2 DLAŊ MULINARA 36:23 - Boy Lonana

²³ «Gola ni boy ma Sirus, mul ma Persna, damma, Yawe, Lo ma ay kolo huulonna, ɦoŋ yam ndaŋgara ga hu saɓak manna halaŋ. Nam tlan a an minim ziimba hu Yerusalemba, hu mbaassa Yudara. Suu may suu vi Lona suu ka dukugi na halaŋ mba hoŋ vo hu Yerusalem, ko Yawe Loosina li ha u asiya.»

2 DLAŊ MULINARA 36:23 ပူးပေါင်းရင်းမြစ်များ

1 DLAŊ MULINARA 22:16

Lorra, doonora, walakka u kawina sa ka wasi ndumusiɗi. Col kolo, liya, ko Yawe li u aŋu.»

1 DLAŊ MULINARA 29:5

Kay tlesuu mini u lorrana halaŋ, kay tlesuu mini u doonora halaŋ, kay tlesuu suu li sunda minisina halaŋ. Sa tam ki mini a ɦal tlena maŋ Yawe karam u hurum dewna ni gege?»

2 DLAŊ MULINARA 36:22

Hu basara jewra ta Sirus kak a mulna hu Persa gaw ni, Yawe col a li dla mayra nam daɗ ay fun sa ma jok vun Lona, Jeremira, kiyo. Nam kal saara huu mulna Sirus a ɓii boyna ki kay yam mbas mamba halaŋ ko ndal wandara na.

EZDRAS 1:1

Doli ɗini hu basara jewra vi Sirus, mul ma Persna, a boy ma vi Yawe ma ndi ay ki fun Jeremina li kira, Yawe mal saa Sirus, mul ma Persna, a nam ɓak dlara ki hu li ma nam ti mulla huna halaŋ, ɓii magaara sunuɗ ha ki di ana,

EZDRAS 7:13

Gola ni gaɗta an ɦaɗta, hu mul manda gegelay duk suu Israelna suu mam suu li ɓivunna, suu mam suu Levina ɦal tam u hurum a tuɗ Yerusalemma ko nam tuɗ u aŋu.

SOOLLA 136:26

Gagi deɓ maŋ Lo ma kolona, kay ɗegee mamba ka ni na gak gak.

EZAYI 41:2

Sa ma col ay u maɗiina su kay suunana. Ҥam saɓak namma ni ka anɗi su? Nam dik njaf suu daŋŋa ki halaŋ, tayasi muli masisina ki ga u semu, ŋgew mam ma duuna gulukusi ki ko gugum ndaŋgara na. Asi dol ki kolo u semeɗna ko usuna na.

EZAYI 44:5

Gegelay dukusi ni hin di ana, «Anni vi Yawe,» suu daŋŋa hin tin sesi ana, «Yakob.» Suu hiŋŋa hin ɓii ki hu duk kosi ana, «Anni maŋ Yawe,» yi sesi ana Israel.

EZAYI 45:13

An u ɗegee manda buɗ sa ma agi wam wanna ay ki ni anu. An hin minim voɗta ha ki fokom halaŋ. Nammi sa ma hin minin ɦoŋzi man ma Yerusalemma kolona. Nam hin cuk suu ay ki ŋgayrana ay ki ni ka u warakgi lay. Yawe ma Saɓakŋa Kom Belna di na.

JEREMI 27:6

Cecem wanda anni sa ɦal mbas ndaɗta ki ko saan ma sunda Nabukodonosor, mul ma Babilonna, mburi suu bagina lay an ɦamsina a asi sunumu.

DANYEL 2:21

Nammi sa ma mbuɗ ii lina u dlara halaŋŋa, nam cuk mulina ki kaŋga lay, nam yow mulina kolo lay, nam ɦal yalna maŋ suu wi dlara, nam ɦal wira maŋ suu saa u dlara.

DANYEL 2:37

Aŋu, aŋ mulna, mulna vi mulina, aŋ sa ma Lo ma kolo huulona ɦaŋ mulla koŋŋa, ɦaŋ eŋga, ɦaŋ saɓakŋa u bibiŋillana,

DANYEL 5:18

Aŋ mulna, Lo ma Kolo Dayna ɦal mulla, ŋgolla, bibiŋilla u saɓakŋa maŋ Nabukodonosor buŋu.

DANYEL 5:23

aŋ col yara kolo eg Bu Suuna ma kolo huulonana, tlesuu hu ziimbana yowosi ki ni iriŋu, aŋ taŋga u suu ŋgolo maŋsina lay, banayaŋ boyogina u boyogi suu suunda, agi cagi sum veŋŋa hu lay. Aŋ ɦal ŋgara ni maŋ loogi doonora u lorra u walakka u kawina, guna u gogoyra suu ka wiɗi lay, ka humbi lay, ka wi dlaɗɗi layna, nam Lona ma iiri maŋga ka hu duk komma, ma dlaaŋga halaŋŋi mambana aŋ ŋgaam kaɗi.

DANYEL 5:28

Perse ni ana ɓorowiya, mul maŋga ki ɓorowiya hin ɦaɗ ki maŋ suu Medena u suu Persena.»

DANYEL 6:28

Nam buɗ suuna ki lay, suɗusi ki lay, nam li dlara mbuɗ mbuɗta kolo huulona lay kaŋga kay ndaŋgara lay, kay nam buɗ Danyel ay ki ko dlona.»

MISE 4:10

Mbusuk ko ti tara hin gurniya, goora vi Siyon, ko ndal cara a vuɗta na kay cecem wanda ndak hin kal ki hu zina, ndak hin kak ki hu senena, ndak hin tuɗ ta ta tew Babilon, ndak hin fi buɗta ni hu li namma, hu li namma Yawe hin buɗuk ay ki ko suu babali maksina.

ROMMA 8:31

Ni aygi hin daygi ana mege? Lini Lona ni maygina ni sa hin halaygi a honira ni gege?