunda bun David cocoo, kay ana nam li sunda fokoŋŋi u ɗegeera u jivira may u huu ma haɓma fokoŋ may, aŋ golom u jivi ndaɗta gak gak ɦam goo ma hin varak ka balamam kay dlam mamba mullana may.

GA 8ATAMBARA 4:39

Wagi dla ndaɗta ki u tagira cemi, haɗagira lay. Yawe nam dew ni Lona kolo huulona lay, kaŋga kay ndaŋgara lay va ma daŋ kaɗi.

URA TIN AYRA 33:20

Nam min givin ma togolla maŋ Lona, yam sem ana, Lona ni Lo ma vi suu Israelna.

URA TIN AYRA 17:1

Hu li ma basa Abram li ki dok-dleeŋe yam dleeŋe ni, Yawe tak tam ki irim dam ana, «Anni Lona ma Saɓakŋa. Aŋ poy fokonu li ɗegee.

URA TIN AYRA 5:24

Nam poy u voɗta vi Lonara, hum u Lona cocoo lay, li ma nam kal huna sa wam kaɗi, kay Lona tlam kolo egemu.

Boy Ma Ayra Ma LUK Ɓiirimma 1:72

Nam tak min mamba maŋ somoyoy suu jewna. Humum gam kay bana mamba nam vaɗ u aygira.

DANYEL 9:4

An cen Yawe, Loonna, hin di coonda fokom ana, Aa! Bu Suuna, aŋ Lo ma ŋgolna, ma suuna liŋiŋ ndaaraŋŋa, mavi banara u suuna u ɗegeerana kay suu ka miniŋ may, li ugaɗ maŋga mayna.

JEREMI 10:16

Sa li jivira maŋ Yakobma ka naɗi. Nammi sa li tlena halaŋŋa. Israel ni deera hin yowom joomba. Yawe, ma Saɓakŋa Kom Belna, ni semu.

SOOLLA 86:8

Duk loogina halaŋ, lo ma ko aŋ na kaɗi, Bu Suuna. Dlara aŋ laɗta sa ma ndak a humuɗ uɗ ki kaɗi.

1 DLAŊ MULINARA 29:10

David gi deɓpa maŋ Yawe fok suu tokina di ana, «Ko suuna ŋgaaŋŋi seŋu, Yawe, Lona vi suu Israelna, bumi ma ay day day a fafaɗtana.

2 SAMUEL 7:22

Olo aŋ ŋgolo, Bu Suuna Yawe, sa ma ko aŋ na kaɗi. Lo ma ko aŋ na kaɗi, ni aŋ na dew daŋ u tlesuu ami humusi u hum tamira wanna.

KALKIRA 3:15

Lona hin di Moiz olo ana, «Aŋ hin ɓak suu Israelna ana, Yawe Lo ma vi somoyogina, Lona vi Abraham, Lona vi Isaak, Lona vi Yakob sunun ay egegi ni namu. Ni sen ma fafaɗna, ni asi hin cenen hu basara basara ni u sen namma.

URA TIN AYRA 35:10

Lona dam ana, «Seŋ ana Yakob, tuɗ fokŋi sa ka yaŋ ana Yakob oloɗi, seŋ mbuɗ ni ana Israel.» Nam hin tinim sem ana, Israel.

GA 8ATAMBARA 3:24

«Bu Suuna Yawe cemi ni aŋ gijaŋŋa a tak ŋgol maŋga ki ii saaŋ ma sunda u saɓak ma col ay koŋŋa, na ni lo ma daŋ ma ka kolo huulona ɗowba kay ndaŋgara ma ŋga tam u sun maŋga aŋ laɗta u gi saɓak maŋŋa ka su?

KALKIRA 8:6

Faraw ana, «Vini». Moiz dam ana, «Ko aŋ dira na a wi ki ana sa ma ko Yawe, Loomina, na kaɗira ni,

2 DLAŊ MULINARA 6:17

Cem wanda, Yawe, Lona vi suu Israelna, hal u boy ma aŋ dam maŋ saaŋ ma sunda Davidna kiyo.

2 DLAŊ MULINARA 20:6

Asi cen Lona ana, «Yawe, Lo ma vi somoyomi suu jew dayna, aŋ ti mulla ay kolo huulona ni aŋu. Aŋ ti mulla kay njaf suu warna halaŋŋi aŋ lay. Saɓakŋa u garaaŋga halaŋ ay ni koŋu. Sa ma ndak a col fokoŋ kaɗi.