2 DLAŊ MULINARA 34:3 - Boy Lonana

³ Basara nam laɗ jew kalavandi hu mullara ni hu li ma nam gogoona tuna. Nam vi tam a hal ni minda vi Lo ma vi bum ŋgolo Davidna. Basara dagan fiɗi gaw ni nam gijaŋ a yow tlesuu fuli suu vi suu ɦawana ki hu Yerusalem u mbassa Yudara halaŋ, li ma li tokka vi suu ɦawana, gu ma vi Aserna u njaf ɓivun ma zeɗ zeɗna halaŋ.

2 DLAŊ MULINARA 34:3 ပူးပေါင်းရင်းမြစ်များ

1 MULINA 13:2

U boy ma Yawe dammana, nam sawalla kolo di ana, «Givin ma togolla, givin ma togolla Yawe di ay ana, gola goona hin vuɗ hu njaf ma vi Davidna, hin tinim sem ana Josiyas. Nam hin li ɓivunna ki kaŋ u muli suu ka li ɓivunna hu li ma teteɗna wanna, givin ma togolla ta asi ŋgal ɓivunna jew huna hin ŋgal sok suu warna ki huwa.»

2 MULINA 10:27

Hu li ma asi ŋgal fuli ma vi Baal namma ki ŋgal ni, hin hawaɗ ziŋ Baalla ki gaw may, mbuɗ li namma ki zulla oo soɗna maŋ suuna halaŋ, dla ndaɗta ka li ta ta cemi.

2 MULINA 18:4

Nammi sa ma bulum li ma mbuy kolona kina, to ɦinira ceɗi teteɗta ki may, ka gu ma vi Aserna ma piina ki may, to guy kawi ma Moiz yoorom kana ki may. Kay suu Israelna gi jaŋ ŋgal mbitla his jivira fok guy namma ta ta cemi. Asi yam ana Nehustan.

2 MULINA 20:5

«Hoŋ dagan tuɗ di Ezekiyas, mul ma fok suu mansinana, ana, Yawe, Lo ma vi buŋ, Davidna, di ana, an humuŋ cen maŋgawa, waŋ simi maŋŋawa may, jiviya an min garaɗaŋ kiyo, hin buu hindi ni aŋ hin tuɗ kolo hu Ziŋ Yawera.

2 MULINA 23:14

Josiyas to ɦini mayra mini kolo kay taɗta ki kaŋgaa, ka gu ma pi ma Aserna ki may, li ma teteɗ namma nam cuk sok suu miɗina ha ki huwa.

2 MULINA 23:4

Mulna ɦal voɗta maŋ mul ŋgol ma li ɓivunna, Hilkiya, u muli suu li ɓivun suu daŋŋa u suu juɓ vun Ziŋ Yawera ana asi yow tlesuu cuki kalafi hu Ziŋ Yawerana ay kiyo, tlesuu asi minisi a goɓ Baalna halaŋ u suu maŋ Aserana u tlesuu kolo huulonna, tuɗ ŋgalasi ha ki doŋ kaa ma Yerusalemma, duk ɦudugumba Sedron ma asi pamma, toorosi butusi cukum ha ki hu lokka Betel.

1 DLAŊ MULINARA 22:5

David di ana, «Goronna, Salomon, goo tu lay, maŋi lay, zira a miniɗ maŋ Yawera dlaɗ hin li ni ŋgol coco hu mbassa halaŋ kay ŋgoloɗ lay kay bibiŋil maɗta lay. An hin minim tlena ka ki kaŋga ni mamu.» Ko ndaɗta na David min tlena ka ŋgol jew a nam miɗta.

1 DLAŊ MULINARA 28:9

«Aŋ taŋga, goronna, Salomon, wi Lo ma vi buŋŋa kiyo, lam sunda u huruŋ ma dewna u musukuŋ toki dew, kay ana Yawe wi huuna, wi saara huu sanara halaŋ lay. Lini aŋ halamu ni aŋ hin famu, lini aŋ noyom kiyo ni, nam hin noyoŋ ki a fafaɗta.

1 DLAŊ MULINARA 29:1

Mulna David di suu tokina halaŋ ana, «Goronna Salomon ma Lona manam ki dewna ni gogoona, maŋi lay, sunda ŋgol cocoo kay zi ma namma ka ni maŋ saɗi ni vi Yawe Lona.

