2 DLAŊ MULINARA 32:32 - Boy Lonana

³² U dlara vi Ezekiyassa halaŋ ka ɓiiri hu magaara yaɗ ana wira ŋgayra vi sa ma jok vun Lona, Ezayi ma goŋ Amosna u magaara vi muli suu Yudana u suu Israelna.

2 DLAŊ MULINARA 32:32 ပူးပေါင်းရင်းမြစ်များ

2 MULINA 20:20

U sunda Ezekiyas laɗta halaŋ ka ɓiiri hu magaara Sunda vi Muli suu Yudanara. Nam vek li ma vo mbona gi voɗ mbo lumma ay baba mbaaram ki vo Yerusalem. Dlara Ezekiyas laɗta halaŋ ka ɓiiri kaŋga hu magaara yaɗ ana Sunda vi Muli suu Yudanara.

2 DLAŊ MULINARA 32:31

Kay ndaɗta suu ŋgolo suu ay hu Babilonna sunum suu vun sunda ay hu mbas mamba a hum u dlara li vo varam wandara. Lona hinim nam li dlaamba u tamba ni a tukummi tukiya a wam daŋ may mamba kira may.

2 DLAŊ MULINARA 32:33

Hu li ma nam miɗna asi pammi hu lina vi muli suu ŋgolona hu zulla vi Davidta. Suu hu Yerusalemma u suu hu mbassa Yudara halaŋ tiirimu, ŋgaam bibiŋil mamba cocoo. Goromma Manase varak balamam a mulna ni namu.

2 DLAŊ MULINARA 25:26

U dlara Amasiyas laɗta halaŋ col ha hu gijaŋŋa ta ta daɓpa ni ka ɓiiri hu magaara vi muli suu Yudana u suu Israelna.

2 DLAŊ MULINARA 26:22

U dlara vi Oziyas col ha hu gijaŋŋa day ta ta hu daɓ maɗta ni ka ɓiiri ko sa ma jok vun Lona Ezayi ma goŋ Amosna.

2 DLAŊ MULINARA 35:26

U dlara vi Josiyas u sun mamba jivi ta nam laɗ u gaɗtara.