2 DLAŊ MULINARA 32:8 - Boy Lonana

⁸ Ay um a duuna ni suu warna ɦawaa. Sa ma ka u aygina ni sa sunda vi Yawe, Looygina. Nam hin njun kaygi duu ni namu.» Boy ma vi mulna namma so huu suu hu ɦoŋzinana ɦasi saɓakŋa cocoo.

2 DLAŊ MULINARA 32:8 ပူးပေါင်းရင်းမြစ်များ

JEREMI 17:5

Yawe ɓak anaba, cora ka kay sa ma tin saaram kay suu miɗ kina, saɓak mamma ni tliwim ma egemma, hurum ki day eg Yawe.

2 DLAŊ MULINARA 20:17

Agi ka tuɗ duu ni agiɗi. Tuɗ takagi ni tagi ɦawaa. Tuɗ cologi na ca. Agi hin wi saɓak ma vi Yawena a su kasira. Yuda, Yerusalem, lagi ndaaɗi. Ɓik vun dikigiɗi. Vin agi cukugi ki ŋgafasiya. Yawe hin tuɗ u agiya.»

2 DLAŊ MULINARA 20:15

Yaziyel oo um kolo di ana, «Humugi ha jiviya, agi halaŋ agi suu Yerusalemma, suu Yudana, aŋ taŋga mulna Josafatta may. Gola ni dlara Yawe dagirara, lagi ndaaɗi, lagi ndaa ko suu duu suu bolow asinaɗi. Duu namma ni ka magi agiɗi, ni man an Loogina.

2 TIMOTE 4:17

Bu Suuna mbay egen tok njunun ni namu, kay an ndak a di boyna maŋ suu ka njaf suu Juifnaɗina, asi humum ki halaŋ, nam suɗun ay fun dlona.

SUNDA 18:10

An ka njun uŋu, sa ka ndak a laŋ va egeŋgi, hu ɦoŋzina tani suu mansina ka ŋgolo.»

EZAYI 41:10

Li ndaaɗi kay an ka u aŋu, gol golla ndaanaɗi, kay anni Looŋŋa. An mbuɗuŋ saɓaki na daŋ may an njunuŋu. An njunuŋ u bikin ma njufna ma ɗegeena.

1 JAŊ 4:4

Agi goryon may ni, agi ni vi Lona, agi su ki kay suu jok vun Lona suu cona lay, kayme Musukka hurugira su ki kay musukka vi duliyarara.

SOOLLA 46:11

Cukugi ɓagina kiyo, wagi ki ana anni Lona, an su kay njaf suuna halaŋ, su kay ndaŋgara lay.

2 DLAŊ MULINARA 13:12

Gologiya, Lona ka dukumi ni a mul mamina. Ami ka u muli mam suu li ɓivunna u tokolom ma bura lay a ami hin buum a duu u agira agi suu Israelna. Duurugi u Yawe Lo ma vi somoyoginaɗi, kay agi ka hin a tewɗi.»

GA 8ATAMBARA 20:4

Kay Yawe Loogina ka tuɗ u agiya, nammi sa ma njun ugi a duu u suu babali magisina na.»

VUN ŊGOLNA 12:25

Huu ma haɗ kay tlena ɓalak sana kiyo. May boy ma jivina furi huu sana may.

2 DLAŊ MULINARA 20:20

Suuna halaŋ yow kolo maɗii feɗet a tuɗ hu ŋgoo bagira Tekoara. Hu tuɗta asi ka jakka ni Josafat col kolo di ana, «Agi suu Yudana u suu Yerusalemma humugi haa, tinigi hurugi kay Yawe, Loogina, ni sa ma hin a su kagi kaɗi. Vagi vun suu mam suu jokom vunumma ni agi hin ti suuna.»

2 DLAŊ MULINARA 14:11

Yawe dik suu Etiyopina ki fok Aza u suu duu suu Yudana. Asi pii liŋŋa fokosiya.

GA 8ATAMBARA 20:1

Hu li ma agi cuk ki a duu u suu babali magisina, lini agi wi kulumina u puspus ma kulumina bolow coco lay ni, lagi ndaa kosiɗi. Kay Yawe Loogina ka u agiya, nammi sa ma cukugi ay ki hu mbassa Egiptera.

EZAYI 36:18

Ka Ezekiyas ganagi yagi di ana, Yawe hin suɗuygi kiyo. Agi wi ni loogi suu vi njaf suu taa dew hin suɗusi ki ko mul ma Asiri ɦoy su?

EZAYI 8:10

Vagi vunugi kay dlara dla ndaɗta ka hin liɗi. Ҥagi gaɗta a lira may ndaɗ ka liɗi. Kay Lona ka u amiya.

SOOLLA 46:7

Njaf suuna ka yal cocoo, mulla halaŋ mbuɗ ki ndaana, nam ɦal gaɗta na ni, ndaŋgara wak kiyo.

