2 DLAŊ MULINARA 31:5 - Boy Lonana

⁵ Hu li ma suuna hum di ndaɗta kina may ni, suu Israelna tok yam wa ble masi ma ne ki fokŋa ay ki bolow cocoo, sum veŋŋa u mbulna, mbul yumma u tlesuu daŋŋa zeɗ zeɗ cocoo u keŋ ma doogona vi tlesuu asi feɗesi ay ki vona halaŋ halaŋ.

2 DLAŊ MULINARA 31:5 ပူးပေါင်းရင်းမြစ်များ

NEHEMI 12:44

Hu buu namma ni njufiina tinisi ki a gol u zigini suu tlesuu hinisi ki a ɗokosi suu yowosi ay u nus vuɗ tlesuu jew nana a hin taa suu ay hu ɦoŋzi ma bagi ma ŋguy kay ɦoŋzinana ayra. Tlesuu gaɗta ŋgaasi ki maŋ muli suu li ɓivunna u suu Levinana. Gasi daŋ may ni Yuda li furira kay muli suu li ɓivunna u suu njun suu Levi suu ka li sundana.

NEHEMI 13:12

Na ɗaŋŋi suu vi Yudana gegelay mbay u nus fuɗ wa ble ma doogona, sum veŋ ma wilina u mbulna a cukusi hu li ma ɗokka.

NEHEMI 13:31

An hin hoŋ sun gu ma ɦam ɦawana balamam hu liim ma ŋgaayna, u vuɗ tlesuu jewna lay. Humuŋ gaŋ kan u jivi maŋga, Loonna.

KALKIRA 22:29

Aŋ li u mbutlina ni na lay u timigiina ni na lay, asi vuɗ wa ni li buuna u susi kiɗisiya, hu buu ma kalavandina ni aŋ ɦansina ay ki gaw.

KALKIRA 23:19

Aŋ mbaa vuɗ tlegeyeŋ suu ne jewna halaŋ ay hu Ziŋ Yawera fok Looŋŋa. Aŋ ka zal goo ɦuna duk mbii sum tokgi.

KALKIRA 34:22

«Aŋ li luu ma buuna kiɗisiyana, ni luu ma kay vun tlesuu ne ki fok jewna u luu ma feɗ tlena vona u vun basara.

KALKIRA 34:26

«Aŋ mbaa vuɗ ŋgusugi maŋ suu ne ki jewna ay ki ni hu ziŋ Yawe Looŋŋara. Aŋ zal goo ɦuna duk mbii sumbi.»

KALKIRA 35:5

Tlesuu agi fasina halaŋ ɦasi yasi ki maŋ Yawe. Suu may suu ɦal u hurusi ma jivina halaŋ mbaarasi ay maŋ Bu Suuna, lorra, doonora u kawi ma tlawna.

VUN ŊGOLNA 3:9

Ŋga Yawe u tlesuu ka koŋŋa, u yam tlegeyeŋ suu ne ki fok jewna,

DLAŊ LEVIRA 27:30

«Keŋ ma doogona vi tlena halaŋ, wana, vuɗ ŋgusugina, halaŋŋi vi Yawe. Asina halaŋŋi tlesuu teteɗna maŋ Yawe.

NDUMBA 18:12

Mbul ma jivina, sum veŋ ma jivi ma wilina u wa blena, yam tlesuu ne ki jew suu asi ɦasi ay maŋ Yawena, an ɦaŋsina.

NDUMBA 18:13

Yam tlesuu asi tokosi ay hu mbassa halaŋŋa maŋ Yawe, an ɦaŋsina ni maŋu, suu may suu ka vo varaŋ wi tasi ki teteɗna ndak ti tle asina.

NDUMBA 18:8

Yawe di Aaron ana, «Aŋ gola an ɦaŋ yam tlesuu ɦansina ay ki manna halaŋ. Tlesuu teteɗ may suu suu Israelna ɦasi ayna halaŋ an hiniŋsina ni maŋ u goryoŋ a fafaɗta, gaɗ ndaɗta ka a bulum kiɗi.

ROMMA 8:23

Ni ka tlesuu Lona lasina doy holɗi, aygi suu fi Musuk Lonara ko ɦala jewra vi Londa nana lay, aygi u haɗ huna huruygi kay juɓ Lona a nam di ana aygi ni goryomu, hin buɗuygi ki hu mbalatara lay.

1 KORINTNA 15:20

A gasira ni Kristu paɗ ki kolo hu miɗna iiriya, nammi sa ma gi vun miɗna jewna, kay suu miɗina hin paɗ ki kolo hu miɗna iiri may.

Magaara JAK Ɓiiriɗta 1:18

U min mamba nam ɦaygi iirira u boy ma gasina, kay tlesuu nam lasi halaŋŋa aygi mba li suusiya.

WIRA ŊGAYRA 14:4

Suu asina taɓ tasi ka u boyogi a mbuɗ ki njenjeɗi, ni suu gol u tasi teteɗna, asi tuɗ kay ce Goo Timiina hu li ma nam tuɗ huna halaŋ. Suu asina gususi ay ki duk suuna ni asi mba li maŋ Lona u suu fok jewna maŋ Goo Timiina may.