2 DLAŊ MULINARA 29:34 - Boy Lonana

³⁴ Na may hu li ma muli suu li ɓuvnna ka bolow a zi tle asinaɗi ni, gorsesi suu hu njaf Levina njun usi a zi tlena kira ta ta daɓ sunda kiyo ta ta hu li ma muli suu li ɓivunna li tasi ki teteɗna.

2 DLAŊ MULINARA 29:34 ပူးပေါင်းရင်းမြစ်များ

2 DLAŊ MULINARA 35:11

Suuna gijaŋŋa a ŋgaɗ gor timigii suu Pakŋa u gor ɦugunina gaw may. Asi ɦal busu gor timigiina ay maŋ muli suu li ɓivunna muli suu li ɓivunna vo busuna ha kay li ma ŋgal ɓivunna, njaf suu vi Levina ni suu a zi ɦugunina suu ŋgaɗasi kina may.

2 DLAŊ MULINARA 30:3

Asi tew ka a li luuna hu tilim gasiɗi kay ana muli suu li ɓivun suu ɦal tasi kina ka ŋgolɗi. Suuna tok ay ka Yerusalem belɗi may.

SOOLLA 94:15

Hu li ma kaɓakŋa gasira hin mba kiyo, suu hurusi ɗegeena hin tuɗ u gasira.

SOOLLA 26:6

Yawe, an mbus kon ki wa, kay tak ki ana an li co kaɗi. An ŋguy kay givin ma togolla maŋŋa a ŋgaaŋŋi aŋu.

SOOLLA 7:10

Doo dla cora suuna landa egenda kiyo. Col suu ɗegeena eŋe. Aŋ ma wi huu suuna kurufuna, Lo ma ɗegeena.

2 DLAŊ MULINARA 29:5

Ni kay a dasi ana, «Humungi vunun haa, agi njaf suu vi Levina, cemi wanda ni danagi tagi ki na teteɗ. Lagi Ziŋ Yawera ki na teteɗ may. Nammi Lo ma vi somoyogina. Tlesuu njenje suu hu Ziŋ Lonarana yowogisina ki bel bel.

1 DLAŊ MULINARA 29:17

An wi ana aŋ, Loonna, wi huu suuna. Aŋ minni ɗegeera. An may ni u hurun ma ɗegeena an ɦaŋ tle asina halaŋ. Cecem wanda suu maŋsuu ka tanina an ka wasi asi ɦal tlena u furira u hurusi ma dewna.

NDUMBA 18:3

Asi gorseŋŋa li sunda ha fokoŋu ni hu Mbutluɓ ma Tokkana halaŋŋa, doy hol may ka asi ɦuɗ tasi ay fun li ma tlesuu hu Ziŋ Lonaraɗi, tuɗ eg givin ma togollaɗi lay, kay sa miɗ kiɗi, asi lay, taŋga lay.

NDUMBA 8:19

An ɦasi maŋ Aaron u goryomu, duk suu Israelna halaŋ suu vi Levina ki ni a li tokka fokosi hu Mbutluɓ ma Tokkana, a lasi ɓivun ma mbususi coosira kina may, kay ndaɗta suu Israelna ka ɦuɗ tasi ha eg li ma teteɗna a miɗ tasi ki oloɗi.»

NDUMBA 8:15

Ŋgoo dagan suu vi Levina hin li sunda hu Mbutluɓ ma Tokkana, aŋ mbususi ki teteɗ, takasi fok Yawe ko puura laɗ ki mamba na.

2 DLAŊ MULINARA 29:33

Ɓivun ma daŋ ma zeɗ zeɗna ni yoori suu ŋgolona kis kis karkiya, yoori suu gorina ni buɓ buɓ hindi.

2 DLAŊ MULINARA 30:15

Asi ŋgaɗ yoori suu vun til Pakŋa ni hu buu ma doogo yam fiɗina hu til ma mbana. Muli suu li ɓivunna u dee suu vi Levina li tasi ki teteɗ mbaa ɓivun ma ŋgalam ki ŋgalina kay Zira vi Yawera.

2 DLAŊ MULINARA 30:24

Kay ndaɗta mul ma Yudana, Ezekiyas, yow mbutlina ki maŋ suu tokina na buɓ, yoori suu gorina ni buɓ buɓ kiɗisiya may. Suu ŋgolo suu mulina yow ki kay tasi ni mbutlugina buɓ, yoori suu gorina buɓ buɓ doogo may. Muli suu li ɓivunna bolow coco li tasi ki teteɗ may.

EZDRAS 6:20

Ko ndal suu li ɓivunna ko tasi u suu Levina mbuɗ tasi ki teteɗ, asi halaŋ ki mbuɗi teteɗ. Asi hin ŋgaɗ gor timigiina a li luu ma Pakŋa maŋ suu yowosi ay mbaɓurana halaŋ, maŋ gorsesi suu li ɓivunna, maŋ tasira may.

EZEKIYEL 44:11

Asi ndak a li sunda ni hu Ziŋ Lonara gol vun Ziŋ Lonara may, li sunda kalafi hu Ziŋ Lonara may, juɓ u yoori suu asi mbaarasi ay a li ɓivunna, ŋgaɗ yoori suu li ɓivun ma kay suuna belna, u ɓivun ma zeɗ zeɗna. Asi mba lakŋi a sun suu may suu mbayna halaŋ.

2 MULINA 12:6

ma muli suu li ɓivunna ka yowom ki kay tasina, gegelay ni wi ii mamma. May ni asi min ii Ziŋ Lonara, li ma ka ki ɓalaki zeɗ zeɗ wanna kiyo.»