2 DLAŊ MULINARA 31:13 - Boy Lonana

¹³ U gaɗta vi mulna Ezekiyas, Konaniya u wayamma Simey yow suu sunda fokosiya ni Yehiyel, Azaziya, Nahat, Azael, Yerimot, Yozabad, Eliyel, Ismakiya, Mahat u Benaya.

2 DLAŊ MULINARA 31:13 ပူးပေါင်းရင်းမြစ်များ

1 DLAŊ MULINARA 24:5

Asi ɓorowosi ki ni suu hiŋŋa ko suu wanna na lay, ŋgaɓasi ni ŋgaɓiya kay ana goryoŋ mulina suu li sunda hu li ma li ɓivunnana duk goryoŋ Elazarna suu li sunda vi Lonana ka lay, ko ndal duk goryoŋ Itamarna na lay.

1 DLAŊ MULINARA 9:11

Azariya ma goŋ Hilkiyana ma goŋ Mesulamma, goŋ Sadokŋa, goŋ Merayotna, goŋ Ahitubna, mul ma hu Ziŋ Lonara.

2 DLAŊ MULINARA 29:12

Njaf suu vi Levi suu mbay fokomma ni goryoŋ Kehatna, Mahat ma goŋ Amasayna, Joel ma goŋ Azariyana. Duk goryoŋ Merarina ni Kis ma goŋ Abdina, Azariya ma goŋ Yahallelelna. Duk suu vi Gersonna ni Yoa ma goŋ Zimma, Eden ma goŋ Yoana.

2 DLAŊ MULINARA 30:12

Hu mulla Yudara ni ko Lona hin gi kay suu may suu li u boy ma mulna u suu ŋgolo mamsina damma ko ndal Yawe dira na may.

2 DLAŊ MULINARA 31:14

Kore ma goŋ Yimma ma Levina, sa ma juɓ vun grek ma ii u maɗiinana, asi ɦam sunda nam tok ɦalla ɦaɗ ay ɦawa maŋ Lona u mindara kom u may. Ɓorow ii ɦalla teteɗta ki u ɦalla saɓaki teteɗta.

2 DLAŊ MULINARA 31:4

Mulna ɦal voɗta maŋ suu hu Yerusalemma a asi ɦal tlesuu gaɗta di kasi a ɦasi maŋ suu vi Levina u muli suu li ɓivunnana ki jiviya kay a asi ndak ɦal tasi ki kay sunda ɦasira kosira ko gaɗta vi Yawera dira na may.

2 DLAŊ MULINARA 35:8

Suu ŋgolo mamsina ɦal yoori masisina ay maŋ muli suu li ɓivunna u njaf suu vi Levina may, maŋ suu Israelna u suu vi Levina halaŋ, maŋ Hilkiya, Zakari u Yehiyel, suu ŋgolo suu fok suuna hu Ziŋ Lonarana, ɦal timigiina maŋ muli suu li ɓivunna na 2,600 u ɦugunina lay kay a li ɓivun ma Pakŋara, mbutlugina kis kis hindi may.

NEHEMI 11:11

Seraya ma goŋ Hilkiyana, goŋ Mekulamma, goŋ Sadokŋa, goŋ Merayotna, goŋ Ahitubma, goŋ mul ma hu Ziŋ Lonara.