2 DLAŊ MULINARA 35:22 - Boy Lonana

²² Na may Josiyas min a duu u Neko ndaa, nam min ka a hum boy ma nam damma aynaɗi. Doli ɗini boy namma col ay ni ko Lona tamba. Nam mbuɗ tam ki zeɗ tuɗ ha ki hu fulla Megidonda a duuna.

2 DLAŊ MULINARA 35:22 ပူးပေါင်းရင်းမြစ်များ

1 MULINA 14:2

Jeroboam di caamba ana, «Jok tak ki zeɗ ka sa wi ana ndakŋi caandaraɗi. Tuɗ hu Silo. Sa ma jok vun Lona, Ahiya, ka cuki ni huwa. Nammi sa ma dan ana an hin mbuɗ a mul ma vi suu Israelnana.

1 MULINA 22:30

Mul ma Israelna di Josafat ana, «An min mbuɗ tan ki zeɗ ni kal duk yara may. Aŋ mayna cuk baraw maŋŋa tamba may.» Mul ma Israelna mbuɗ tam ki zeɗ ni kal duk yara gaw may.

1 MULINA 22:34

May sana dew mun mbuurura ha kolo ɦawa na ni, ndaɗ tuɗ vi mul ma Israelna, kal duk ɦoŋ koroŋ ma ka egemma. Mulna di saam a jaŋam pus pus mamma ana, «Hoŋoy dagan kalan ki duk suu yara, kay an dakiya.»

2 MULINA 23:30

Suu sun mamsina wam nam miɗ ki may ni, asi tlam ay hu pus pusna ay Megido, mbaaram ki Yerusalem. Asi mba pam hu zul mamba. Suu hu mbas ndaɗtana hin tli goromma Joasaz fokosi balamam a mulna.

2 MULINA 9:27

Hu li ma Ahaziya wi dla ndaɗta na ni, nam pii tin irim ha Bet-Gan na, Jehu cuɗum um gak gak. Jehu di suu umma ana asi ci Ahaziya ki may. Asi tuɗ cam ha ki ni hu li ma nam ka jaŋ pus pus mamma kay tam tin irim ha hu Gur na, ka day eg Ibleambi. Ahaziya liŋ gak gak tuɗ miɗ ha ki ni hu Megido.

2 DLAŊ MULINARA 18:29

Mul ma Israelna di Josafat ana, «An min mbuɗ tan ki zeɗ ni kal duk yara. Aŋ may ni cuk baraw maŋ ma kay taŋŋa.» Mul ma Israelna mbuɗ tam ki zeɗ ni kal duk yara u tamba gaw.

2 DLAŊ MULINARA 35:21

Neko cuk suu vun sunda ay egem dam ana, «Mul ma Yudana aŋ min a dooron voɗta ni kay mege? An tuɗ ni ka a duu ni u aŋgi ni u suu babali man suu daŋŋa. Lona dan ana an ɓaɗ zak zak. Lona ka u anu, hin dlara aŋ a ci wayra u anda, li ka naɗi ni aŋ duu ni u Lona aŋ hin miɗa.»

2 DLAŊ MULINARA 35:23

Hu li ma asi ka duuna ni sana mun mbuurura ay na ni ndaɗ vamu. Nam di suu sun mamsina ana, «Hoŋon ki dagani, an dagiya.»

JEREMI 22:15

Aŋ saa ana aŋ hin ti mulla ni u takka aŋ tak taŋ ki ko gu ɦoyna nara su? Buŋ ti tlena kaɗi su? Ci kaɗi su? Doo ka kay jivira u ɗegeeraɗi su? Nam hin fi jivira ni na.

ZAKARI 12:11

Hu buu namma ni hahawra Yerusalemba hin li ŋgolla ni ko hahawra Hadad Rimmonda hu fulla Megidora na.

JOSUWE 17:11

Ha hu mbassa vi Issakar u Aser, Manase ɦoŋzi mam ma ŋgolona ha varasiya, ni Bet-Sean u zi ma ga umma halaŋ, Yibleam u zi ma ga umma halaŋ, Dor, En-Dor, Taanak, Megido u zi ma ga usina halaŋ, u ma ay keŋesi tok tokŋa lay.

JOSUWE 9:14

Suu Israelna vi tlesuu ti suu ay kosina tiya, may ni asi min ka a joɓ Yawe kay dlaasiraɗi.

WIRA ŊGAYRA 16:16

Fuli suu cona tok yam mulina hu li ma yam u vun hebrena ana Harmagedonna.

SUU KAƁAKŊA 5:19

«Suu mulina mbay li duuna, muli suu Kanaanna mba duura. Asi duu ay ni hu Taanak tok eg mbo lum ma Megidona. Va jo na ew lay, gursu lay ni asi fi ka kosiɗi.

1 SAMUEL 28:8

Sol mbuɗ tam ki, fok barawi suu egemma ki tuɗ u suuna um mba'. Asi tew ha ki vi cara ni njeŋgee. Sol daɗ ana, «Joɓon fuli maksina aya, takan sa ma an hin ɓakak ha kamma ay kiyo.»