2 DLAŊ MULINARA 34:7 - Boy Lonana

⁷ Nam to givin ma togolla kiyo, kulukusi ki na gelek gelek, gu ma vi Aser na u li ma tokolla, to givin ma togolla ma ŋgal mbitla his jivira ki lay, li ay hu njaf suu ii mbayawna halaŋ. Ŋgoo dagan nam ti mulla ni hu Yerusalem.

2 DLAŊ MULINARA 34:7 ပူးပေါင်းရင်းမြစ်များ

2 MULINA 10:26

Asi tli ɦinira ceɗi teteɗta ta ay tini kalafira ay ki bunsuwa, mba ŋgalaɗ kiyo.

2 MULINA 23:15

Josiyas hawaɗ li ma teteɗ ma hu Betelna ki may. Li ma mbuy kolo ma Jeroboam ma goŋ Nebatna minim ka cuk suu Israelna halaŋ kaŋga hu corana. Nam hawaɗ otel nɗaɗta ki u li ma mbuy kolona halaŋ. Nam ŋgal li ma mbuy kolo namma kiyo, ŋgal gu ma Aserna ma pi huna ki lay.

2 MULINA 23:19

Josiyas hawaɗ zigini suu mini hu li ma mbuy kolona suu ka hu ɦoŋzi ma Samarina ki halaŋ halaŋ, zigini suu muli suu Israelna ɓalak huu Yawe ki u asina, nam li u asi ni ko ndal nam li ay hu Betella na dege dege may.

2 DLAŊ MULINARA 14:2

Nam bulum li ma ŋgal ɓivun ma col ay vi suu daŋŋana ki halaŋ halaŋ u li ma mbuy kolo dayna lay. Nam to fulina ki may, ka gu ma vi Aserna ki may.

2 DLAŊ MULINARA 14:5

Sa ma mbay a li duuna u nam kaɗi kay Yawe u tamba ɦam heɓ ndaɗta ni namu. Hu li namma ni nam min ɦoŋzi ma saɓakŋa zeɗ zeɗ cocoo kay heɓpa kaa.

2 DLAŊ MULINARA 31:1

Hu li ma luuna daɓ kina ni suu Israel suu toki huna halaŋ njay kosi ki hu mbassa Yudara to ɦinira coli kolora kiyo, ka gu ma vi Aserna kiyo, hawaɗ givin ma togolla ma suuna minim a cen loogi suu ɦawana ki may u givin ma togolla masi bel bel. Asi li dla ndaɗta ki ni hu mbassa Yudara halaŋ ki vi dee suu vi Benjamin, Efrayim u Manasena lay. Ŋgoo dagan gegelay ni hoŋ vo hu ɦoŋzi ma nam col ay huna.

2 DLAŊ MULINARA 34:1

Josiyas kak a mulna na ni basaɗam ki ni kalavandi. Nam li mulla hu Yerusalemmi basara dok-hindi yam dew.

KALKIRA 34:13

Givin ma togolla masisi ma li ɓivunna aŋ hin hawaɗam kiyo, tlesuu asi goɓosina aŋ toosi kiyo. Gu ma vi Aseraŋ kaam kiyo.

EZAYI 17:8

Asi ka gol ni givin ma togolla oloɗi, kay ni sunda asi laɗ u bik kosira, tlesuu asi golosi teteɗna u va ma asi minim ko faɗta nana.

DLAŊ LEVIRA 26:30

U hurun ma ɓeŋina an hin hawaɗagi liigi ma mbuy kolo ma teteɗna kiyo, an hin toogi givin ma togolla magi ki may, an hin cukugi maɗagi ha kolo kay sok tlegeyegi suu agi casi maŋ fulinana.

MISE 1:7

An hin tooɗ fuli maɗsina kiyo, begera ndaɗ faɗta halaŋ an hin cukuɗ ki duk kura. Fuli maɗsina halaŋ an hin toosi ki na njeɓ njeɓ, kay ana taɓira ko tasi u begera vi gawlaŋiinara, asi hin mbuɗ ki ni ko bege ndaɗta na may.

GA 8ATAMBARA 9:21

Cora agi laɗ min goo mbutlna ndaɗta, an tlam ŋgalam kiyo, gulukum butum ki na gelek gelek, an cukum butum ha ki duk mbo ma ɓaɗ ay kolo kay ɦinira na.