2 DLAŊ MULINARA 32:19 - Boy Lonana

¹⁹ Asi ɓak kay Lo ma Yerusalemma ni ko ndal asi ɓak ay kay loogi suu vi njaf suu daŋŋara na may, asina ni tlesuu suuna yoorosi u bik kosina ɦawaa.

2 DLAŊ MULINARA 32:19 ပူးပေါင်းရင်းမြစ်များ

1 MULINA 20:28

Sa ma jok vun Lona ɦuɗ tam ay eg mul ma Israelna olo dam ana, «Gola, Yawe di ana, suu Sirina di ay ana Yawe ni Lo ma kolo kay ɦinirana, ka lo ma ga kay ndaŋgaraɗi. An hin ɦaŋ suu bolow coco wanna ki ni hu duk koŋ halaŋ. Agi hin wi ki ana an gasi ni Yawe daŋ may.»

2 MULINA 19:18

Asi ŋgalasi loogi masisina ki u kura, na may loogi asina ni ka Lonaɗi. Asi ni tlesuu sana lasi u bik komma ɦawaa, ni gugunina u ɦinira, muli suu Asirina ɓalakasi ki ni asina.

2 DLAŊ MULINARA 32:20

Mulna Ezekiyas u sa ma jok vun Lona, Ezayi ma goŋ Amosna, cen Lona kay a nam njun usiya.

2 DLAŊ MULINARA 6:6

Na may an man ɦoŋzi ma Yerusalemma a sen yi huwa. An hin man David a mul ma Israelna fok suu mansina.

SOOLLA 74:18

Humuŋ gaŋu, Yawe, suu gonok maŋsina ka panaŋu, suu may suu laɓana ka ŋguluŋ seŋu.

SOOLLA 78:68

Nam manni njaf ma vi Yudana, ɦini may ma Siyonna nam minimmi namu.

EZAYI 14:32

Ay hin hoŋ dira maŋ suu may suu Filistinna sunusi ayna ni ana mege? Ay hin dasi ana, «Ko Yawe min Siyon koloo, a suu mam suu maŋina fi koɗ tara huwa.»

EZAYI 2:8

Mbas masira oy ki u dlara fulina. Asi goɓ ga fok tlesuu asi minisi u kosina, goɓmi fok tlesuu kosi minisina.

EZAYI 37:19

Asi ŋgalasi loosina ki duk kura lay, na may loogi asina ni ka Lo ma gasinaɗi. Asina ni tlesuu sana lasi u komma ɦawaa, ni guna ugi ɦinira. Kay ndaɗta muli suu Asirina ɓalakasi kiyo.

JEREMI 1:16

«An ɓakasi gaɗ manda kay boy dla coosira. Asi noyon kiyo. Asi li ɓivun ma ŋgalam kina maŋ loogi suu ɦawana. Asi goɓ kaŋga fok sunda asi laɗ u kosira.

JEREMI 10:3

Na may gaɗ masira uɗ kaɗi. Gu ma kaam ay ki duk gurana, sa li sun guna ceɗem tam ki jivina.

JEREMI 10:9

Fuli asina ni zew doonora yowoɗ ay Tarsissa, lorra ay Ufassa, suu li sun guna u suu yoo tlena laɗta, hooroɗ walakka taɗ guyvun guyvunda egeɗ may, ta tlawra egeɗ may. Asi halaŋŋi sunda vi suu wi sun ndaɗtana.

JEREMI 32:30

«Gasi, ay hu gorosi day ni suu Israelna u suu Yudana li ni dlara an ka miniɗɗira. Suu Israelna ɓeŋen hurun ki u dlara asi laɗta.

EZEKIYEL 25:8

«Bu Suuna, Yawe, di ana, hu li ma Moab u Edom di ana, ziŋ suu vi Yudana mbuɗ ki ni ko ma vi njaf suu daŋŋana na lay.

EZEKIYEL 35:13

Agi ŋga tagi u anu, u boy co magi ma agi damma, agi di dlara panna egen cocoo. An hum boy namma ni u hum tanda.

GA 8ATAMBARA 27:15

«Sa ma min fulina na minna sa namma ba ki wa dla mayra ka ii Yawe Lona jiviɗira, tlesuu sa warna lasi u komma, ŋgayasi vo um na enna. Suu halaŋŋa hoŋ dira ana, Amin.

GA 8ATAMBARA 4:28

Hu li namma agi hin sunni loogi suu sana minisi u komma, gugunina, ɦinira, tlesuu irisi ka wiɗi lay, ka humbi lay, ka ti vaɗi lay, tasi ka tuɗusiɗi lay na.

HEBRENA 12:22

Agi mba kini eg ɦinira Siyonda, zi ma vi Lona ma iirina, hu Yerusalem ma kolona u suu mam suu sunda huulona bup bup.

1 SAMUEL 17:36

Saaŋ ma sunda ci dlona ki u ŋguuna. Sa ma Filistinna ma ɗiwim bay caw namma hin li ni ko tle asina na may, kay ana nam hal suu vi Lo ma iirina a duuna.»