2 DLAŊ MULINARA 36:14 - Boy Lonana

¹⁴ Muli suu ŋgolo suu li ɓivunna u suu halaŋŋa lay cuk tasi hu dla cora ii Lona. Asi li ni dlara suu ka wi Lonaɗina laɗta, mbuɗ Ziŋ Lonara Yawe ɦal tam ki huruɗ hu Yerusalemba ki njenjera.

2 DLAŊ MULINARA 36:14 ပူးပေါင်းရင်းမြစ်များ

DANYEL 9:8

Yawe zolona ka kamiya, ka kay muli mamisina, kay goryoŋ muli mamisinana, kay somoyomi lay kay ana ami li sulukŋa egeŋu.

MISE 7:2

Ma ɗegeena tuɗ ki hin mbassa wa, sa ma jivi hin ka duk suuna oloɗi. Asi halaŋ saarasi tinira ni kay vora vo busuna kira. Gegelay min a vi wayamma kaŋga hu bayra.

DANYEL 9:6

Ami hum vun suu sun maŋsina suu jokoŋ vunuŋ kina kaɗi, suu ɓak boyna u seŋ maŋ muli mamisinana, maŋ goryoŋ muli mamisinana, maŋ somoyomiya, maŋ suu kay yam mbassana halaŋ.

EZEKIYEL 22:6

«Huruŋ aŋ zi ma Yerusalemma ni muli suu Israelna ka ci maɗna cocoo. Gegelay ni ci ni u ndak mamba.

JEREMI 38:4

Suu ŋgolo suu sunda di mulna ana, «Caygi sa namma kiyo, kay ana nam ɓeŋ saa suu duu suu hu hoŋzi nammana ki lay, suu wara suu ɦawana lay u boy ma nam njaɗamma. Sa namma ka hal ni dlara jivira vi suunaraɗi, may halasi kasi ni dla cora.»

JEREMI 5:5

An hin tuɗ ni eg suu ŋgolona na ɗow a ci wayra u asiya. Asi ɗow kala wi voɗta vi Yawera, gaɗta vi Loosinara. Na may ni suu daŋŋa ko suu hiŋŋana ni kus jug ma gii kelesina kiyo, bulum banara dukusira kiyo.

EZDRAS 9:7

Col ay hu buu ma vi somoyomina day ta ta karammi suluk mamina ŋgolla ɦay, kay suluk mamina, ami lay, muli mamisina lay, suu mami suu li ɓivunna lay ɦami ki maŋ mul ma kay ndaŋgarana, maŋ ŋgewna, maŋ suuna a yowomi ki mborɓogina, maŋ suuna ɦurumumi tlegeyemiya, hinimi zolona cami ko karamba na.

2 DLAŊ MULINARA 33:9

Manase viɗ suu Yerusalemma u suu hu mbassa Yudara ki mbuɗusi ki co su njaf suu ɦawa suu Yawe dikisi ki cuk suu Israelna ki balamasina.

2 DLAŊ MULINARA 28:3

Nam u tamba ŋgal mbitla his jivira ay ki hu ɦuɗugumba Ben-Himmomba lay. Nam ŋgal goryom ki u kura ko ndal njaf suu co suu Yawe dikisi ki hu mbassa fok suu Israelnara na.

2 DLAŊ MULINARA 34:24

Yawe ana an hin mbaa dlara yoora ay kay li namma kay suu hu zi nammana lay, a li ki u givun ma ka hu magaara gaɗta ta agi ndumuɗ fok mulna wandara halaŋ.

2 DLAŊ MULINARA 36:13

Mulna Nabukodonosor suu tam fokommi u sem Lona. Na may Sedesiyas hin mbuɗ a sa ma babalira u namma. Nam so yam ki ni ka min a hoŋ ay eg Yawe, Lona vi suu Israelnaɗi.

2 DLAŊ MULINARA 36:15

Yawe, Lo ma vi somoyosina, ma hurum oy u minda coco eg suu mamsina u Ziŋ Lonara layna, cukusi suu vun sunda ay egesi bolow zeɗ zeɗ coco a asi mba ɓakasi dlara nam dasira ayra.

DLAŊ LEVIRA 19:30

Agi lagi u buu ma vi Lonna jiviya, ŋgaagi Zira Tokka teteɗta, Ni an, Yawe.

GA 8ATAMBARA 18:9

Hu li ma agi cuk hu mbassa Yawe Loogina vi vunum kaɗ a ɦagirara wa ni, agi lagi u dla cora njaf suu daŋŋa laɗ ha hu wandaraɗi.

JEREMI 5:6

Na ɗaŋŋi dlo ma ay duk gura na hin vasi kiyo. Bosogo ma hu fullana hin komosi kiyo. Sindilna hin buu kaŋga ŋgoo ɦoŋziisina, hu li ma asi hin kal kina, nam hin palawasi kiyo. Kay ana yaasira wul ha fokŋi wuli na ɗow ɗow, dla coosira ka seŋ tuɗta tuɗ fokkaɗi.

JEREMI 32:34

Asi cuk zozot masira ni hu zi mayra sen ka yi huruɗta, na ɗaŋŋi asi mbuɗuɗ ki njenjera.

JEREMI 32:35

Asi min otel ma li ɓivunna maŋ Baalna ki hu huɗugumba Ben-Hinnomba a hin ŋgaɗ goryosi suu njufiina u gorɓiina ki maŋ Molek, ŋgalasi ki duk kura, dla ndaɗta aŋ joɓoɗ kaɗi, saara nara ka kan a li dla cora ko wanda na a viɗ Yuda kiɗi.»

EZEKIYEL 11:12

Agi hin wi ki ana anni Yawe, an ma agi hum ka u gaɗ mandaɗina, lagi ka u neendaɗi lay. Kay agi li ni u nera vi suu ŋguyugi zina wanna.»