2 DLAŊ MULINARA 34:25 - Boy Lonana

²⁵ Kay asi noyon kiyo, hin ŋgal mbitla his jivira ki ni maŋ loogi suu ɦawana. Asi ɓalakan hurun ki u sunda asi laɗ u bik kosira. Yaanda hin ndi kay li namma ni ko ndal kura na ka heɓbi.

2 DLAŊ MULINARA 34:25 ပူးပေါင်းရင်းမြစ်များ

JEREMI 7:20

Na ɗaŋŋi Bu Suuna Yawe ɓak anaba, yaanda hin li hu li namma kay suu warna u mburina lay, kay ŋgusugi suu duk buburana u vuɗ tlesuu kay ndaŋgarana, ni kura hin ka tew kiɗira.

NAHUM 1:6

Sa ma hin fi saɓakŋa a col fokomma ni gege? Sa ma hin col fokom a duu u nam hu li ma nam ki mbuɗi yarana ni gege? Yaamba sulul ni ko ku zinana, gogoyra loɗ ha ki fokom lay.

YOORA 4:11

Yawe tew ki fun yaamba wa, nam mba yaamba ŋgolla ay wa. Nam gi kura hu Siyon bowoɗ zigini maɗsina kiyo.

YOORA 2:4

Nam tli gu mbuuru mamba kom ko ndal sa babalira na, coli kay bikim ma njufna min tam ko sa duuna na. Nam ci suu gol jivina ki halaŋ. Kolo kay mbutluɓ ma vi Siyon ta jivira nam vo yara ay ko ndal kura na.

JEREMI 4:4

Ҥagi hurugi ki maŋ Yawe. Cukugi dla cora hurugira kiyo, suu vi Yudana u suu Yerusalemma. Li ka naɗi ni yaanda hin njay ki kagi ko kura na. Ndaɗ hin ŋgalagiya, sa ka tew a caɗ kiɗi ni kay dla cora agi laɗta.

EZAYI 42:25

Kay ndaɗta nam vo yaamba kay suu Israelna, cukusi suu duuna kasiya, asi ŋgufusi kura ay ki kasi halaŋŋi asi ka wiɗi lay. Ku ndaɗta ŋgalasi ni asi ka caa yasi huɗi lay.

2 DLAŊ MULINARA 15:2

Nam kal ki tuɗ fi Aza dam ana, «Mulna Aza, agi suu Yudana u njaf suu vi Benjaminna halaŋ, humungi vunun haa. Yawe ka u agi ni hu li ma agi ka u nam mayna. Lini agi halamu ni nam hin tak tam irigiya. Lini agi noyom ki wa ni, nam noyogi ki may.

2 DLAŊ MULINARA 12:2

Hu basara vadlla hu li ma Roboam kak a mulnara ni Sisak, mul ma Egiptena, col ay kolo a duu u suu Yerusalemma, kay asi li sulukŋa eg Yawera.

2 MULINA 22:17

Kay ana asi noyon kiyo. Asi ŋgal mbitla his jivira ni maŋ loogi suu daŋŋa. Asi ɓalakan hurun ki u sun masira asi laɗ u bik kosira. Yaanda tli kura eg li nammawa, ndaɗ ka tew oloɗi.

2 DLAŊ MULINARA 12:7

Hu li ma Yawe wi na gaw ni, nam hin di sa ma jok vun Lona, Semaya, ana, «Asi wi coosira wa ni, an ka min a daɓasi kiɗi u dlara ew daŋga an hin buɗusi ki kay an hin hurun ma ɓeŋa ki wa, ka hin Sisak a ɓalak ɦoŋzi ma Yerusalemma ki oloɗi.

2 DLAŊ MULINARA 34:26

May ni mul ma Yuda ma sunugi ay a joɓonna, agi dam ana, Yawe, Lo ma vi suu Israelna, di ana, aŋ hum ki jiviya,

JEREMI 22:9

Asi hin hoŋdira ana, «Ni kay noyra asi noy galamba duk tasi u Yawe Loosina kiyo tuɗ goɓ kaŋga fok loogi suu daŋŋa lasi ɓivunna mayra.»

EZEKIYEL 36:18

An ɓalak hurun ki egesi ni kay busu ma asi voom ki ga kay mbassana u fuli masi suu asi tokolosi mbuɗ tasi ki njenjerana.

2 DLAŊ MULINARA 24:18

Asi noy Ziŋ Yawe, Lo ma vi somoyosina, kiyo. Asi gi jaŋ goɓ gu ceɗi ma vi Aserna, tokol fulina may. Yara vi Yawera ndiwa kay ɦoŋzi ma Yerusalemma u mbassa Yudara halaŋ kay dla cora li kosi ndaɗta.

EZDRAS 5:12

Na may ni kay ana somoyomi ɓeŋ huu Lo ma kolo huulonana kiyo, nam ɦasi ki ko Nabukodonosor ma Kaldena, mul ma Babilonna. Nam ɓeŋ zi ndaɗta ki, yow suuna tuɗusi ki mbaɓura hu Babilon.

YOORA 2:3

U saɓak yaamba ŋgol cocora nam bulum saɓak ma Israelna ki halaŋ halaŋ. Nam ka col kay bikim ma njufna fok saam ma babaliraɗi. Nam ŋgal kura vo vi Yakob ko kura ŋgal lina ay keŋga na.

AMOS 5:6

Zi ma vi Yosefna, halagi Yawe, agi hin kak iiriya. Gologi tagi jiviya ka nam tak saɓakam ki, ko ndal kura ŋgal tlena, sa ka caɗ kiɗi hu zi ma Bethelna na.