2 DLAŊ MULINARA 32:25 - Boy Lonana

²⁵ Na may Ezekiyas min ka a gi deɓ Lona kay jivira nam lambaraɗi. Nam hin zaŋ a ŋga tammi ŋgaay na ɗow ta ta Yawe ɓeŋ hurum ki egem lay eg suu Yerusalemma u mulla Yudara bel.

2 DLAŊ MULINARA 32:25 ပူးပေါင်းရင်းမြစ်များ

2 DLAŊ MULINARA 24:18

Asi noy Ziŋ Yawe, Lo ma vi somoyosina, kiyo. Asi gi jaŋ goɓ gu ceɗi ma vi Aserna, tokol fulina may. Yara vi Yawera ndiwa kay ɦoŋzi ma Yerusalemma u mbassa Yudara halaŋ kay dla cora li kosi ndaɗta.

2 DLAŊ MULINARA 26:16

U sem ma tii ki coco namma, nam mbuɗ ŋga tam cocoo ta ta ba tam kiyo. Nam mbuɗ ka ɗegee ii Yawe, Loomma, oloɗi. Nam kal hu Ziŋ Lonara a ŋgal mbitla his jivira kay tamu.

2 DLAŊ MULINARA 32:31

Kay ndaɗta suu ŋgolo suu ay hu Babilonna sunum suu vun sunda ay hu mbas mamba a hum u dlara li vo varam wandara. Lona hinim nam li dlaamba u tamba ni a tukummi tukiya a wam daŋ may mamba kira may.

2 SAMUEL 24:1

Yara vi Yawera mbuɗ ŋgolla eg suu Israelna olo, nam so u David a lasi dla cora egesi di ana, «Tuɗ ndum suu Israelna u suu vi Yudana.»

2 MULINA 14:10

Joas hin di hu olo ana, «Aŋ furi ana, aŋ ci suu Edomma ha kiyo, tok iriŋ ha ni u ŋga taaŋ ndaɗta hol kak ha vo hu ziiŋu. Aŋ min a duu duu ma hin a daɓ ki u aŋ cona ni kay mege? Lini caŋ kiwa u suu duu suu Yudana halaŋŋi aŋ hin li ni nage?»

GA 8ATAMBARA 8:17

Agi mba ŋga tagi ana, «Ami ɦiz ki ni u saɓak tamiya naɗi.»

1 TIMOTE 3:6

Li sa ma vi Boy Lonana wilinaɗi, li ka naɗi ni nam hin ŋga tamu, ɓakŋa hin vam ko Satanna na may.

2 KORINTNA 12:7

Va ma dooron ana an a ŋga tanɗina a wi dlara mbuɗ mbuɗta ni nam kusun wayara duk tliwinu, mba egenni ko sunda vi Satan na kay waɗanu a dooron kay ŋga tara.

HABAKUK 2:4

Golom hurum oyra u ŋga tara, nam ka wi gasiraɗi, may sa ma ɗegeena hin kak iirira ni u vira.

Magaara Vi Sa Jok Vun Lona OZE 14:2

Hoŋ ay eg Yawe, Lookŋa, ndak, Israel, kay ana ni dla cookka gak kaŋga ni ndaɗu.

DANYEL 5:23

aŋ col yara kolo eg Bu Suuna ma kolo huulonana, tlesuu hu ziimbana yowosi ki ni iriŋu, aŋ taŋga u suu ŋgolo maŋsina lay, banayaŋ boyogina u boyogi suu suunda, agi cagi sum veŋŋa hu lay. Aŋ ɦal ŋgara ni maŋ loogi doonora u lorra u walakka u kawina, guna u gogoyra suu ka wiɗi lay, ka humbi lay, ka wi dlaɗɗi layna, nam Lona ma iiri maŋga ka hu duk komma, ma dlaaŋga halaŋŋi mambana aŋ ŋgaam kaɗi.

DANYEL 5:20

May hu li ma hurum zal coco lay, saaram ŋgel kiyo, mbuɗ ki co lay ni, nam ndi ki kaŋga hu mul mamba, asi hin tlam saɓak mamma kiyo.

EZEKIYEL 28:17

Aŋ ŋga taŋ u jiv maŋŋa, aŋ hin bibiŋil maŋga ɓalakaŋ yal maŋŋa ki wa. An zuɗuŋ ha ki kaŋgaa. An mbuɗuŋ ki va ma sanda ii mulina halaŋ.

