2 DLAŊ MULINARA 36:22 - Boy Lonana

²² Hu basara jewra ta Sirus kak a mulna hu Persa gaw ni, Yawe col a li dla mayra nam daɗ ay fun sa ma jok vun Lona, Jeremira, kiyo. Nam kal saara huu mulna Sirus a ɓii boyna ki kay yam mbas mamba halaŋ ko ndal wandara na.

2 DLAŊ MULINARA 36:22 ပူးပေါင်းရင်းမြစ်များ

1 MULINA 11:14

Yawe col sa ma babalira kolo eg Salomon. Ni sa ma Edomma yam ana Hadad. Nammi hu deera vi mul ma Edomma.

1 MULINA 11:23

Lona col sa ma babali ma daŋŋa kolo eg Salomon olo. Ni Rezon ma goŋ Eliyadna. Nam ay ki ŋgay vi malamma Hadad-Ezer, mul ma Sobana.

1 DLAŊ MULINARA 5:26

Na ɗaŋŋi Lo ma vi suu Israelna zuɗ u Pul, mul ma Asirina, u Teglat-Falasar, mul ma Asirina, asi yowosi ki mbaɓura, suu vi Rubenna, suu vi Gadna u nus njaf suu vi Manasena tuɗusi ki hu Hala, hu Habor, hu Hara, fun lum ma Gozanna ta ta karami.

2 DLAŊ MULINARA 21:16

Yawe zuɗ u suu Filistina u Arab suu ii hakara u namma u suu Etiyopina a asi mba duu u Joramba.

2 DLAŊ MULINARA 24:9

Asi hin di ki hu Yerusalem u mbassa Yudara halaŋ ana, gegelay ni mbaa taa mamba kam ko ndal Moiz sa ma sun Lona tiniɗ ka kay suu Israelnara aya, ni hu li ma asi ay ki ŋgoo bagi hu fullana.

2 DLAŊ MULINARA 30:5

Asi vi boy namma gijaŋŋa a ɓii ki maŋ suu Israelna halaŋ halaŋ col ha Berseba ta ta Dan, yasi ay kay a asi mbay ki hu Yerusalem li luu Pakŋa vi Yawe, Lo ma vi suu Israelna, kay asi lurum ka ki u suuna bolow sem dew ko gaɗta dira na tuɗi.

2 DLAŊ MULINARA 36:21

Gola boy ma Yawe dam ay fun sa ma jok vun Lona Jeremina li ki ni ko ndaɗta na, ma di ana, «Mbassa hin hin ki ɦawaa ta ta basara dok-kiɗisiya, ta ta basa mamba koɗ tara daɓ ki tuwa, kay a warak ki ni balam koɗ tara mbassa fi koɗ ta kaɗira ta asi li ka u gaɗtaɗi ndaɗta.»

2 DLAŊ MULINARA 36:23

«Gola ni boy ma Sirus, mul ma Persna, damma, Yawe, Lo ma ay kolo huulonna, ɦoŋ yam ndaŋgara ga hu saɓak manna halaŋ. Nam tlan a an minim ziimba hu Yerusalemba, hu mbaassa Yudara. Suu may suu vi Lona suu ka dukugi na halaŋ mba hoŋ vo hu Yerusalem, ko Yawe Loosina li ha u asiya.»

EZDRAS 1:5

Na ɗaŋŋi suu ŋgolo suu fok suu vi Yuda u Benjaminna, suu li ɓivunna u suu Levina ni kay suu Lona malasi saarasi ki kay tuɗ a min Ziŋ Yawera hu Yerusalemma.

EZAYI 44:28

An di Sirus ana, «Aŋŋi saan ma taaran yoorina.» Dlara an miniɗta halaŋ aŋ hin laɗ kiyo. Hin di Yerusalem ana, nam min ki kolo balamamu kay ziŋ Lonara ni ko ndaɗ col ki kolo balamaɗu.

EZAYI 45:13

An u ɗegee manda buɗ sa ma agi wam wanna ay ki ni anu. An hin minim voɗta ha ki fokom halaŋ. Nammi sa ma hin minin ɦoŋzi man ma Yerusalemma kolona. Nam hin cuk suu ay ki ŋgayrana ay ki ni ka u warakgi lay. Yawe ma Saɓakŋa Kom Belna di na.

JEREMI 25:12

Na may hu li ma basara dok kiɗisiyara daɓ ki wa ni, an hin li yara u mul ma Babilonna u suu mamsina. Yawe di na. Kay ci maɗ masina, kay mbassa Kaldera. An hin mbuɗuɗ ki li ma hahawra a fafaɗta.

JEREMI 25:14

Muli suu saɓakŋa u suu bolowna hin lasasi cocoo. An hin hoŋosi warakŋa ki kay dla coosira.

JEREMI 29:10

Na ɗaŋŋi Yawe ɓak anaba, hu li ma basara dok kiɗisiyara jak ki kay Babilon wa ni an hin gologiya, hin tak dla mayra an vi vunun kaɗ a laɗ kay hoŋogi ay hu li nammara.

DANYEL 10:1

Hu basara hindira Syrus, mul ma Persena dlara tak taɗ ii Danyel ma sem ma geleɗta ana Beltasarna dew. Boy namma ni gasira u ti tara ŋgolla. Nam hum u boy namma, nam wam um ki jivira ni hu takka.

DANYEL 6:28

Nam buɗ suuna ki lay, suɗusi ki lay, nam li dlara mbuɗ mbuɗta kolo huulona lay kaŋga kay ndaŋgara lay, kay nam buɗ Danyel ay ki ko dlona.»

Magaara Vi Sa Jok Vun Lona AGE 1:14

Yawe mal saa Zorobabel ma goŋ Salatiyel ma mul ma Yudana kiyo, saa Josuwe ma goŋ Yosadakŋa mul ŋgol ma li ɓivunna kiyo, mal saa suu hiŋŋa ki lay. Asi mbay gijaŋ sunda hu zira vi Yawe, ma Saɓakŋa Kom Belna, Loosina.

HEBRENA 10:23

Vaygi huruygi eŋ kay boy ma aygi ka damma. Aygi wi ki gasi ana Lona hin li u va ma nam vi vunum kamma.

1 SAMUEL 26:19

Cecem wanda malanna mulna hum boy ma vi saaŋ ma sundana haa. Lini Yawe mbuɗuŋ ay yara egenni namu ni, ko nam his mbul ma his jivi ma ɦam ay ɦawana. May lini suu warna ni, ko dla cora li kasi fok Yawe kay dikka asi dikin ki karam wanda, kay doora asi doron ki kay jona vi Yawe dan ana, tuɗ li sunda maŋ loogi suu daŋŋara.