2 DLAŊ MULINARA 30:21 - Boy Lonana

²¹ Suu Israel suu tok ay hu Yerusalemma li luu ma Pakŋa ma fu ma bay kuffa dukumma buuna kiɗisiya u furira coco, suu vi Levina u muli suu li ɓivunna ŋga Yawe hu buuna tew tew u tlesuu bura zeɗ zeɗ bolow cocoo ni kay a geleɗ Yawera.

2 DLAŊ MULINARA 30:21 ပူးပေါင်းရင်းမြစ်များ

2 DLAŊ MULINARA 20:21

Nam gi gagara u suuna kay a yow suu may suu hin cuk ha fok suu duuna a geleɗ Yawe, ŋgaam teteɗ mamba ŋgollara di ana, «Ŋgaagi Yawe kay ɗegee mamba ha ni na gak gak.»

2 DLAŊ MULINARA 29:30

Ŋgoo dagan mulna Ezekiyas u muli suu ŋgolo suu umma halaŋ di njaf suu vi Levina ana, asi ŋga Yawe u boy ma vi Davidna u ma vi Azafna, sa ma wi fokomma. Asi halaŋ ŋga Lona u hurusi ma furira. Ŋgoo dagan asi girif kaŋga goɓ Yawe.

2 DLAŊ MULINARA 30:11

May dee suu vi Aserna, vi Manasena, u suu vi Zabulonna hum boy namma hin mbay hu Yerusalem.

2 DLAŊ MULINARA 30:26

Furira li hu Yerusalem ŋgol cocoo kay col ay hu buu ma vi Salomon ma goŋ Davidna, mul ma Israelna, day ni furira ko ndaɗta na li ka hu Yerusalem ɦoy tuɗi.

2 DLAŊ MULINARA 35:17

Ŋgoo dagan luu ma vun til ma Pakŋa ni suu Israel suu ka toki hu li nammana li luu ma fu ma bay kuffa dukumma buuna kiɗisiya olo.

2 DLAŊ MULINARA 7:10

Ŋgoo dagan buu ma dok-mba' yam hindina hu til ma kiɗisiyana ni mulna njay suu Israelna ki voo. Asi tuɗ vo ni u furira. Hurusi li furira coco kay ana Yawe takasi jivi mamba ki egesi coco ɦay. Tak oo mamba ki kay David, kay Salomon, kay suu mam suu Israelna halaŋ.

NEHEMI 8:10

Nam dasi ana, «Tuɗugi tagi ti ma jivina, cagi tlesuu cira suu jivina, ɦagi maŋ sa ma min tam ka u vaɗina nde nde may kay buu namma hinim ki ni maŋ Bu Suuna. Mbuɗugi tagi hahawraɗi kay ana furira vi Yawera ni saɓak magina.»

NEHEMI 8:17

Suu tokina halaŋ, suu hoŋ ay ki hu mbaɓurana, min mbutluɓma hin kak hurumu. Doli ɗini ay hu cokira vi Josuwe ma goŋ Nunnara ta ta karammi goryoŋ Israelna li dla ndaɗta kaɗi. Ni furira ŋgolla.

KALKIRA 12:15

«Ta ta buuna kiɗisiya ni agi ti ni fu ma bay kuffa dukumma. Hu buu ma jewna gawni, agi cuk kuffa ka vo varagira ki halaŋ. Sa ma ti fu ma kuffa dukumma hu buu ma jewna ta ta buu ma kiɗisiyana, sa namma hin tlam ki duk suu Israelna.

KALKIRA 13:6

Buuna kiɗisiya ni agi ka ti fu ma kuffa dukummaɗi. Hu buu ma kiɗisiyana ni luu ma vi Yawena.

DLAŊ LEVIRA 23:6

«Buu ma doogo yam vadlna hu til namma ni gijaŋ luu ma fu ma bay kuffa dukumma may, ni luu ma vi Yawena, luurum ta ta buuna kiɗisiya ni agi ti ni fu ma bay kuffa dukumma.

Boy Ma Ayra Ma LUK Ɓiirimma 2:43

Luuna daɓ daɓmi, somoyoŋ Yesuna hoŋ voo. Yesu hin ha ki hu Ziŋ Lonara, ni asi wam kaɗi.

Boy Ma Ayra Ma LUK Ɓiirimma 22:1

Luu ma asi ti fu ma bay kuffa umma, yam ana Pakŋa, ndak ndakŋi,

Boy Ma Ayra Ma LUK Ɓiirimma 22:7

Buu luu ma asi ti fu ma bay kuffa dukumma ndak ndakŋi, asi ŋgaɗ timigii suu Pakŋa ni huwa.

SUNDA 2:46

Hu buuna tew tew ni asi tok tasi hu Ziŋ Lonara, ti funa vo hu zira dewra halaŋ ko tasiya, hurusi eg tasi jiviya.

GA 8ATAMBARA 12:12

Agi hin lak u furira fok Yawe Loogina, agi tagira, goryogi suu njufiina u gorɓiina, suu magi suu sunugina, njufiina u boyogina, u njaf suu vi Levi suu ka dukugina halaŋ, kay asi dukugi ni joosi maa kaɗi.

GA 8ATAMBARA 12:7

Agi u suu magisina halaŋ tagi ti nam ma teteɗna ay fok Yawe u furira ko tagi dew. Agi hin furi kay sun magira li jivi ɦayra kay Yawe Loogina ka njunugiya, nam paɗ vunum ki kagiya.

GA 8ATAMBARA 16:14

Agi li furira u goryogi suu njufiina u suu tamagina suu sun magi suu njufiina u boyogina, koyogi suu mba varagina u njaf suu vi Levi suu cuki dukugina, kemba kuyura u boyogi suu donona halaŋ, suu ka hu ɦoŋzi maginana.

FILIPINA 4:4

Furiyugi hu Bu Suuna na gak gak an di olo furiyugiya.