2 DLAŊ MULINARA 30:18 - Boy Lonana

¹⁸ Kay suuna ŋgol cocoo, su bel ni suu vi Efrayimma, suu vi Manasena, suu vi Isakarna u suu vi Zabulonna asina halaŋ ni li tasi ka ki teteɗɗi. Asi ka ndak a ti fu ma Pakŋa u tasira bay ɗegee ndaɗtaɗi. May Ezekiyas cen kasi di ana, «Ko Yawe, sa ma jivi ɦayna, bulumusi coosira kiyo.

2 DLAŊ MULINARA 30:18 ပူးပေါင်းရင်းမြစ်များ

1 KORINTNA 11:28

Sana gol tam kay tamu ni nam hin ti funa u va cira.

DANYEL 9:19

Bu Suuna, hum haa, Bu Suuna, ɦami gira, Bu Suuna, min taŋu li dlaaŋga, juɓbi, ni kaŋ aŋ taŋga Loonna, kay ana seŋ ka yi hu ɦoŋziiŋŋa kay suu maŋŋa.

2 DLAŊ MULINARA 6:21

Tin humuŋ na ta hum cenda saaŋ ma sunda u suu Israelna ka ceneŋ ha hu li nammara na humge. Aŋ ay kolo hu li ma aŋ ha kaki huna day ni huma, ha kolo huulona day ni huma, bulumumi coomira kiyo.

SOOLLA 25:8

Yawe jiviya, nam ɗegee, nam tak voɗta maŋ suu li dla cora.

2 DLAŊ MULINARA 30:25

Suu toki hu Yudana halaŋ furi cocoo u muli suu li ɓivunna lay furi cocoo, njaf suu vi Levina lay, suu Israel suu toki halaŋ suu mbay hu mbassa Israella u suu ka vo hu Yudana lay furi cocoo.

2 DLAŊ MULINARA 30:11

May dee suu vi Aserna, vi Manasena, u suu vi Zabulonna hum boy namma hin mbay hu Yerusalem.

NDUMBA 19:20

Na may sa ma mbuɗ ki njenje min ka a li tam ki teteɗɗina, sa namma tlam ki duk suu Israelna, kay nam hin mbuɗ Ziŋ Yawera ki njenjee, nam yam yo ma bulum cora kina ay ka egembi ni nam ki ni njenjee.

URA TIN AYRA 20:7

Cecemi hoŋ cara maŋ njufuɗu kay nammi sa ma jok vun Lona, nam hin cen kaŋu aŋ hin kak iiriya, lini aŋ hoŋoɗ kaɗi ni, aŋ wi ki kaŋ ana, aŋ hin miɗ ki u suu maŋsina halaŋ.»

1 JAŊ 5:16

Lini sana wi wayamma a li cora, lini ka cora tuɗum fun miɗnaɗi, nam cenna, Lona hin ɦal iirira maŋ wayamma namma, va namma ni kay suu cora ka tuɗusi fun miɗnaɗina doy hol. May ni cora tuɗum fun miɗnara kaa, an joɓ ka ana agi cen Lona kay co ndaɗta naɗi.

SOOLLA 119:68

Aŋŋi sa ma jivina, ɗegee lay, haɗan gaɗ maŋga aya.

SOOLLA 86:5

Bu Suuna, aŋŋi sa ma jivina, ma bulum cora kina, aŋ sa ma ɗegeena ka hum suu ka yaŋŋa tew tew.

URA TIN AYRA 20:17

Abraham cen Lona nam hin garaɗ Abimelek kiyo. Caŋ Abimelekka u boyogi suu sunda varamma gijaŋ vuɗta.

SOOLLA 36:5

Kay lay mam ma buuna lay ni nam saa ni dla cora, nam tuɗ ni hu voɗta cora, nam ka hin dla cora kiɗi.

2 DLAŊ MULINARA 34:9

Suu asina halaŋ tuɗ vi mul ŋgol ma li ɓivunna, Hilkiya. Asi yow gursu ma suu vi Levi suu juɓ vun grekŋa taaramma, ma suuna ɦam a li sunda hu Ziŋ Lonarana aya, ɦammi deera vi Manasera, ta vi Efrayimba u dee suu daŋ suu ay ii mbayawna u suu hu mbassa Yudara, suu Yerusalemma u suu vi Benjaminna.

DLAŊ LEVIRA 10:20

Moiz wi ki ana hoŋ di ndaɗta ni u voɗoɗu.

NDUMBA 9:7

«Ami cemi ni ki mbuɗi njenjee kay ami ŋgen komi ay eg sa ma miɗina. Ami ki doori a mbaa tlegeyemi ay maŋ Yawe hu buu ma karamma ko suu Israelna halaŋ lira naɗi ni kay mege?»

2 MULINA 5:18

Na may joɓ vaɗ huuna ki fok jew eg Yawe kay hu li ma mul man ma Sirina tuɗ cen loom ma yam ana Rimmonna ni gi kom ni kelenu, tuɗ daɓ vogom ay ga duk ndaŋgara ni ko tami dew, ko Yawe heɓ hurum ki egen kay boy namma.»