JOB 40:9

Bikiŋ ki ko ma vi Lonna na may su? Deleŋ ndak a bay ko nam bayra na may su?

2 TIMOTE 4:22

Ko Bu Suuna kak u aŋu. Ko oora kak u agiya.

2 DLAŊ MULINARA 32:15

Mbagi aya, hin tagi a Ezekiyas kaagi boyna a ganagi yagi ɦawaɗi, tinigi hurugi kay boy mammaɗi dow. An hoŋ di olo, lo maa ɗowba njaf suu ɗowba, mul taa ɗowba, ma ndak a suɗ mbas mamba ki ko saɓak ma vi somoyonna dew kaɗi, ki kon tanda lay ni kaɗi. Kay ndaɗta loogi magisina ka ndak a suɗugi kiɗi lay.»

JOSUWE 10:42

Josuwe suu kay muli masisina u mbas masira halaŋ halaŋ, ni hu koyra dewra ɦawaa. Kay ana Yawe, Lona vi suu Israelna, ka duu kasiya.

1 SAMUEL 17:45

David di sa ma Filistinna ana, «Aŋ mbay egen u ŋgewna koŋu u saɓpa u baraw damba may, an tuɗ ha egeŋŋi u sem Yawe Lona vi suu Israel ma Saɓakŋa Kom Bel sa aŋ halam a duuna na.

2 MULINA 6:16

Nam hoŋom dira ana, «Li ndaaɗi. Suu ka u ayna ni bolow su suu usi wannana.»

1 DLAŊ MULINARA 5:22

Suuna bolow coco ki cukira kaŋga na saɓaw kay ana Lona li duu namma ni namu. Asi kak hu liisi namma ta ta hu buu ma mbeera.

2 DLAŊ MULINARA 16:7

Hu coki ndaɗta sa ma jok vun Lona Hanani mbay eg Aza, mul ma Yudana, dam ana, «Aŋ min ka a hal Yawe Looŋŋaɗi, aŋ ŋgaɓ a ɦal taŋ ki kay saɓak ma vi mul ma Sirina, dlara aŋ laɗ wanda aŋ mbuɗ a suu duu suu Sirina suɗ ki ko saɓak maŋŋa ni aŋgi su?

SOOLLA 20:7

Cemi ni an wi ki wa, Yawe suɗ saam ma nam Fuurumma. Ay hu Ziim ma Teteɗna nam hoŋom dira aya, nam njunum u saɓak kom ma njufna.

SOOLLA 118:8

Jivira ni ŋgay taŋ tok eg Yawe, su mayra tin saa maŋga kay suu warnara.

JEREMI 42:11

Lagi ndaa ko mul ma Babilon ma agi li ndaana komma oloɗi. Lagi ndaa kom oloɗi, Yawe di na, kay ana an ka u agi a buɗugi kira a ɓaɗagi ay ki ko saɓak mammara.

KALKIRA 4:31

Suuna vi boy namma. Asi wi ki ana Yawe mbay a njun kay suu Israelna wa, nam wasi hahaw masira ay wa, asi goɓ ga cen Lona.

GA 8ATAMBARA 20:3

Asi hin dasi ana, «Suu Israelna humugi haa, cemi ni agi ka tuɗ a duu u suu babali magisina, hin vun dikigi ɓikigiɗi, lagi ndaaɗi, dlak tagi fok suu babali magisinaɗi.

2 MULINA 18:5

Ezekiyas tin saa mamba kay Yawe, Lona vi suu Israelna. Ka ŋgorom dagan ni mul ma li ko nam na ka oloɗi duk muli suu Yudana halaŋ. Suu ay ki fokom jewna lay, sa ma li ko nam na ay kaɗi.

2 DLAŊ MULINARA 14:10

Aza yi kolo eg Yawe, Loomma, di ana, «Yawe sa ma ko ndal aŋ na a kal ki duk ɦoŋ sa ma saɓakŋa u ma maŋina kaɗi. Njunumiya, Yawe, Loomina, kay ami deŋ tami ni egeŋu. Ami mba a duu suu bolow coco asina ni u seŋu. Yawe, aŋŋi Loomina. Sana ka ndak a panaŋgi.»

EZAYI 30:32

Hu waɗta Yawe waɗasi u tokolora dew dew halaŋŋi ci gaŋgana ki u dew dew bel may, bu diffa may. Nam tli kom kolo duu u asiya.

EZAYI 31:3

Suu Egiptena ni suu warna ɦawaa, asi ka Lonɗi. Kulumi masisina ni tliwna ɦawaa, ka ŋgussaɗi. Hu li ma Yawe maɗ kom ki kasi wa ni, suu njun kasina hin cuk gaa, sa ma a doo kasina hin ndi ki ga lay.