2 DLAŊ MULINARA 30:14 - Boy Lonana

¹⁴ Asi gijaŋŋa a to givin ma togolla ma ka hu Yerusalem zeɗ zeɗna u givin ma togolla ma ŋgal mbitla his jivira kiyo, yowosi cukusi ha ki hu ɦuɗugumba Sedronda.

2 DLAŊ MULINARA 30:14 ပူးပေါင်းရင်းမြစ်များ

2 SAMUEL 15:23

Suu hu mbassana halaŋ tii u simina irisi ŋgolla. Suuna halaŋ hin jaka. Mulna ɗiŋ lum ma Sedron ma ɓaɗ ɦayna. Suuna halaŋ hin jak ki hu voɗta tli hu fullara.

2 MULINA 18:22

Lini agi dan ana, agi tin hurugi ni kay Yawe, Loogina, na ɗaŋŋi ka nam Lo ma Ezekiyas bulumum ay ki kolo kay li mbuynana tokgi su? U otel lay di suu Yudana u suu Yerusalemma ana, agi tuɗ goɓ fok li ma ŋgal ɓivunna ni hu Yerusalem dew naɗi su?

2 DLAŊ MULINARA 15:16

Mulna Aza doo sum Maaka ki kay sun maɗta lay. Nam tiniɗ semma ki gin kaɗ ana cara ŋgolla kay ndaɗ fi saara cora a li looɗna ki kay taɗu, ni kay Asera. Nam ɦal voɗta ana hawaɗ fuli asina kiyo, to gu ma ceɗi namma kiyo, ŋgalam ha ki fun mbo lum ma Sedronna.

2 DLAŊ MULINARA 28:24

Akaz yow tlesuu ay hu Ziŋ Lonarana toosi ki halaŋ halaŋ duk vun Ziŋ Yawera kolo ni na gaw may. Hin min givin ma togolla zeɗ zeɗ ki ni hu garak voɗta Yerusalemba.

2 DLAŊ MULINARA 29:16

Muli suu li ɓivunna cuk kalafi hu Ziŋ Yawera a mbusuɗ huruɗ kira. Asi yow tlesuu asi fasi ay kalafina ay ki huu taraŋga fun Ziŋ Yawera halaŋ halaŋ. Tlesuu njenje suu asi fasi ay kalafi hu Ziŋ Yawera halaŋ. Ŋgoo dagan njaf suu vi Levina yowosi tuɗusi ha ki doŋ kaana hu ɦuɗugumba Sedronda.

2 DLAŊ MULINARA 32:12

Ezekiyas magi namma bulum givin ma togolla ma teteɗ ma ki mini hu lina zeɗ zeɗna ki ni ka nambi su? Hin di suu Yudana ana asi li tokka ni fun givin ma togolla ŋgal ɓivun ma dewna doy hol, li ɓivun masina halaŋŋi huwa.

2 DLAŊ MULINARA 34:3

Basara nam laɗ jew kalavandi hu mullara ni hu li ma nam gogoona tuna. Nam vi tam a hal ni minda vi Lo ma vi bum ŋgolo Davidna. Basara dagan fiɗi gaw ni nam gijaŋ a yow tlesuu fuli suu vi suu ɦawana ki hu Yerusalem u mbassa Yudara halaŋ, li ma li tokka vi suu ɦawana, gu ma vi Aserna u njaf ɓivun ma zeɗ zeɗna halaŋ.

2 DLAŊ MULINARA 34:4

Asi hawaɗ givin ma togolla ma vi Baalna ki ni irim nam coli huwa, to givin ma togolla ma ŋgal mbitla his jivira ki lay, ka gu ma vi Aserna ki lay, to givin ma tokolla ma mini zeɗ zeɗna ki bel bel, to tle asina ki na gelek gelek, cukusi ha ki kay us suu may suu goɓ loogi suu ɦawa asinana.

2 DLAŊ MULINARA 34:7

Nam to givin ma togolla kiyo, kulukusi ki na gelek gelek, gu ma vi Aser na u li ma tokolla, to givin ma togolla ma ŋgal mbitla his jivira ki lay, li ay hu njaf suu ii mbayawna halaŋ. Ŋgoo dagan nam ti mulla ni hu Yerusalem.

EZAYI 36:7

Kala aŋ hin dan ana, ami tin hurumi ni kay Yawe Loomina. Ha ni ka nam ma Ezekiyas paɗam tlegeyem ay ki kolo kay li mbuyna, u givin ma togolla laynaɗi su? Hin di suu Yudana u suu Yerusalemma ana, Agi goɓ mi fok givin ma togolla ma ka hu Yerusalem wanna doy hol.

Boy Ma Ayra Ma JAŊ Ɓiirimma 18:1

Yesu daɓ ɓakŋa may ni, tuɗ ŋgoo lumma Sedronna u suu haɗi mamsina. Hu li namma, nam kal duk senena u suu haɗi mamsina.