2 DLAŊ MULINARA 25:16 - Boy Lonana

¹⁶ Hu li ma nam ka dam nana ni Amasiyas hoŋom dira ana, «An tlaŋ ana aŋ li a sa ma ne suuna tani hu mul manda su? Aŋ li ka min lassaɗi ni seŋ vunuŋ ha ni na gaw.» Sa ma jok vun Lona seŋ tam, kak ki na jok ni hin di hu olo ana, «An wi ki ana Lona min a caŋ ki ni ciya, kay aŋ li ko ndaɗta na, min ka a van boy mannaɗi.»

2 DLAŊ MULINARA 25:16 ပူးပေါင်းရင်းမြစ်များ

2 DLAŊ MULINARA 10:15

Mulna hum boy ma suuna joɓom kamma kaɗi. Yawe Lona li dla ndaɗta na ni kay a li ki ni u vi vun ma nam vam duk tam u Jeroboam ma goŋ Nebatna hu li ma nam dam dlara ay fun sa ma jok vun Lona Ahiya ma Silonara.

2 DLAŊ MULINARA 16:10

Aza hurum ɓeŋ eg sa ma jok vun Lona cocoo. Nam vam gam daŋgayna. Boy mamma ɓalakam hurum ki cocoo. Hu coki ndaɗta gaw ni Aza gijaŋ las suu vo hu mbas mambana.

2 DLAŊ MULINARA 18:25

Mul ma Israelna di suu mam suu sunda ana, «Vagi Mise, ɦam ha maŋ mul ŋgol ma kay ɦoŋzinana, Amon, u goŋ mulnana, Yoas.

2 DLAŊ MULINARA 24:20

Musuk Lonara mba kay Zekari, mul ma li ɓivunna, goŋ Yoyodana, mba di boyna kay suu Israelna ana, «Gola ni dlara Lona daɗta, ana agi a ŋgel gaɗta vi Yawera na ni kay mege? Agi hinni ka fi vaɗi kay agi noy Yawe kiyo. Nam may ni noyogi ki wa may.»

2 DLAŊ MULINARA 24:21

Asi vi vunusi ki kamu, gikim ki u gogoyra, cam ki ko mulna dasisra na ni fun biɗii Zira vi Yawera hu gaw.

2 DLAŊ MULINARA 25:15

Huu Yawe ɓalak ki eg Amasiyas. Nam sunum sa ma jok vun Lona ay egem dam ana, «Aŋ ŋga lo ma vi suu may suu nam ndak ka a suɗuŋsina ki hu duk koŋgina ni nanage?»

2 DLAŊ MULINARA 25:17

Amasiyas, mul ma Yudana, fi saara daŋga, sun suuna eg Joas, mul ma Israelna, goŋ Joakasna, goŋ ŋgolo Jehuna, dam ana, «Mbay ŋgafanu, duuruy taya.»

KALKIRA 10:28

Faraw di Moiz ana, «Huɗ taŋ ha ki egenu, an hinni ka waŋ seŋ varan tanɗi. Hu buu ma aŋ wan irin wa ni aŋ ba wa.»

KALKIRA 9:16

An hiniŋ iiri tu ni a takaŋ ki ni saɓak manna. Ni kay a sen tii ki kay yam mbassa halaŋ.

VUN ŊGOLNA 1:29

«Kay ana asi noy wira kiyo. Asi man ndaa ma lam u Yawena kaɗi.

VUN ŊGOLNA 1:30

Asi min ka a hum u gaɗ mandaɗi. Dlara an daɗta halaŋ asi goloɗ ki ni ɦawaa.

EZAYI 46:10

Ay hu gijaŋŋa day ni an di dlara, an min a laɗta ay kiyo. An di dla mayra hin a lira, ta bay sa waɗ tura ay ki jewe. An di ana gola dlaanda hin li ni na, ndaɗ hin li ki may. Dlara an miniɗta halaŋ an laɗu.

JEREMI 2:19

Ko cookka lasaku, ko dla cookka gaɗak vunuku. Ko dla cora lasak na ta ta faɗak ki na toŋ, kay noyra ndak noy Bu Suuna, Lookŋa, kira. Gasi, ndak lay ni ka dlak ndaa fokon oloɗi. Yawe Lona, ma Saɓakŋa Kom Belna, di na.

JEREMI 27:15

An sunusi ay ka anɗi. Yawe di na. Boy ma asi ɓakagina u senna ki ni coo. Na ɗaŋŋi an hin njayagi ki may, cagi ki may. Agi u suu jok vun Lona suu dagi boy nammana.

JEREMI 29:26

«Yawe tiniŋŋi namu balam mul ma li ɓivunna, Yoyada, ko ndal mul ŋgol ma li ɓivunna hu zira vi Lonara kay suu tuɗ kolo duk ɦawana a aŋ njunusi u galiina kaŋgaa.

JEREMI 43:4

Ka Yohanan, ma goŋ Kareanaɗi, lay, ka suu ŋgolo suu fok suu duunanaɗi lay, sa na dew lay ka hum del Yawe hu li ma nam yasi ana asi hin kakira ni hu mbassa Yudaraɗi.

EZEKIYEL 33:4

Sa ma hum tii tokolomma caa yam ka huɗi, lini suu duuna hin mbay cam wa ni, busu sa namma daɓmi kam na ndoŋ.

MATIYE 21:23

Yesu kal hu Ziŋ Lonara, gijaŋ haɗ suuna. Muli suu li ɓivunna u suu ŋgolo suu Juifna, ɦuɗ tasi egem, joɓom ana, «Aŋ li tlegeyeŋ ni u saɓak gege? Sa ɦaŋ voɗta a li tlege suu asina ni gege?»

SUNDA 4:28

Asi li dlara aŋ u saɓak maŋŋa u min maŋga saa ki kaɗ jew a laɗta ki wa.

ROMMA 9:22

Va ma agi min dam kay Lonna ni mege? Nam min a tak yaamba u saɓak mamma kiyo. Kay ndaɗta nam siɓ ŋgolo u ɗigilla kay suu yaamba mba gin kasina hin tok a baasi kina.

EFESNA 1:11

Aygi faygi suɗta ni hu taɓ maygira u Kristura, kay Lona manaygi ay ki ni jewe, u va ma nam ŋgaamma Lona li tlena halaŋŋi u va ma nam saaram u min mambana daŋ may.

GA 8ATAMBARA 2:30

Na may Sihon mul ma Hesbonna ka min a hinimi a jak varambi. Kay Yawe, Loomina, soom hurum ka min a hum boy ma jivinaɗi, kay a ɦamina ki hu duk komira.

2 TIMOTE 4:3

Kay lina hin mbaa suuna hin mbuɗ hum u haɗta gasira oloɗi, asi hin mbuɗ lini u min masira, asi hin tok suu a haɗasina bolow egesiya, suu asina hin dasi dlara asi min a humuɗta.

WIRA ŊGAYRA 11:10

Suu hu ndaŋgarana hin li furira ŋgolo kay maɗ suu mba' asina. Asi hin li ayra ŋgolo ɦal tlena maŋ tasi lay, kay ana suu jok vun Lona suu mba' asina ɓeŋ ndaŋgara ki cocoo.

1 SAMUEL 2:25

Lini sana li sulukŋa eg ndaramma wa ni Lona ndak gi ii dla ndaɗta. May lini sana li sulukŋa eg Yawe wa ni sa hin gi ii dla ndaɗta na ni gege?» Asi hum vun busi kaɗi. Ni kay ana Yawe min a casi kiyo.