2 DLAŊ MULINARA 33:3 - Boy Lonana

³ Nam hoŋ min li ma mbuy kolo ma bum hawaɗam kina kolo olo. Nam min givin ma togolla maŋ Baal lay. Nam pi gu ma vi Aserna kolo lay. Nam goɓ kaŋga fok suu sunda huulona lay, lasi tok masira ki ni kay taɗ lay.

2 DLAŊ MULINARA 33:3 ပူးပေါင်းရင်းမြစ်များ

GA 8ATAMBARA 16:21

Keŋ givin ma togolla vi Yawe, Looginana, wanni agi fulina ma vi Aserna huɗi.

GA 8ATAMBARA 17:3

tin irim a sun loogi suu ɦawana, goɓ ga fokosiya, fok gi faɗta, tilna u ciciwra u tlesuu kolo huulonna, tlesuu an ɦagi voɗta ka a agi lasiɗi layna,

2 DLAŊ MULINARA 31:1

Hu li ma luuna daɓ kina ni suu Israel suu toki huna halaŋ njay kosi ki hu mbassa Yudara to ɦinira coli kolora kiyo, ka gu ma vi Aserna kiyo, hawaɗ givin ma togolla ma suuna minim a cen loogi suu ɦawana ki may u givin ma togolla masi bel bel. Asi li dla ndaɗta ki ni hu mbassa Yudara halaŋ ki vi dee suu vi Benjamin, Efrayim u Manasena lay. Ŋgoo dagan gegelay ni hoŋ vo hu ɦoŋzi ma nam col ay huna.

2 DLAŊ MULINARA 30:14

Asi gijaŋŋa a to givin ma togolla ma ka hu Yerusalem zeɗ zeɗna u givin ma togolla ma ŋgal mbitla his jivira kiyo, yowosi cukusi ha ki hu ɦuɗugumba Sedronda.

SOFONI 1:5

An hin bulum suu goɓ kaŋga kay mbura kolora fok ciciwra, faɗta, u tilna kiyo, u suu goɓ kaŋga fok Yawena lay, suu hin suu tasi u sem loosina, Melekŋa, lay.

JEREMI 19:13

Zigini suu njenje suu Yerusalemma u muli suu Yudana mbuɗ ki ko li ma mbuyna na, gasi zigini asina halaŋ suu ŋgal ɓivunna kolo kay yasi maŋ suu duu suu huulonana, li ɓivunna maŋ loogi suu daŋŋa lay.

DI BOLLA 9:18

Yal ma wi dlara ɦayna jivi su kawi ma duuna. Na may sa ma ciwayra dew ni ɓeŋ tlena ki cocoo.

2 MULINA 18:4

Nammi sa ma bulum li ma mbuy kolona kina, to ɦinira ceɗi teteɗta ki may, ka gu ma vi Aserna ma piina ki may, to guy kawi ma Moiz yoorom kana ki may. Kay suu Israelna gi jaŋ ŋgal mbitla his jivira fok guy namma ta ta cemi. Asi yam ana Nehustan.

SUNDA 7:42

Lona pereɗ irim ki egesi hinisi tani, asi gijaŋ goɓ kaŋga fok tlesuu kolo huulona, ko boy ma ɓiiri hu magaara vi suu jok vun Lona. Agi suu Israelna agi ŋgaɗagi yoorina, u tlesuu ɓivun suu daŋŋa hu basara dok fiɗi ay ŋgoo bagi ni man su?

JEREMI 17:2

Asi ɓak kay goryosi may ni, asi hin ɓak kay otel masi ma ɓivunna u gu ma ɓivun ma pii eg ŋgusugina humum ɗuf tew tew kolo kay ɦinira fiyekkana may.

JEREMI 8:2

Hin warasi ki i faɗta, i tilna maŋ suu duu suu huulonana suu asi minisina, sunusina, tuɗ usina, joɓosi layna, suu asi goɓ kaŋga fokosi layna. Sok namma taram taa ni tosom kaŋgaɗi, nam hin hinni a zozot ta cim ndaŋgara.

DI BOLLA 2:19

Lini nam sa ma wi dla kala ma giniŋ kala ni, sa ka wiɗi. Nam hin mbuɗ ni malaŋ sunda an laɗ wandara halaŋ. Sunda an laɗ u yal man ma ga kay ndaŋgara u faɗta tanina. Halaŋ ca ni ŋga tara ɦawaa.

