2 DLAŊ MULINARA 28:6 - Boy Lonana

⁶ Hu buu ma dewna ni Peka, ma goŋ Remaliyana, ci suu duuna suu garaŋŋa na 120,000. Ni kay ana nam noy Yawe, Lo ma vi somoyomma, kiyo.

2 DLAŊ MULINARA 28:6 ပူးပေါင်းရင်းမြစ်များ

2 MULINA 15:27

Hu basara dok-vadl yam mba' ta Azariya kaki a mul ma Yudana ni Peka ma goŋ Remaliyana kak a mul ma Israelna may. Nam kak hu Samari ti mulla basara dok-mba'.

2 MULINA 15:37

Hu coki ndaɗta ni Yawe gijaŋ sun Ressin, mul ma Sirina, ay kay suu Yudana u Pekah ma goŋ Remaliyana.

2 MULINA 16:5

Kay ndaɗta Ressin, mul ma Sirina, u Pekah ma goŋ Remaliyana, mul ma Israelna, mbay ndug zi ma Yerusalemma duu u asiya. Asi ŋguy yam Ahaz ki cutl may ni gijaŋ duuna ka gawɗi.

2 DLAŊ MULINARA 13:17

Abiya u suu mamsina lasi ki coo, duk suu Israelna suu miɗna ni 500,000 ni suu vari suu wi duuna cocona.

2 DLAŊ MULINARA 15:2

Nam kal ki tuɗ fi Aza dam ana, «Mulna Aza, agi suu Yudana u njaf suu vi Benjaminna halaŋ, humungi vunun haa. Yawe ka u agi ni hu li ma agi ka u nam mayna. Lini agi halamu ni nam hin tak tam irigiya. Lini agi noyom ki wa ni, nam noyogi ki may.

2 DLAŊ MULINARA 21:10

Col ay hu li namma day ni suu Edomma hin ki ni kay tasiya. Sa heɓesi kaɗi. Suu hu ɦoŋzi ma Libnana li hu coki ndaɗta ni na lay, buɗ tasi ki hu mulla vi Joramba kay ana nam ka hum u Yawe, Lo ma vi somoyosina oloɗi.

2 DLAŊ MULINARA 28:7

Zikri ma hu deera vi Efrayimba bigawla ma duuna ci Maaseya ni goŋ mulnana, Azrikam sa ŋgol ma fun ziŋ mulnana, u Elkana nammi sa ma eg mulna tok hu sundana.

JOB 34:27

Kay asi ka min a hum umbi. ka wam voɗ mambaɗi lay.

SOOLLA 37:38

Na may suu hurusi gonokka, njafasi hin ndi ki u tasira halaŋ.

EZAYI 1:28

Suu babalira u suu li dla cora hin ba ki halaŋ. Suu noy Yawe kina halaŋ hin ba kiyo.

EZAYI 3:25

Njufii suu Yerusalemma hin casi ki u ŋgewina, suu magi suu saɓakŋa hin puk ha ki ŋgoo fun duuna.

EZAYI 7:1

Hu cokira Ahaz goŋ Yotamma, goŋ Oziyasna, mul ma Yudana, Ressin mul ma Sirina u Peka ma goŋ Remaliyana mul ma Israelna, tuɗ hu Yerusalem a duu u asiya, may asi ka ndak a duu u asiɗi.

EZAYI 7:9

Kay saɓak Efrayim ka hu Samari, saɓak Samari ka u goryoŋ Remaliyana may. Lini agi hurugi ka tinni saɓakgi, ni agi ka hin a col fok suu duuruginaɗi may.»

JEREMI 15:6

Ndak noyon ki ni ndaku. Yawe di na. Ndak ɦan ŋgorok wa, an tli kon kolo kak a cak ki ni na may. An ɦuɗ buuna fok ŋgol cocoo.

JEREMI 2:19

Ko cookka lasaku, ko dla cookka gaɗak vunuku. Ko dla cora lasak na ta ta faɗak ki na toŋ, kay noyra ndak noy Bu Suuna, Lookŋa, kira. Gasi, ndak lay ni ka dlak ndaa fokon oloɗi. Yawe Lona, ma Saɓakŋa Kom Belna, di na.

EZEKIYEL 16:57

Hu li ma dla cookka bay tak ki kiɗik tunaɗi su? Ko ndaɗta na may ndak hin cemi fun gorɓii suu vi Sirina ni a va ma ndal ndalla, u ndaryasi suu vok zina halaŋ. Gorɓii suu Filistinna ka ŋguluk ay keŋ hu gak lay.

GA 8ATAMBARA 28:15

«Na may lini agi ka hum vun Yawe Looginaɗi, ka min a saa kay gaɗ mamba a li uɗɗi, gola ni dla cora u gi vunna ta hin mbay kagira.

GA 8ATAMBARA 28:25

Yawe hin mbuɗugi ni a suu paɗ liŋŋa fok suu babali masisina. Agi cuk ha ki a ŋgafasira ni hu voɗta dewra, hin njay kogi a liŋŋa ki ni hu voɗta zeɗ zeɗ kiɗisiya. Dlara lagi ndaɗta mbuɗ suu kay yam mbassa halaŋŋa ki ndaa cocoo.

GA 8ATAMBARA 32:20

Nam di ana, «An min ŋgay tan ki irisiya, an hin golosi dlara hin fasi ha fokka tuwa. Kay asi ni njaf suu dlasi cona, ni ka gor suu aŋ sa caa yaŋ kay dlasiraɗi.

JOSUWE 23:16

Lini agi ŋgel Galamba Yawe, Loogina, vaɗ u agira, Galamba nam ɓiirigira kara, lini agi tuɗ sun loogi suu ɦawana, lini agi goɓ ga fokosiya, yara vi Yawera hin col kolo kagiya, bulumugi ki ni na zak hu mbassa jivira nam ɦagira wandara.»

JOSUWE 24:20

Hu li ma agi noy Yawe kiyo hin sun lo ma daŋŋa ni nam hin mbuɗ um kagi lagi dla cora egegi may. Nam hin ŋgalagi kiyo hu li ma nam lagi dlara jivira vam egegi layna.»