2 DLAŊ MULINARA 30:6 - Boy Lonana

⁶ Suu vun sunda ŋguf yam mbassa ki u magaara mulna u suu muli mamsina ɓiiriɗta halaŋ ki u mbassa Israella ura Yudara bel. Dasi ko mulna dira na ana, «Suu Israelna hoŋ ay ki eg Yawe, Lona vi Abraham, vi Isaak, vi Israel. Nam hin hoŋ ay egegi may. Agi suu hin ka iiri tu suu suɗ ay ki ko mul ma Asirinana.

2 DLAŊ MULINARA 30:6 ပူးပေါင်းရင်းမြစ်များ

JEREMI 51:31

Suu vun sunda ŋgaf tasi voɗ na ŋgaf ŋgaf tuɗ a di boy namma maŋ mul ma Babilonna ana, ɦoŋzina ki tliiya, col ay ii wanna day ta ta tew ki ii ko hiŋŋa.

JEREMI 4:1

Lini ndak hoŋ aya ni, ndak hoŋ ay ni egen anu. Yawe di na. Lini ndak yow zozot makka ki fokonu ni ndak hin ka poy na dadam oloɗi.

ESTER 8:14

U gaɗta vi mulnara, magaara ɓiiriɗ ndaɗta tew ki ko suu li sunda may ni asi tuɗ ki u ndaɗ ni na zak gaw. Gaɗ ndaɗta asi hin ɓakaɗ ki hu Suz ɦoŋzi ma saɓakŋa.

2 MULINA 15:29

Hu li ma Peka ka hu mullana ni Teglat Falasar, mul ma Asirina, mba tli ɦoŋzi ma Yon, Abel Bet-Maaka, Yanoha, Kedes, Hasor, Galaad, Galile u mbassa vi Neftalira halaŋ. Nam yow suu hu mbas ndaɗtana, tuɗusi ha ki Asirina.

2 MULINA 15:19

Pul, mul ma Asirina jak hu mbassa Israella, Manahem ɦam doonora nekeɗ ii kelewna na buɓ buɓ dok-hindi, kay a nam njunum a nam hin kak eŋ hu mul mamba.

JOB 9:25

Buu manna ɓaɗ tam zak zak su suu may suu cuk liŋŋa. Nam daɓ tammi bay wi jivira.

2 DLAŊ MULINARA 28:20

Tiglat-Falasar hin dlara mba njun Akazza tani mba ndugumi yara na ɗow, mbuɗum yoo cocoo.

1 DLAŊ MULINARA 5:26

Na ɗaŋŋi Lo ma vi suu Israelna zuɗ u Pul, mul ma Asirina, u Teglat-Falasar, mul ma Asirina, asi yowosi ki mbaɓura, suu vi Rubenna, suu vi Gadna u nus njaf suu vi Manasena tuɗusi ki hu Hala, hu Habor, hu Hara, fun lum ma Gozanna ta ta karami.

Magaara JAK Ɓiiriɗta 4:8

Ҥuɗugi tagi eg Lona tok nam hin ɦuɗ ay egegi tok may. Agi suu cona, mbusugi kogi kiyo, lagi hurugi ki jivi teteɗ agi suu hurugi mbambana.

Magaara Vi Sa Jok Vun Lona OZE 14:1

Samari hin warakka, kay ndaɗ mbuɗ yara eg Looɗna, hin casi ki u ŋgewra, kemba vuɗ wilira hin njereɓesi kiyo, boyogi suu wiina hin coosi hurusi kiyo.

EZEKIYEL 33:11

Dasi ana Bu Suuna suu tam u iiri mamba. Di ni Bu Suuna Yawe, an furi saɓaki ni kay miɗ ma vi suu li dla cora su? Ni na ɗow ana sa ma li dla cora mbuɗ poy mamba nam kak iiriya, hoŋogi aya hoŋogi ay hin poy magira cora kiyo, agi min a ba tagi ki ni kay mege, agi suu Israelna?

YOORA 5:21

Hoŋomi ay egeŋu, Yawe. Ami hin hoŋ aya. Hoŋomi buu mamina balamam wilira ko buu ma basi ma jak kina na.

EZAYI 6:13

Lini keŋ ma doogona vi mbas ndaɗta suɗ ko las ndaɗta lay ni, ŋguy masira mba kasi ni u kura may. Ni ko ndal suuna ka ɦoyna kira na, sariyam hin hin kaŋga ni nam hol kay sarina ni ii njaf ma teteɗna.»

EZAYI 1:9

Lini Yawe, ma Saɓakŋa Kom Belna, ŋgomoygi gin na ɦiwɗi ni, aygi mbuɗ gin ni ko ndal Sodom u Gomor na.

ESTER 3:13

Olo, asi hin sun magaa ndaɗta ki hu ɦoŋzi ma bagina halaŋ halaŋ a kiriɓ suuna, ci suuna, bulum suu Juifna ki halaŋ halaŋga, zoŋŋina u suu maarina, kem gorira u boyogiina hu buu ma dewna, hu buuna doogo yam hindi hu til ma doogo yam mbana, ni ana hu til Adar til ma hindina a ɦurumusi tlegeyesi kira.

JEREMI 29:1

Gola ni boy ma sa jok vun Lona, Jeremi, ɓiirim ay hu magaara sunuɗ ay Yerusalem maŋ suu basina halaŋ duk suu yowosi mbaɓurana, muli suu li ɓivunna lay, maŋ suu jok vun Lona u suuna halaŋ halaŋ, suu Nabukodonosor yowosi hu Yerusalem tuɗusi mbaɓura Babilonna.

1 MULINA 18:36

Tew hu li ma taa tlena a ɦalla may, sa ma jok vun Lona Eli ɦuɗ tam ay di ana, «Yawe, Loŋ Abrahamma, Loŋ Isaakŋa, Lo ma vi suu Israelna, li dlara asi wi ki karam ana aŋŋi Lona daŋ mayra anni saaŋ ma sunuŋŋa an li dlara ni u boy maŋŋa.

1 DLAŊ MULINARA 29:18

Yawe, Lona vi Abraham, vi Isaak, vi suu Israelna, somoyomi ka u huu suu maŋsina hurusi a fafaɗta, tuɗusi u huu ma dewna egeŋu.

JEREMI 3:14

Hoŋogi aya, goryon suu noyon kina. Yawe di na. Kay an ka a malagina ni anu, an tli dew hu ɦoŋzina, yow mba' hu njafagiya, hoŋogi hu Siyon.

YOORA 3:40

Miniygi voɗ maygira kiyo, miniygi taygi hoŋoygi eg Yawe.

Magaara Vi Sa Jok Vun Lona OZE 6:1

«Mbaagi aya, hoŋoygi eg Yawe. Nammi sa dakaygi kina, nam hin ciliygi ki ni nam lay. Nam waɗaygiya, nam hin njunuygi mbiliygi ni nam lay.

ZAKARI 1:3

Dasi ana, «Yawe, ma Saɓakŋa Kom Belna di ana, hoŋogi ay egenu. Yawe, ma Saɓakŋa Kom Belna, di na, an hin hoŋ ay egegi may Yawe, ma Saɓakŋa Kom Belna, di na.

ZAKARI 1:4

Lagi dlaŋ somoyogiraɗi, asi suu jok vun Lona ay jewna dasi ana, Yawe, ma Saɓakŋa Kom Belna, di ana, hoŋogi ay ɗaŋ, hinigi voɗ magira cora u dlagira cora kiyo, may asi hum kaɗi, tin saarasi ka kanɗi lay, Yawe di na.