2 DLAŊ MULINARA 31:1 - Boy Lonana

¹ Hu li ma luuna daɓ kina ni suu Israel suu toki huna halaŋ njay kosi ki hu mbassa Yudara to ɦinira coli kolora kiyo, ka gu ma vi Aserna kiyo, hawaɗ givin ma togolla ma suuna minim a cen loogi suu ɦawana ki may u givin ma togolla masi bel bel. Asi li dla ndaɗta ki ni hu mbassa Yudara halaŋ ki vi dee suu vi Benjamin, Efrayim u Manasena lay. Ŋgoo dagan gegelay ni hoŋ vo hu ɦoŋzi ma nam col ay huna.

2 DLAŊ MULINARA 31:1 ပူးပေါင်းရင်းမြစ်များ

2 MULINA 18:4

Nammi sa ma bulum li ma mbuy kolona kina, to ɦinira ceɗi teteɗta ki may, ka gu ma vi Aserna ma piina ki may, to guy kawi ma Moiz yoorom kana ki may. Kay suu Israelna gi jaŋ ŋgal mbitla his jivira fok guy namma ta ta cemi. Asi yam ana Nehustan.

2 DLAŊ MULINARA 32:12

Ezekiyas magi namma bulum givin ma togolla ma teteɗ ma ki mini hu lina zeɗ zeɗna ki ni ka nambi su? Hin di suu Yudana ana asi li tokka ni fun givin ma togolla ŋgal ɓivun ma dewna doy hol, li ɓivun masina halaŋŋi huwa.

ESTER 4:16

«Tuɗ tok suu Juif suu ka hu Suzna halaŋ, lagi laara kanu, tagi vaɗi lay, cagi vaɗi lay buuna hindi, faaliɗi lay, njeŋgeɗi lay. An tanda u goryon suu gorɓiina, an hin li laara ni na lay. Kay ndaɗta ko gaɗta dira na ni an hin tuɗ eg mulna li ni an a miɗ ki lay ni an hin miɗa.»

2 DLAŊ MULINARA 23:17

Suuna halaŋ tuɗ hu ziŋ Baalla. Asi hawaɗaɗ kiyo, to givin ma togolla ki may u fulina halaŋ. Asi ci Mattan sa ma li ɓivunna maŋ Baalna fok givin ma togolla huni na gaw may.

2 DLAŊ MULINARA 14:3

Nam di suu Yudana ana asi hal ni Yawe Lo ma vi somoyosina, li ni u gaɗta vi Lonara.

2 MULINA 17:2

Nam li ni dlara ka ii Yawe jiviɗira, na may ka saɓaki ko muli suu Israel suu lak ki fokom jewna na gawɗi.

GA 8ATAMBARA 7:5

Gola ni dlara agi hin laɗ eg suu Asenara. givin ma togolla masi agi hawaɗam kiyo. Foto tlesuu asi minisina agi toosi kiyo, tlegeyesi suu teteɗ suu asi pasina agi kususi kiyo, tlesuu asi goɓosina agi ŋgalasi kiyo.

KALKIRA 23:24

Agi mba goɓ ga fok loosinaɗi, sunumbi lay, agi mba li ko asi lira naɗi, ni na ɗow agi toosi loosi namma kiyo, toosi tlesuu asi goɓosina kiyo.

URA TIN AYRA 19:15

Maɗii feɗet lina a garaɗ kira ni suu sunda huulona dik ugi Lot zak zak ana, «Col kolo, tay caaŋga u gorɓii maŋ suu mba' suu ka varaŋŋa, cukugi kiyo kay agi ba ki duk ɓalakka vi ɦoŋzi nammaɗi.»

KALKIRA 34:13

Givin ma togolla masisi ma li ɓivunna aŋ hin hawaɗam kiyo, tlesuu asi goɓosina aŋ toosi kiyo. Gu ma vi Aseraŋ kaam kiyo.

2 MULINA 18:22

Lini agi dan ana, agi tin hurugi ni kay Yawe, Loogina, na ɗaŋŋi ka nam Lo ma Ezekiyas bulumum ay ki kolo kay li mbuynana tokgi su? U otel lay di suu Yudana u suu Yerusalemma ana, agi tuɗ goɓ fok li ma ŋgal ɓivunna ni hu Yerusalem dew naɗi su?

2 DLAŊ MULINARA 33:3

Nam hoŋ min li ma mbuy kolo ma bum hawaɗam kina kolo olo. Nam min givin ma togolla maŋ Baal lay. Nam pi gu ma vi Aserna kolo lay. Nam goɓ kaŋga fok suu sunda huulona lay, lasi tok masira ki ni kay taɗ lay.

2 DLAŊ MULINARA 14:2

Nam bulum li ma ŋgal ɓivun ma col ay vi suu daŋŋana ki halaŋ halaŋ u li ma mbuy kolo dayna lay. Nam to fulina ki may, ka gu ma vi Aserna ki may.

EZAYI 17:8

Asi ka gol ni givin ma togolla oloɗi, kay ni sunda asi laɗ u bik kosira, tlesuu asi golosi teteɗna u va ma asi minim ko faɗta nana.