2 DLAŊ MULINARA 34:9 - Boy Lonana

⁹ Suu asina halaŋ tuɗ vi mul ŋgol ma li ɓivunna, Hilkiya. Asi yow gursu ma suu vi Levi suu juɓ vun grekŋa taaramma, ma suuna ɦam a li sunda hu Ziŋ Lonarana aya, ɦammi deera vi Manasera, ta vi Efrayimba u dee suu daŋ suu ay ii mbayawna u suu hu mbassa Yudara, suu Yerusalemma u suu vi Benjaminna.

2 DLAŊ MULINARA 34:9 ပူးပေါင်းရင်းမြစ်များ

2 DLAŊ MULINARA 35:8

Suu ŋgolo mamsina ɦal yoori masisina ay maŋ muli suu li ɓivunna u njaf suu vi Levina may, maŋ suu Israelna u suu vi Levina halaŋ, maŋ Hilkiya, Zakari u Yehiyel, suu ŋgolo suu fok suuna hu Ziŋ Lonarana, ɦal timigiina maŋ muli suu li ɓivunna na 2,600 u ɦugunina lay kay a li ɓivun ma Pakŋara, mbutlugina kis kis hindi may.

2 DLAŊ MULINARA 30:18

Kay suuna ŋgol cocoo, su bel ni suu vi Efrayimma, suu vi Manasena, suu vi Isakarna u suu vi Zabulonna asina halaŋ ni li tasi ka ki teteɗɗi. Asi ka ndak a ti fu ma Pakŋa u tasira bay ɗegee ndaɗtaɗi. May Ezekiyas cen kasi di ana, «Ko Yawe, sa ma jivi ɦayna, bulumusi coosira kiyo.

2 DLAŊ MULINARA 30:10

Suu vun sunda tuɗ ki hu ɦoŋzi ma ŋgolona dew dew halaŋ hu mbassa Efrayimba ura vi Manasera ta ta tew ay ki Zabulon. Na may asi san usiya, panasi lay.

FILIPINA 4:8

Gorsenna tin saa magira kay tlesuu jivina suu ndaki kay geleɗta na halaŋ, kay tlesuu gasina halaŋ, hoŋ yamba kaŋgara, ɗegeera, teteɗta, jivira u ŋgara halaŋ.

2 DLAŊ MULINARA 34:22

Hilkiya u suu mulna manasina halaŋ tuɗ vi cara jok vun Lona, Hulda, ni caŋ Salum ma juɓ u barawina, goŋ Tokhatna, goŋ ŋgolo Hasrana. Ca ndaɗta ka cuki ni vo hu Yerusalem hu ɦoŋzi ma wilina. Asi cuɗuɗ boy namma ki jivi may.

2 DLAŊ MULINARA 34:20

Ŋgoo dagan nam hin ɦal voɗta maŋ Hilkiya, maŋ Ahikam, ma goŋ Safanna, maŋ Abdon, ma goŋ Mikana, maŋ sa ma ɓii magaara, Safan, u Azaya, sa ma li sunda vi mulna ana,

2 DLAŊ MULINARA 34:18

Ŋgoo dagan sa ma ɓii dlara, Safan, hin di mulna ana, «Mul ŋgol ma li ɓivunna, Hilkiya, ɦan magaara aya.» Safan hin ndum magaa ndaɗta ki fok mulna.

2 DLAŊ MULINARA 31:1

Hu li ma luuna daɓ kina ni suu Israel suu toki huna halaŋ njay kosi ki hu mbassa Yudara to ɦinira coli kolora kiyo, ka gu ma vi Aserna kiyo, hawaɗ givin ma togolla ma suuna minim a cen loogi suu ɦawana ki may u givin ma togolla masi bel bel. Asi li dla ndaɗta ki ni hu mbassa Yudara halaŋ ki vi dee suu vi Benjamin, Efrayim u Manasena lay. Ŋgoo dagan gegelay ni hoŋ vo hu ɦoŋzi ma nam col ay huna.

2 MULINA 23:4

Mulna ɦal voɗta maŋ mul ŋgol ma li ɓivunna, Hilkiya, u muli suu li ɓivun suu daŋŋa u suu juɓ vun Ziŋ Yawera ana asi yow tlesuu cuki kalafi hu Ziŋ Yawerana ay kiyo, tlesuu asi minisi a goɓ Baalna halaŋ u suu maŋ Aserana u tlesuu kolo huulonna, tuɗ ŋgalasi ha ki doŋ kaa ma Yerusalemma, duk ɦudugumba Sedron ma asi pamma, toorosi butusi cukum ha ki hu lokka Betel.

2 DLAŊ MULINARA 34:10

Asi ɦal gursu namma ko suu ŋgolo suu gol sunda suu ka a ŋgolora hu Ziŋ Lonarana. Asi warak suu ka li sunda a hoŋ min Ziŋ Lonara kina u gursu namma may.