2 DLAŊ MULINARA 30:9 - Boy Lonana

⁹ U hoŋ magira agi hoŋ irigi ay eg Yawera, gorsegina u goryogi suu ha ki vii balna hin fi heɓpa ko suu yowosi ha kina. Asi ɦin ndak a hoŋ ay hu mbas ndaɗta lay kay Yawe Loogina ni Lo ma wi hahaw suuna ni Lo ma oora, lini agi hoŋ irigi ay egemu ni nam ka pereɗ ŋgorom magiɗi.»

2 DLAŊ MULINARA 30:9 ပူးပေါင်းရင်းမြစ်များ

1 MULINA 8:50

Bulum cora vi suu maŋsina ta laŋga egeŋga kiyo. Bulumusi yaasira asi laɗ u aŋga kiyo, wasi hahawasi ko suu may suu yowosi ha ki mbaɓurana a asi mbuɗ wasi hahawasi ay may.

2 DLAŊ MULINARA 15:2

Nam kal ki tuɗ fi Aza dam ana, «Mulna Aza, agi suu Yudana u njaf suu vi Benjaminna halaŋ, humungi vunun haa. Yawe ka u agi ni hu li ma agi ka u nam mayna. Lini agi halamu ni nam hin tak tam irigiya. Lini agi noyom ki wa ni, nam noyogi ki may.

2 DLAŊ MULINARA 7:14

lini suu mansina mba yan sen hu li ma sen ka yii huna, lini asi hoŋ yasi kaŋgaa, lini asi cena, halan a wanu hin dla coosira kiyo ni an ay kolo huulona day ni hin humusi cen masira, an hin bulumusi coosi ndaɗta kiyo, hin suɗusi mbas masira ki may.

NEHEMI 9:17

Asi min ka humbi. Humusi gasi ka kay dlara mbuɗ mbuɗ ta aŋ laɗ egesiraɗi. Asi tin saarasi ni a hoŋ hu liisi ma mbaɓura. May aŋ taŋga, aŋŋi Lo ma ɦal heɓpa, jekjeke lay, oo coco lay, ka ɓeŋ huruŋ zakgi lay, ɗegee coco lay, aŋ noyosi ka kiɗi.

NEHEMI 9:31

U oo maŋga ŋgolla aŋ hin ka a casi kiɗi. Aŋ noyosi ka kiɗi lay kay aŋŋi Lo ma irim ka tini na ŋgem ma oo cocona.

SOOLLA 106:46

Nam mbuɗusi hurusiya, asi mbuɗ irim hahawi, ko dlara ka lasira halaŋ.

SOOLLA 111:4

Nam min ana humuygi gaygi kay dlaamba mbuɗ mbuɗta tew tew, Yawe nam jiviya wi hahaw suuna lay.

SOOLLA 86:15

May aŋ, Bu Suuna, Lo ma wi hahaw suuna, huruŋ ka ɓeŋ zakgi, huruŋ oy u ɗegeera u gasira,

SOOLLA 86:5

Bu Suuna, aŋŋi sa ma jivina, ma bulum cora kina, aŋ sa ma ɗegeena ka hum suu ka yaŋŋa tew tew.

VUN ŊGOLNA 28:13

Sa ma baa coomba kaŋgana ka fi vadi. Sa ma di coomba, hiniɗ ki gasi mayna, hin fi oora vi Lonara may.

EZAYI 55:7

Ko suu li dla cora hin dla coosira kiyo, sa ma las ndarayamma hin saa mam ndaɗta kiyo. Ko nam hoŋ ay ni eg Yawe ma ka takam ɗili mambana eg Looygina, ma bulum cora vi suuna ki halaŋŋa.

JEREMI 18:17

Ko ndal semeɗ ma col ay u faɗta maɗiira na, an njayasi ki fok suu masi suu babalira hu buu ma asi ɓeŋ kina, an hin pereɗesi zagaɗanu hin ka takasi vogonɗi.

JONAS 4:2

Nam cen Yawe di ana, «Ҥii, Yawe ni boy ma an dam hu li ma an ay hu mbas mandanaɗi su? Kay ndaɗta an mbuɗ a pii ki a tuɗ hu Tarsis ni naɗi su? An wi ki jivi ana, aŋŋi Lo ma jivina ma wi hahaw suuna, huruŋ ka mbuɗ ya zakgi, huruŋ oy u dlara jivira, aŋ ndak hoŋ ay kay dlaaŋga aŋ daɗ a li cora eg sanara.

MISE 7:18

Hin ŋgaaŋŋi u Lo manage, aŋ ma bulum cora vi suuna kina, aŋ ma ka caa yaŋ kay yaraɗi lay na. Kay minda vi tlesuu hinna, jooŋŋa ka a mbuɗ co u yaaŋgaɗi, kay ana aŋ min a lami ni jivira egemiya.

GA 8ATAMBARA 30:1

Lini tlesuu an dagisina wanna mba kagi wa halaŋ, paɗ vunna u gi vunna ni, agi saa dla ndaɗta hurugi duk njaf suu ɦawana halaŋ suu Yawe Loogina tuɗugi ha ki dukusina.

GA 8ATAMBARA 4:31

Kay Yawe Loogina ni Lo ma wi hahaw suuna, nam ka hinigi kiɗi, nam ka ɓalakagi kiɗi, humum ka maa kay Galamba nam vaɗ u somoyogiraɗi.