2 DLAŊ MULINARA 14:6

Nam di suu Yudana ana, «Miniygi ɦoŋzina, gaygi gulumunna ki kamu. Miniygi zira fiyekka vun grekŋa duk vun grekŋa ki u cokorom kawina. Mbassa cemi ka koɗ taɗu kay aygi hal Yawe Looygina. Aygi halamu, nam ɦaygi koɗ tara hu lina wa halaŋ.» Asi min zina ki halaŋ ko asi minda na may.

2 DLAŊ MULINARA 15:2

Nam kal ki tuɗ fi Aza dam ana, «Mulna Aza, agi suu Yudana u njaf suu vi Benjaminna halaŋ, humungi vunun haa. Yawe ka u agi ni hu li ma agi ka u nam mayna. Lini agi halamu ni nam hin tak tam irigiya. Lini agi noyom ki wa ni, nam noyogi ki may.

2 DLAŊ MULINARA 30:14

Asi gijaŋŋa a to givin ma togolla ma ka hu Yerusalem zeɗ zeɗna u givin ma togolla ma ŋgal mbitla his jivira kiyo, yowosi cukusi ha ki hu ɦuɗugumba Sedronda.

2 DLAŊ MULINARA 33:15

Nam yow loogi suu vi suu daŋŋa suu nam cukusi kalafi hu Ziŋ Lonarana ay kiyo u fuli suu ceɗi suu cuki kalafi huna halaŋ. Nam to givin ma togolla ma vi loogi suu ɦawana suu nam minisi ginna ki lay. Kolo kay mbura Ziŋ Lonara mini hura, vo hu Yerusalem lay, cukusi kamayasi ha ki doŋ kaana na day.

2 DLAŊ MULINARA 33:17

A gasisra ni suuna ka li ɓivunna ha ki keŋ kay li ma mbuyna tuwa, may ni kay a ŋga Yawe Loosinara.

2 DLAŊ MULINARA 33:22

Nam li dlara ka ii Yawe jiviɗira ni ko bum Manase lira na olo. Nam li ɓivunna maŋ fuli suu bum lasi kana, goɓosiya.

2 DLAŊ MULINARA 34:33

Ŋgoo dagani, Josiyas bulum dla cora hu mbassara ki bel bel kay yam mbassa vi suu Israelna. Nam ɦeɓ suu ka hu mbassa Israella halaŋ a sunni Yawe, Loosina. Hu iiri mamba halaŋŋi nam jok hurum ka a hin Yawe, Lo ma vi somoyomma, kiɗi.

SOOLLA 119:9

Goozoŋŋa a hin ɗoɓ voɗ mamba ki ɗegee ɗegee ni u mege? Vi u boy maŋŋa ɗoɓoɗ ni u namu.

SOOLLA 71:5

Bu Suuna, Yawe, an tin saa manda ni kaŋ dew, ay u zoŋ tan day, aŋŋi sa ma golonna.

KALKIRA 34:13

Givin ma togolla masisi ma li ɓivunna aŋ hin hawaɗam kiyo, tlesuu asi goɓosina aŋ toosi kiyo. Gu ma vi Aseraŋ kaam kiyo.

VUN ŊGOLNA 20:11

Wi goozoŋa ni eg sun mamba nam laɗta, lini nam li sunda ki jivi ɗegee.

VUN ŊGOLNA 8:17

Suu mininna an minisi may. Suu halanna wi ki gasi ana asi hin fan may.

DI BOLLA 12:1

Humuŋ gaŋ kay sa ma laŋŋa. Hu li ma aŋ ay u zoŋ taŋŋa, hu buu ma dlara co faŋ ka tuɗina. Hu li ma basara cora mbay kay aŋ mbuɗ di ana, «May dla ka kan oloɗi.»

DLAŊ LEVIRA 26:30

U hurun ma ɓeŋina an hin hawaɗagi liigi ma mbuy kolo ma teteɗna kiyo, an hin toogi givin ma togolla magi ki may, an hin cukugi maɗagi ha kolo kay sok tlegeyegi suu agi casi maŋ fulinana.

MISE 1:5

Tle asina li halaŋŋi kay yara vi Yakobpa, ni kay suluk ma vi suu Israelna. Yara Yakob laɗta ni tarage? Ka ni Samariɗi su? Li ma vi Yuda ma kolo mbuyna ni manage? Ka ni Yerusalemɗi su?

MATIYE 6:33

Halagi Mul Lonara u ɗegee mamba jewe. Tlesuu hin halaŋŋa Lona hin ɦagisina.

2 TIMOTE 3:15

Aŋ wi magaara gaɗta teteɗta ay ni u goo taŋ day, ndaɗ ndak a ɦaŋ nera a tuɗuŋ hu suɗta u vira aŋ vi u Yesu Kristura.