2 DLAŊ MULINARA 29:6 - Boy Lonana

⁶ Kay somoyoygi ay ka ɗegee ii Lonaɗi. Asi li dla cora ii Yawe Looygina cocoo. Asi noyom kiyo. Asi ɦal ŋgorosi maŋ Ziŋ Lonara, hin Yawe kiyo.

2 DLAŊ MULINARA 29:6 ပူးပေါင်းရင်းမြစ်များ

EZEKIYEL 8:16

Nam tuɗun ha hu gulumunna kurufu eg Ziŋ Yawera. Gola kurufu hu Ziŋ Yawera ni duk ɦoŋ vunna u givin ma togolla ni suuna ka hu va ma dok-mba' yam vadl. Ŋgorosi mbuɗi maŋ li ma vi Yawena na, irisi mbuɗi u maɗiina na may. Asi ka goɓ vogosi ga fok faɗta.

JEREMI 2:27

Asi di guna ana, «Aŋŋi bumiya.» Di gogoyra ana, «Ndakŋi cara vuɗumira.» Gasi daŋ may asi ɦan zagaɗasi wa, ɦan hurusi kaɗi. Na may hu li ma asi mbuɗ hahawrana, asi dan ana, «Col kolo, suɗumi kiyo.»

MATIYE 10:37

«Sa min bum u sum suunna ka ndaki kanɗi. Sa ma min gorom u goromba suunna ka ndaki kanɗi.

DANYEL 9:16

Bu Suuna, u sun maŋga ɗegeera, ko yaaŋga u huruŋ ma zalina li kay Yerusalem ziiŋŋa, ɦini maŋga teteɗtaɗi ni kay suluk mamina u cora vi somoyomira, Yerusalem u suu maŋsina mbuɗ ni va ma ŋgulla maŋ suu ŋguy kamina halaŋ.

YOORA 5:7

Somoyomi li dla cora. Asi ka oloɗi. Ami varak balamasi kay dla co masira ni amiya.

JEREMI 44:21

«Ɓivun ma agi ŋgalam hu ɦoŋzi ma Yudana, hu voɗta Yerusalembana agi tagira, somoyogiya, muli magisina, suu ŋgolo magi suu sunda, suu magi suu ɦizina. Ka ni dlara Yawe gi humba kaɗtaɗi su? Boy namma humum gam ay kammi nambi su?

JEREMI 16:19

Yawe, saɓak manna u ŋgusu ma kanna, liin ma ŋgayra hu li ma wihawra. Suuna hin mbay ni egeŋu, suu ay keŋ ndaŋgara day dayna hin di ana, va ma somoyomi fam hu ɓorowna na ni dla cora kaboyna. Dlara ganyamba sa ka li sun u ndaɗɗira.

JEREMI 2:17

Dla ndaɗta li egek na ni kay mege? Ni kay noyra ndak noy Yawe, Lookŋa, ki hu li ma nam ay a sa takak voɗtana.

JEREMI 2:13

Gasi, suu mansina li dla cora yasi ni mba'. Asi noyon an mbo ma iirina kiyo, asi min zul mbona, zul mbo ma ki cooyna, ka vi mbo kolo huruɗɗi.

NEHEMI 9:32

«Cecem wanda Loomina, Lo ma ŋgolna, ma saɓak ma suuna lam ndaaramma, ma tuɗ u galamba fok u ɗegeerana, aŋ gol dlara mba egemira iriŋ ko dlara goora naɗi, eg muli mamisina lay, eg suu malayaŋ ziimina lay, eg muli mami suu li ɓivunna lay, eg suu mami suu jok vunnana lay, eg somoyomi lay, eg suu maŋsina halaŋ col ay eg muli suu Asirina day ta ta karami.

NEHEMI 9:16

«Na may asi u somoyomi ŋga tasiya, so delesi ki eŋga ŋgiriŋ ŋgiriŋ humuŋ gaɗ maŋga kaɗi.

EZDRAS 9:7

Col ay hu buu ma vi somoyomina day ta ta karammi suluk mamina ŋgolla ɦay, kay suluk mamina, ami lay, muli mamisina lay, suu mami suu li ɓivunna lay ɦami ki maŋ mul ma kay ndaŋgarana, maŋ ŋgewna, maŋ suuna a yowomi ki mborɓogina, maŋ suuna ɦurumumi tlegeyemiya, hinimi zolona cami ko karamba na.

EZDRAS 5:12

Na may ni kay ana somoyomi ɓeŋ huu Lo ma kolo huulonana kiyo, nam ɦasi ki ko Nabukodonosor ma Kaldena, mul ma Babilonna. Nam ɓeŋ zi ndaɗta ki, yow suuna tuɗusi ki mbaɓura hu Babilon.

2 DLAŊ MULINARA 34:21

«Tuɗugi joɓogi Yawe kay u suu Israel suu hin ndena kay suu Yudana kay dla magaara gaɗta ta agi faɗ ay wandara kay yara vi Yawera tok kaygi ni ŋgol cocoo, kay ana somoyoygi li ka u gaɗta vi Yaweraɗi, li ka u dlara ɓiiri hu magaa ndaɗtara belɗi.»

NEHEMI 1:6

Ko humuŋ li tini ta, iriŋ li ki mali may a hum cenda vi saaŋ ma sundara. Hu li namma na ni an ka cen fokoŋ kay goryoŋ Israelna suu maŋsuu sunda ana, an hom ki ni kay suluk ma vi goryoŋ Israel ma ami lam egeŋŋa. An u suu vo vi bunna ami li suluku.

JEREMI 26:19

Na ni mul ma Yudana, Ezekiyas, u suu mamsina hin cam ki su? Asi hoŋ yasi ga u Yawe ni hoŋi na ɗowɗi su? Yawe hin doo dla cora nam gin a lasira egesira ki kasiya. Aygi may ɗaŋŋi hal a laygi ni dla cora.»

EZEKIYEL 18:14

«Na may sa ma co namma hin vuɗ goona. Goorom wi dla cora nam laɗta na ni min ka a li ko nam naɗi.

NEHEMI 9:34

Kay muli mamisina, malayaŋ ziimina, muli mami suu li ɓivunna u somoyomi may, ni asi takaŋ gaɗ maŋga ka ki kiɗikgi, tin humusi ka humuŋ gaɗ maŋgaɗi, ka kay nera aŋ neesi yasi tew tewraɗi.