2 DLAŊ MULINARA 29:30 - Boy Lonana

³⁰ Ŋgoo dagan mulna Ezekiyas u muli suu ŋgolo suu umma halaŋ di njaf suu vi Levina ana, asi ŋga Yawe u boy ma vi Davidna u ma vi Azafna, sa ma wi fokomma. Asi halaŋ ŋga Lona u hurusi ma furira. Ŋgoo dagan asi girif kaŋga goɓ Yawe.

2 DLAŊ MULINARA 29:30 ပူးပေါင်းရင်းမြစ်များ

2 DLAŊ MULINARA 23:18

Ŋgoo dagan Yoyoda hin sunda juɓ u Ziŋ Lonara ni ko njaf suu vi Levina suu li ɓivunna. David ɓorowosi irisi ka ki cuɓ cuɓmi namu kay a li ɓivunna hu Ziŋ Lonara ko gaɗta vi Moiz dira na. Nam ɓiirisi ka ki ana asi daɓ sun ndaɗta ni u soolla furira.

2 DLAŊ MULINARA 30:21

Suu Israel suu tok ay hu Yerusalemma li luu ma Pakŋa ma fu ma bay kuffa dukumma buuna kiɗisiya u furira coco, suu vi Levina u muli suu li ɓivunna ŋga Yawe hu buuna tew tew u tlesuu bura zeɗ zeɗ bolow cocoo ni kay a geleɗ Yawera.

2 DLAŊ MULINARA 30:23

Ŋgoo dagan suu tokina hurusi vi a ɦuɗ buu ma luuna ha fok hu olo, asi hoŋ li luuna hu buuna kiɗisiya u furira olo.

2 DLAŊ MULINARA 30:26

Furira li hu Yerusalem ŋgol cocoo kay col ay hu buu ma vi Salomon ma goŋ Davidna, mul ma Israelna, day ni furira ko ndaɗta na li ka hu Yerusalem ɦoy tuɗi.

2 DLAŊ MULINARA 7:3

Suu Israelna halaŋ wi kura ay kolo huulona ndaɗta u Bibiŋil Yawera kolo kay Ziŋ Lonara, asi goɓ kaŋga daɓ vogosi kaŋga duk ndaŋgara, huu kaana kurufu fun Ziŋ Lonara, ŋga Lona di ana, «Kay nam jiviya, ɗegee mamba ha ni na din din.»

EZDRAS 6:16

Goryoŋ Israelna, suu li ɓivunna, suu Levina u suu yowosi ay mbaɓurana usira hinda li furira mal vun Ziŋ Lonara ɦay.

EZDRAS 6:22

Asi li luu ma ti fu ma bay kuffa dukumma u furira, buuna kiɗisiya kay ana Yawe oyosi hurusi u furira, mbuɗ huu mul ma Asirina egesi jivira a ɦasi saɓakŋa kosi kay sun Ziŋ Lonara, Lo ma vi suu Israelna.

NEHEMI 12:46

Kay ana ay fok jew hu cokira vi David u Azaffa suu ŋgolo suu fok suu gi soolla kaa, suu gi soolla gi deɓpa u geleɗta maŋ Lonara.

SOOLLA 106:12

Suu mamsina vi u boy mamma asi gi soolla geleɗ Lonara.

SOOLLA 149:2

Ko suu Israelna furi kay sa ma lasina, ko goryoŋ Siyonna li luu ma vi mul masinana.

SOOLLA 32:11

Furiyugi u Yawe, agi suu ɗegeena, furiyugi, sawalla koloo agi suu hurugi ɗegeena.

SOOLLA 50:1

Soolla vi Azaf. Lo ma kay loogina halaŋŋa, Yawe, nam ɓakka, nam yi suuna halaŋ, suu u maɗiinana ta ta suu u fiɗiginana.

SOOLLA 95:6

Selegi aya, mbaygi, goɓoygi ga u vun gifiygi fok Yawe, ma laygina.

SOOLLA 96:9

lini teteɗta vi Yawe weleɗ fokogi wa ni agi goɓ ga fokomu, agi suu kay ndaŋgarana halaŋ, dlakagi ndaana komu.

FILIPINA 4:4

Furiyugi hu Bu Suuna na gak gak an di olo furiyugiya.