2 DLAŊ MULINARA 34:27 - Boy Lonana

²⁷ kay ana boy namma ŋgeneŋ huruŋu. Aŋ hoŋ yaŋ kaŋga fok Lona may hu li ma aŋ hum dla ndaɗtana, aŋ haa barawi maŋsina ki lay, tii taŋ fokon coco lay, an may ni an humuŋ wa. Di ni Yawe, Lona.

2 DLAŊ MULINARA 34:27 ပူးပေါင်းရင်းမြစ်များ

2 SAMUEL 1:11

David kaw baraw mamma na ni, ɦaaram ki gaw. Suu umma halaŋŋi li na lay.

2 DLAŊ MULINARA 12:7

Hu li ma Yawe wi na gaw ni, nam hin di sa ma jok vun Lona, Semaya, ana, «Asi wi coosira wa ni, an ka min a daɓasi kiɗi u dlara ew daŋga an hin buɗusi ki kay an hin hurun ma ɓeŋa ki wa, ka hin Sisak a ɓalak ɦoŋzi ma Yerusalemma ki oloɗi.

2 DLAŊ MULINARA 32:26

Na may Ezekiyas u suu Yerusalemma hin wi coosira kay ndaɗta hu li ma Ezekiyas ka iiri tuna ni Yawe tak yaamba ka ki egesiɗi.

2 DLAŊ MULINARA 33:12

Hu li ma Manase ka hu lassa na ni nam gijaŋŋa a cen Yawe, loomma. Nam wi coomba halaŋ fok Lo ma vi somoyomma.

2 DLAŊ MULINARA 33:13

Nam cen Lona kay nam mba wam hahawamu. Lona hin heɓ hurum, humum cen mamba, hoŋom ay vo Yerusalem hin kakam balamam hu mul mamba. Ay hu li namma gaw ni, Manse wi ki ana Yawe gasi dew a Lona ni namu.

2 DLAŊ MULINARA 33:19

Cen mamba u humba Lona humum cen mambara u dla coomba nam laɗta, lira nam li ka ɗegee fok Lonaɗira, ndum li ma nam min li ma li ɓivunna maŋ loogi suu ɦawanana, pi gu ma teteɗna zeɗ zeɗ lay u foto tlesuu ceɗina layna, jew bay a nam wi coomba a hoŋ ay eg Lona tura ni tle asina halaŋ ka ɓiiri magaara sunda vi Hozai.

2 DLAŊ MULINARA 34:19

Hu li ma mulna hum boy ma hu magaara gaɗta namma na ni, nam haa barawi suu tamma kiyo.

2 DLAŊ MULINARA 34:26

May ni mul ma Yuda ma sunugi ay a joɓonna, agi dam ana, Yawe, Lo ma vi suu Israelna, di ana, aŋ hum ki jiviya,

2 DLAŊ MULINARA 34:28

Gola, an hin taɓaŋ u somoyoŋ suu ŋgolona. Aŋ hin taɓ u asi ni u heɓpa hu zulla may. Iriŋ hin ka a wi dlara hahaw ta an hin a mbaaraɗ kay suu hu li nammanaraɗi.» Suu sunusi hana hoŋ ay cuɗ boy namma maŋ mulna.

SOOLLA 10:17

Yawe, suu hoŋ yasi gana, aŋ ka humusi cen masira, aŋ ka soosi usi lay.

SOOLLA 34:18

Asi ka sawalla, Yawe huma, nam suɗusi ki hu las masira.

SOOLLA 51:17

Bu Suuna, malan vunun kiyo, hinin an gi ni soolla ŋgaaŋga.

SOOLLA 6:9

Ҥuɗugi ha ki egen day agi suu li dla cora, kay Yawe humun tii mana wa.

KALKIRA 10:3

Moiz u Aaron tuɗ vi Faraw dam ana, «Yawe, Lo ma vi suu Hebrena, di ana, Aŋ hin a hoŋ yaŋ ga fokonni saɓa tuge? Hinin suu mansina asi tuɗ sununu.

EZAYI 57:15

An Lo ma ay kolo dayna ma ka din dinna di na. Ma ka miɗina, sem ana ma Teteɗna. An ka kaki ni hu li ma teteɗna. May an ka hu sa ma hurum ki teteɗna, sa ma irim ɗilina kay a ɦal iirira maŋ ŋgus mayra hoŋ yaɗ gara, maŋ suu hurusi ka haɗ ɦayna may.

EZAYI 65:24

Jew bay vunusi yi kolo tu lay ni, an hoŋosi dira wa ɗow, asi ɓak ay na ni an humusi vunusiya.

EZAYI 66:2

Olo ni, tle asina halaŋ kon lasi ni namu, asi halaŋŋi varanu. Yawe di na ni namu. Asi halaŋ an ka golosiya, suu may suu hahawra suu ka lasna halaŋ. Suu ka dlak ndaana ko boy mannana.

EZAYI 66:5

Humugi boy ma vi Yawena haa, agi suu lam ndaa boy mammana, gorsegi suu li gonokka u agina, suu dikigi ki kay senna, asi di ana, Yawe tak bibiŋil mamba ay ɗaŋgi su, ami wagi ki agi su ki kami ɗaŋ. Na may asi suu asina hin hom yasi gaa.

EZEKIYEL 36:26

An hin kalagi hurugi ni huu ma wilina, hin kalagi hurugi ni ŋgussa wilira lay. An hin paɗagi hurugi ma sooy ko ɦinira nana kiyo, hin kalagi ha hurugi ni huu ma lumuɗ ko tliwna nana.

EZEKIYEL 9:4

Yawe dam ana, «Tuɗ ha duk hu ɦoŋzina hu ɦoŋzi ma Yerusalemma, ɓii lomorora ki vok suu may suu ka yoo tasi ko dla cora li dukusi wanda halaŋ halaŋ.»