2 DLAŊ MULINARA 35:7 - Boy Lonana

⁷ Josiyas ɦal yoori suu gorina ha maŋ suuna, gor timigiina u ɦugunina. Ndum tlesuu Pakŋa vi suu moli hu li nammana halaŋŋi ndi na 30,000, mbutlugi suu mulna ɦasi ayna na 3,000 may.

2 DLAŊ MULINARA 35:7 ပူးပေါင်းရင်းမြစ်များ

1 MULINA 8:63

Salomon ŋgaɗ mbutlugina 22,000, timigiina u ɦugunina na 120,000 a li ɓivun ma taɓ dukka. Ni kay a mal vun Ziŋ Yawera ŋgolla.

2 DLAŊ MULINARA 30:24

Kay ndaɗta mul ma Yudana, Ezekiyas, yow mbutlina ki maŋ suu tokina na buɓ, yoori suu gorina ni buɓ buɓ kiɗisiya may. Suu ŋgolo suu mulina yow ki kay tasi ni mbutlugina buɓ, yoori suu gorina buɓ buɓ doogo may. Muli suu li ɓivunna bolow coco li tasi ki teteɗ may.

EZEKIYEL 45:17

«Nammi sa ma ɦal tlena maŋ muli suu li ɓivun ma kay suuna belna, u ɓivun ma lam u fuɗta u sum veŋŋa hu buu ma luuna, suu belna hu luu ma vun basara wilira, hu buu ma vi Lonna, hu buu ma daŋ ma suu Israelna tok tasina halaŋ. Mulna ɦal tlesuu li ɓivunna ha halaŋŋi namu, ɓivunna halaŋ, ɓivun ma bulum cora kina, ɓivun ma taɓ duk ɦoŋga a bulum cora vi suu Israelna kira.»

EZAYI 32:8

Na may sa ma hurum jivina saa a li ni dlara jivira may. Sun mamba nam a laɗta halaŋŋi jiviya.

2 DLAŊ MULINARA 31:3

Mulna ho keŋ bege mamba ki a warak kay ɓivun ma ŋgol ma lam maɗii may, fiɗigi mayna u ma lam hu buu ma vi Lonna may, hu buu ma jewna hu tilna may, u luu ma daŋ ma zeɗ zeɗna lay.

1 DLAŊ MULINARA 29:3

Kayam hu olo an furi kay Ziŋ Loonnara, lorra u doonora suu kon kay tanna an ɦasi ki kay Ziŋ Loonnara kay tlesuu an minisi ki kay zira teteɗ ndaɗtana.

2 DLAŊ MULINARA 35:6

Ŋgaɗagi Yoori suu Pakŋa, lagi tagi ki teteɗ, njunugi u gorsegina cocoo a li u boy ma vi Yawe ma nam dam ay fun Moizna.»

2 DLAŊ MULINARA 35:8

Suu ŋgolo mamsina ɦal yoori masisina ay maŋ muli suu li ɓivunna u njaf suu vi Levina may, maŋ suu Israelna u suu vi Levina halaŋ, maŋ Hilkiya, Zakari u Yehiyel, suu ŋgolo suu fok suuna hu Ziŋ Lonarana, ɦal timigiina maŋ muli suu li ɓivunna na 2,600 u ɦugunina lay kay a li ɓivun ma Pakŋara, mbutlugina kis kis hindi may.

EZEKIYEL 36:38

Ko ndal yoori suu hu Ziŋ Lonara na, ko yoori suu hu Yerusalem hu buu ma luuna na. Ҥoŋzi ma li ki tooy kaŋgana hin oy ki u suu warna. Ni suuna hin wi ki ana anni Yawe.»