2 DLAŊ MULINARA 32:12

Ezekiyas magi namma bulum givin ma togolla ma teteɗ ma ki mini hu lina zeɗ zeɗna ki ni ka nambi su? Hin di suu Yudana ana asi li tokka ni fun givin ma togolla ŋgal ɓivun ma dewna doy hol, li ɓivun masina halaŋŋi huwa.

2 MULINA 23:11

Nam yow foto kulumi suu muli suu Yudana cukusi kalafi a goɓ faɗtana ay kiyo. Kulumi asina ay cuki ni keŋ vun ma kal ha kalafi hu Ziŋ Yawera na tok keŋ zi mayra sa ŋgol ma huɗum ki paɗina Natan-Melek li sunda hura. Josiyas ŋgal pus pus ma kulumi ma minim maŋ fuli faɗtana kiyo.

2 MULINA 21:3

Nam hoŋ min li ma kolo mbuyna ma bum Ezekiyas hawaɗam ka kina. Nam min otella maŋ Baal, pi gu ma ceɗi teteɗna ma vi Aserna ko Akab, mul ma Israelna, lira na. Nam goɓ kaŋga fok tlege suu kolo huulona halaŋ, sunusi lay.

1 MULINA 14:23

Asi min liisi ma mbuy kolona a li ɓivunna, col ɦinira ceɗi ta teteɗta fokosiya, min fulina tlesuu teteɗna kolo kay li mbuyna na zeɗ zeɗ, hu li ma ŋgusugina ɗufi hu cocona,

GA 8ATAMBARA 4:19

Ka agi gol irigi kolo huulona wi gi faɗta, tilna u ciciwra tlesuu kolo huulonna halaŋ a zuɗugi a goɓ ga fokosiɗi, a sunusiɗi lay, kay asi ni tlesuu Yawe Loogina tunusi kolo huulona ni maŋ suu kay ndaŋgarana halaŋ.

KALKIRA 34:13

Givin ma togolla masisi ma li ɓivunna aŋ hin hawaɗam kiyo, tlesuu asi goɓosina aŋ toosi kiyo. Gu ma vi Aseraŋ kaam kiyo.

2 MULINA 23:4

Mulna ɦal voɗta maŋ mul ŋgol ma li ɓivunna, Hilkiya, u muli suu li ɓivun suu daŋŋa u suu juɓ vun Ziŋ Yawera ana asi yow tlesuu cuki kalafi hu Ziŋ Yawerana ay kiyo, tlesuu asi minisi a goɓ Baalna halaŋ u suu maŋ Aserana u tlesuu kolo huulonna, tuɗ ŋgalasi ha ki doŋ kaa ma Yerusalemma, duk ɦudugumba Sedron ma asi pamma, toorosi butusi cukum ha ki hu lokka Betel.

2 DLAŊ MULINARA 28:24

Akaz yow tlesuu ay hu Ziŋ Lonarana toosi ki halaŋ halaŋ duk vun Ziŋ Yawera kolo ni na gaw may. Hin min givin ma togolla zeɗ zeɗ ki ni hu garak voɗta Yerusalemba.

2 DLAŊ MULINARA 33:15

Nam yow loogi suu vi suu daŋŋa suu nam cukusi kalafi hu Ziŋ Lonarana ay kiyo u fuli suu ceɗi suu cuki kalafi huna halaŋ. Nam to givin ma togolla ma vi loogi suu ɦawana suu nam minisi ginna ki lay. Kolo kay mbura Ziŋ Lonara mini hura, vo hu Yerusalem lay, cukusi kamayasi ha ki doŋ kaana na day.

2 DLAŊ MULINARA 33:19

Cen mamba u humba Lona humum cen mambara u dla coomba nam laɗta, lira nam li ka ɗegee fok Lonaɗira, ndum li ma nam min li ma li ɓivunna maŋ loogi suu ɦawanana, pi gu ma teteɗna zeɗ zeɗ lay u foto tlesuu ceɗina layna, jew bay a nam wi coomba a hoŋ ay eg Lona tura ni tle asina halaŋ ka ɓiiri magaara sunda vi Hozai.

2 DLAŊ MULINARA 34:25

Kay asi noyon kiyo, hin ŋgal mbitla his jivira ki ni maŋ loogi suu ɦawana. Asi ɓalakan hurun ki u sunda asi laɗ u bik kosira. Yaanda hin ndi kay li namma ni ko ndal kura na ka heɓbi.

JEREMI 7:30

Suu Yudana li ni co mayra an ka miniɗɗira, Yawe di na. Asi cuk zozot masira hu zira ka ɓak ki u sen tew tewra a mbuɗuɗ ki njenjera.