2 DLAŊ MULINARA 35:3 - Boy Lonana

³ Nam di njaf suu vi Levi suu ki a haɗ suu Israelnana suu tasi ki teteɗ maŋ Yawena ana, «Lini agi a tin zandukka kalafi hu Ziŋ Lonara, mulna Salomon ma goŋ Davidna miniɗta ni, ndaɗ ni ka va ma cagi nekgi. Cem wanda agi sunugi ni Yawe Loogina u suu mam suu Israelna.

2 DLAŊ MULINARA 35:3 ပူးပေါင်းရင်းမြစ်များ

1 DLAŊ MULINARA 23:26

Na lay ni suu Levina hin ka tlam ziim kasi u tlesuu hinisi ki a lam sun mambana oloɗi.

MALASI 2:7

A gasira ni sa li ɓivunna ni sa wi dlara, suuna hum boy ma gaɗ tasina ni funumu, kay ana nammi sa vun sunda vi Yawe ma Saɓakŋa Kom Belna.

2 DLAŊ MULINARA 30:22

Boy ma vi Ezekiyasna kal huu suu vi Levina jivi cocoo. Asi ɦal tasi ki u furira maŋ Yawe. Asi li luuna ta ta buuna kiɗisiya, li ɓivun ma mbaa heɓpa u gi deɓpa maŋ Yawe, Lo ma vi somoyosina.

GA 8ATAMBARA 33:10

Asi haɗaŋ dlaaŋga maŋ njaf suu vi Yakobma, takaŋ gaɗ maŋga maŋ suu Israelna, asi ka tiniŋ mbul ma his jivina ciniŋu, laŋ ɓivunna halaŋ kay givin ma togolla maŋŋa.

2 KORINTNA 4:5

Ami ka ɓak boyna ni kay tamira gawɗi, ami di boyna ni kay Yesu Kristu Bu Suuna, ami di kay tami ana ami ni suu sun masira kay sem Yesu.

2 DLAŊ MULINARA 5:7

Muli suu li ɓivunna tuɗ Zandukka Galamba vi Yawera kalafi hu liiɗu. Hu zi mayra teteɗta kalafi hu Ziŋ Lonara, hu Li ma ki Saɓaki Teteɗna. Tiniɗ kaŋga u garaŋ Serubimma.

2 DLAŊ MULINARA 34:14

Hu li ma asi a tli gursura ay ki hu Ziŋ Lonara u zandukkara ni Hilkiya, mul ŋgol ma li ɓivunna fi magaara gaɗta vi Yawera ta nam ɦaɗ ay maŋ Moizza ay kalafiya.

2 DLAŊ MULINARA 8:11

Salomon kal goŋ Farawnda kolo hu Ҥoŋzi Davidna hu zi ma nam miniɗna kaɗna. Kay nam di ana, «Caanda ka ndak a kak hu zi ma vi David mul ma Israelnaɗi, kay ziimma ki ni teteɗ, Zandukka Galamba vi Yawera ay tini ni huwa.»

NDUMBA 8:19

An ɦasi maŋ Aaron u goryomu, duk suu Israelna halaŋ suu vi Levina ki ni a li tokka fokosi hu Mbutluɓ ma Tokkana, a lasi ɓivun ma mbususi coosira kina may, kay ndaɗta suu Israelna ka ɦuɗ tasi ha eg li ma teteɗna a miɗ tasi ki oloɗi.»

2 DLAŊ MULINARA 17:7

Hu basara hindira ta nam kaki a mulnara ni nam sun suu mam suu gaaraŋina gi Ben-Hail, Obadiya, Zakari, Nataneyel u Mikaya a haɗ suuna hu ɦoŋzi ŋgolo ma Yudana.

KALKIRA 32:29

Moiz di goryoŋ Levina ana, «Cemi agi cuk wa hu sunda vi Yawera kay agi li ndaa ka a ci goryogi kira ɗi lay, ci gorsegina ki layra ɗi, ko Yawe paɗ vunum ki kagiya.»