2 DLAŊ MULINARA 5:13 - Boy Lonana

¹³ Suu bu tokolomma u suu gi soolla li ni ko tasi na dew. Asi hum tasi cocoo, taɓi ni ko tasi na dew a geleɗ Yawe, ŋgaam may. Hu li ma tokolomma u diŋŋa u dadarina gijaŋ bura wa ni, asi geleɗ Yawe di ana, «Kay nam jiviya, ɗegee mamba ha ni na gak gak.» Huu Ziŋ Lonara oy ki u ɗugulla.

2 DLAŊ MULINARA 5:13 ပူးပေါင်းရင်းမြစ်များ

1 DLAŊ MULINARA 16:4

David tin suu Levina suu ɦiw fun Zandukka vi Yawera. Asi li sunda, li luuna, geleɗ Yawe Lona vi suu Israelna.

2 DLAŊ MULINARA 20:21

Nam gi gagara u suuna kay a yow suu may suu hin cuk ha fok suu duuna a geleɗ Yawe, ŋgaam teteɗ mamba ŋgollara di ana, «Ŋgaagi Yawe kay ɗegee mamba ha ni na gak gak.»

2 DLAŊ MULINARA 20:22

Hu li ma asi gijaŋŋa a ŋga Yawera may ni, Yawe cuk suu may suu a cuk ŋgeŋŋa duk suu Amonna u suu Moabma u suu ay kay ɦinira Seirra, mbay ki hu Yuda. Asi gijaŋ ci tasi duk tasi ni na gaw.

2 DLAŊ MULINARA 7:1

Hu li ma vun Salomon ma cenda ndi kaŋga may ni, kura col ay kolo huulona mba ŋgal li ma ŋgal ɓivunna u tlesuu ŋgaɗasi a li ɓivunnana ki halaŋ halaŋ. Bibiŋil Yawera oy hu Ziŋ Lonara ki na ndiŋ ndiŋ.

2 DLAŊ MULINARA 7:2

Muli suu li ɓivunna ka ndak a cuk kalafi hu zira vi Yawera oloɗi kay Bibiŋil Yawera oy huu Ziŋ Lonara ki wa.

2 DLAŊ MULINARA 7:3

Suu Israelna halaŋ wi kura ay kolo huulona ndaɗta u Bibiŋil Yawera kolo kay Ziŋ Lonara, asi goɓ kaŋga daɓ vogosi kaŋga duk ndaŋgara, huu kaana kurufu fun Ziŋ Lonara, ŋga Lona di ana, «Kay nam jiviya, ɗegee mamba ha ni na din din.»

2 DLAŊ MULINARA 7:6

Muli suu li ɓivunna col ki hu liisi ma sunda halaŋ. Njaf suu vi Levina ka u tlesuu bura kosi may a geleɗ Yawera, tle asina lasi ka ni mulna David a geleɗ Yawera ana, «Kay ɗegee mamba ha ni na din din.» Hu li ma David ŋga Lona u tle asina ni muli suu li ɓivunna bu tokolomma gaw may. Suu Israelna halaŋ yow ki kolo u sesiya.

EZDRAS 3:11

Hu geleɗta u gi deɓpa maŋ Yawera asi hoŋ dira ana, «Kay ana nam jiviya, ɗegee mamba kay Israel ni a fafaɗta.» Suuna halaŋ yi ha kolo u furira, geleɗ Yawe kay u Ziŋ Yawe ta gaɗ kaŋgara.

NEHEMI 12:27

Kay luu ma lam kay gulumun ma Yerusalemma, asi tuɗ hal suu Levina ay ki hu lina halaŋ halaŋ a mbaasi ay ki Yerusalem a li luuna u furira, gi soolla geleɗta, bu tlesuu luuna uɗ may.

SOOLLA 100:5

Kay Yawe nam jiviya, ɗegee mamba ka ni tew tew, gasi mamba ka din din a fafaɗta.

SOOLLA 106:1

Halleluya. Ŋgaagi Yawe kay nam jiviya, ɗegee mamba ka ni na din din.

SOOLLA 107:1

Ŋgaagi Yawe kay nam jivi ɦay, ɗegee mamba ha ni na din din.

SOOLLA 118:1

Geleɗegi Yawe kay nam jiviya, ɗegee mamba ka ni na din din.

SOOLLA 150:3

Geleɗem u bu diffa, geleɗem u bu diŋŋa,

SOOLLA 150:5

geleɗem u diŋ ma ŋgolna, geleɗem u tlesuu luuna.

SOOLLA 22:4

Na may aŋŋi sa ma teteɗna, aŋ ka kaki kay dlam maŋga mulla. Suu Israelna halaŋ ka gi soolla geleɗeŋga.

SOOLLA 81:2

Gi soolla geleɗ Lona u furira, nammi saɓakaya, ŋgaagi Lo ma vi Yakobma.

KALKIRA 29:43

An hin ŋgaf u suu Israelna hu li namma, bibiŋil manda hin li hu li namma.

EZAYI 52:8

Hum del suu maŋsuu aŋ cukusi a juɓ u lina, asi ka sawalla furira, kay asi wi Yawe ki u irisiya, nam hoŋ ay hu Yerusalem.

JEREMI 32:39

An ɦasi saara dewra u voɗta dewra lay. Hin mbuɗusi a asi van vunun tew tew kay jivi masira kay jivira vi goryosi ka balamasira lay.

JEREMI 33:11

della yi kolo u furira, luu ma jivina lay, gi soolla u furira ko ndal suu ɗum tasi wilina na lay, ko ndal suu mbay u ɓivunna u furira hu Ziŋ Yawera di ana, «Ŋgaagi Yawe ma Saɓakŋa Kom Belna kay ana nam jiviya, ɗegee mamba ni a fafaɗta.» Gasi an hin hoŋ mbas ndaɗta kolo balamaɗu. Ndaɗ hin hoŋŋi hu balamaɗ ma jewna. Yawe di na.

SUNDA 4:32

Suu vina tok tasi halaŋ, hurusi taɓi dew, saa masira dew, sa ma dukusi ma di ana vaamma ni kay tamu kaɗi, tlegeyesi halaŋ taɓi dew.

ROMMA 15:6

Kay a aygi halaŋ vunuygi li taɓi dew a geleɗ Lona Buna, Yesu Kristu Bu Suuna mayna.

WIRA ŊGAYRA 15:8

Saɓakŋa u bibiŋilla vi Lona oy Ziŋ Lonara u ndoosna ŋgolo, sa ka kal hu zi ndaɗtaɗi gak gak tuguɗira cora kiɗisiyara suu sunda huulona mbaaraɗta daɓ ki tuwa.