EZEKIYEL 28:5

U mbeleŋ maŋ ma coco namma u paara aŋ laɗta, bege maŋga zul ŋgol cocoo. Kay ndaɗta aŋ mbuɗ ŋga taŋ coco u ɦiz maŋga.

EZEKIYEL 28:2

«Goŋ sanna, aŋ tuɗ di mul ma Tirna ana Bu Suuna, Yawe, ɓak ay ana, Kayra aŋ ŋga taŋ coco ana, Anni Lona, aŋ kak kay dlamba mulla kay daara duk mbo lum ŋgolna. Doliɗi ni aŋŋi sa warna ɦawaa ka lonɗi. Ni kayra aŋ gol taŋŋi ko loogina nara.

2 DLAŊ MULINARA 25:19

Joas hin di hu olo ana, «Aŋ ŋga taŋ ana aŋ su ay kay suu Edomma. Aŋ furi cocoo. Aŋ li ni ŋga tara ɦawaa. Mariyaɗ ni kak ha maŋ vo ɗow. Aŋ min a li duu ma hin daɓ ki u aŋ cona ni kay mege? Hu li ma an hin caŋ ki wa u suu duu suu Yudana halaŋŋi aŋ hin li ni nanage?»

2 DLAŊ MULINARA 19:2

Sa ma jok vun Lona, Yehu, ma goŋ Hananina, mba ŋgafam vogom dam ana, «Aŋ a njun u sa ma cona ni ana mege? Aŋ sana ndak a min sa ma ka min Yaweɗina su? Dlara aŋ laɗ ndaɗta, Yawe hurum ki ɓalaki egeŋu.

1 DLAŊ MULINARA 21:1

Satanna min tam eg suu Israelna so u David a nam ndum suu Israelna kiyo.

2 MULINA 20:13

Ezekiyas furi coco kay suu mulna sunumsina ay egemma. Nam takasi liim ma ŋgayra ki bel bel, gursura lorra, tlesuu his jivina, mbul ma his jivina u liim ma kawi mamsina cuki huna lay, tlegeyem suu ŋgayra halaŋ nam takasi kiyo hin va ka ki na dewɗi u liim ma buuna lay halaŋ, tak tlegeyem suu hu mul mambana ki bel bel.

GA 8ATAMBARA 32:6

Dlara a ŋga Yawera li ni na su? Agi suu laɓana, suu yal masi kaɗina. Nammi ka bugi ma laginaɗi su? Nam lagiya mbuɗugi ki a njaf suuna kay tagiya.

EZAYI 39:2

Ezekiyas hurum furi coco u suu mbay asina. Nam takasi huu zi mayra ŋgolla ta tlesuu dlasi ŋgolo ɦayna cuki hura, gursura, lorra, mbitla, u mbul ma his jivina, nam takasi zira kawi ma duuna cuki hura ki lay u tlegeyem suu ŋgay a ŋgom tamma halaŋ halaŋ. Nam ŋgayasi va ka ki kosi na dewɗi, huu ziimba buuna lay, huu zira ŋgolla asi li tokka hura lay, li ma hu mul mambana halaŋ.

EZEKIYEL 31:10

«Kay ndaɗta Bu Suuna, Yawe, di ana, aŋ wuli kolo fiyek cocoo, yaŋ tuɗ tew ay ki ta ta duk ɗugulla. Aŋ ŋga taŋ coco ɦay lay.

2 MULINA 20:12

Hu coki ndaɗta ni Merodak-Baladan ma goŋ Baladan, mul ma Babilonna, sun magaara u tlena ay maŋ Ezekiyas kay nam hum ana Ezekiyas li tuguɗiiyo.

EZAYI 39:1

Hu coki ndaɗta ni Merodak Baladan goŋ Baladanna, mul ma Babilonna, sun magaara ay maŋ Ezekiyas ɦam tlena ay may, hu li ma nam hum ana nam li gin tuguɗiira hin garaɗ kiyona.

DANYEL 11:12

Hu li ma nam ti u duuna wa ni, hurum hin ɓeŋ cocoo, nam hin ci suuna ki bolow lay, hin ka ŋga tambi.