2 DLAŊ MULINARA 36:17 - Boy Lonana

¹⁷ Nam min mul ma Babilonna ndugusi mbas masira, ɦasi ki hu duk kom halaŋ. Mul namma ci asgaa suu duuna ki ta ta tew ay ki hu Ziŋ Lonara. Nam ka hin gozoŋgi lay, ka hin go tamaɗi lay, hin sa ŋgolɗi lay, ma maaɗi lay.

2 DLAŊ MULINARA 36:17 ပူးပေါင်းရင်းမြစ်များ

SOOLLA 74:20

Gol iriŋ kay galamba aŋ vaɗta, kay suu ka ŋgay ŋguy kamina hal a mbuɗ mbassa ki masira.

EZDRAS 9:7

Col ay hu buu ma vi somoyomina day ta ta karammi suluk mamina ŋgolla ɦay, kay suluk mamina, ami lay, muli mamisina lay, suu mami suu li ɓivunna lay ɦami ki maŋ mul ma kay ndaŋgarana, maŋ ŋgewna, maŋ suuna a yowomi ki mborɓogina, maŋ suuna ɦurumumi tlegeyemiya, hinimi zolona cami ko karamba na.

JEREMI 40:3

Yawe mba dla ndaɗta aya. Nam li ni ko nam di kaɗ a laɗta na daŋ may. Ni kay ana agi li cora eg Yawe, kay ana agi humum delem kaɗi, dla ndaɗta mba ni na.

DANYEL 9:14

Yawe vi dla co ndaɗta komu, hin mbaaraɗ ay kamiya, kay Yawe, Loomina, nam ɗegee hu dlaamba nam laɗta bel, may ami humum delem kaɗi.

JEREMI 32:42

Gasi Yawe ɓak anaba, «Ko an mba dla cora ay kay suu asina na, an hin mbaasi dlara jivira ay kasi ni ko ndaɗta na may.

JEREMI 18:21

Na ɗaŋŋi Aŋ gasi mayra kay goryosiya, casi ki u ŋgewna. Ko boyogosi viɗ goryosi ki u njufuyusiya, ko maɗna ci suu warna kiyo, ko ŋgewna ci gorzoŋŋina ki fun duuna.

2 DLAŊ MULINARA 33:11

Yawe cukum suu duu suu vi mul ma Asirina ay kamu. Asi mba ndugusiya, vi Manase, cukum njamara funumu, njunum u galina, tuɗum ki vo hu Babilon.

2 DLAŊ MULINARA 24:21

Asi vi vunusi ki kamu, gikim ki u gogoyra, cam ki ko mulna dasisra na ni fun biɗii Zira vi Yawera hu gaw.

GA 8ATAMBARA 30:18

an dagi ki cemi wanna, agi hin ba ki ni halaŋ halaŋ. Buurugi ka li kay ndaŋgara agi tuɗ lak huruɗ wanda a calaɗ mbo lum ma Yurdanna ŋgolɗi.

EZDRAS 5:12

Na may ni kay ana somoyomi ɓeŋ huu Lo ma kolo huulonana kiyo, nam ɦasi ki ko Nabukodonosor ma Kaldena, mul ma Babilonna. Nam ɓeŋ zi ndaɗta ki, yow suuna tuɗusi ki mbaɓura hu Babilon.

SOOLLA 79:1

Soolla vi Azaf. Ҥi, Lona, suu bay vina cuk ki hu mbassa vi suu maŋsina wa, asi mbuɗuŋ Ziiŋ ma Teteɗna ki njenjera, to zi ma Yerusalemma ki ga lay.

EZAYI 13:18

Asi ci gorzoŋina ki u mbuuru masira, asi ka saa kay gooɗi, ka wi hahaw gorkembaɗi lay.

JEREMI 9:21

Ɓak haa, gola ni boy ma Yawe damma, maɗ suuna cuk kaŋga ko ndal zozoɗta cukuɗ ki hu senenara na. Ko ndal kaya wana suu feɗemma cukuɗ ki ŋgoorosi, sa ka yowoɗ oloɗira na.

JEREMI 11:22

Na ɗaŋŋi Yawe, ma Saɓakŋa Kom Belna, ɓak anaba, «An hin kaasi ɓakŋa kasiya, gor zoŋŋi masisina hin casi ki u ŋgewina. Goryosi suu njufiina u gorɓiina hin miɗ ki ko mayra.

JEREMI 16:6

Hu mbas ndaɗta suu ŋgolona u kemba gorira hin miɗ kiyo. Sa hin ka tososiɗi. Sa hin ka li dlara hahaw kasiɗi. Sa hin ka jii hurumbi lay, ka wel yam kiɗi lay.

JEREMI 21:1

Yawe ɓak boy mamma maŋ Jeremi hu li ma mulna Sedesiyas sunum Pasehur ma goŋ Malkiyana u mul ma li ɓivunna Sefaniya, ma goŋ Maaseyana, a dam ana,

JEREMI 21:7

Ŋgoo dagan wanni, Yawe di ana, an hin ci Sedesiyas, mul ma Yudana, ki u suu mam suu sunda u suu hin bay miɗ ki ko tuguɗi bora hu ɦoŋzi nammana ki u ŋgewna, baktarra lay. An hin ɦasi ki ko mul ma Babilonna, ko suu babali masisina lay, ki ko suu min a casi kina lay. Asi hin casi ki bay saara, bay wasi hahawasi lay, bay oora hurusi lay.»

JEREMI 32:28

Na ɗaŋŋi, Yawe ɓak anaba, an hin ɦal ɦoŋzi namma ki maŋ suu Kaldena, maŋ Nabukodonosor, mul ma Babilonna may. Nam hin tlamu.

JEREMI 51:22

An ci njufiina ki u boyogina u ndaku. An ci suu maana ki u gorkemba, an ci gor njufiina ki u gorɓiina.

2 DLAŊ MULINARA 34:24

Yawe ana an hin mbaa dlara yoora ay kay li namma kay suu hu zi nammana lay, a li ki u givun ma ka hu magaara gaɗta ta agi ndumuɗ fok mulna wandara halaŋ.

EZAYI 43:28

Kay ndaɗta an mbuɗ suu ŋgolo suu li sunda hu ziŋ Lonara ki zolona. An kaɓak ma ba kina kay njaf suu vi Yakobma, an hin njaf suu daŋŋa las suu Israelna.

EZAYI 47:6

An hurun ɓeŋ ay eg suu mansina, An mbuɗ suu mansina ki zolona. An hiniŋsina ki aŋ lasasiya. Aŋ wasi hahawasi ka na ndeɗi lay. Aŋ las suu maarina lay, golosi kaɗi.

EZEKIYEL 16:40

Asi hin yowok suuna ay kolo kaku. Suu asina hin gikik u gogoyra. Asi hin cak ki u ŋgewi masisina lay.

EZEKIYEL 21:28

Suu vo hu Yerusalemma gol dla ndaɗta ni ko ndal ka boyna na, kay galam mayra asi vaɗ ki u suuna zeɗ zeɗta. Na may ni mul ma Babilonna hin gasi humusi kay coosira asi laɗ ndaɗta, kay coosi ndaɗta asi hin tuɗ ki mbaɓura komu.

ZAKARI 1:6

Na ni boy manna u gaɗ manda suu an hinisi ka maŋ suu man suu sunda suu jok vun Lona tewegi somoyogi kaɗi su? Na daŋŋi asi hoŋ aya, di u vunusi ana, Yawe, ma Saɓakŋa Kom Belna, col a lasaygi ni kay voɗ maygira u tuɗ maygira cora, nam lasaygi ni na.»