2 DLAŊ MULINARA 24:21 - Boy Lonana

²¹ Asi vi vunusi ki kamu, gikim ki u gogoyra, cam ki ko mulna dasisra na ni fun biɗii Zira vi Yawera hu gaw.

2 DLAŊ MULINARA 24:21 ပူးပေါင်းရင်းမြစ်များ

1 MULINA 21:13

Suu may suu ka wi dlaɗi na mba' lak ay fokom na gay may. Suu ka wi dlaɗi asina gijaŋ a di dlara ki kay Nabot fok suuna di ana, «Nabot ŋgul Lona, ŋgul mulna may.» Asi kalam ki hu ɦoŋzina, tuɗum ha ki doŋ kaana gikim u gogoyra, cam kiyo.

2 DLAŊ MULINARA 25:16

Hu li ma nam ka dam nana ni Amasiyas hoŋom dira ana, «An tlaŋ ana aŋ li a sa ma ne suuna tani hu mul manda su? Aŋ li ka min lassaɗi ni seŋ vunuŋ ha ni na gaw.» Sa ma jok vun Lona seŋ tam, kak ki na jok ni hin di hu olo ana, «An wi ki ana Lona min a caŋ ki ni ciya, kay aŋ li ko ndaɗta na, min ka a van boy mannaɗi.»

NEHEMI 9:26

«Na may asi mbuɗ ki honira, li yara u aŋu. Asi noyoŋ gaɗ maŋga ki ŋgoorosi dagan na day, asi ci suu jokoŋ vunuŋ kina, suu neesi ana asi hoŋ egeŋuna kiyo. Asi li suluk ma ŋgolona egeŋ cocoo.

SOOLLA 94:21

Asi hal iirira vi suu ɗegeena, sa ma li va kaɗina asi halammi namu.

JEREMI 11:19

Anni ko goo timii ma lalamma na, tuɗum hu li ma ŋgaɗtara na. An ka wi ana dla cora asi laɗta ni kan layraɗi. «Kaaygi ŋgusna ki u mbiirim egemu, kaaygina ki hu mbassa vi suu iirinara. Ka sa yam sem oloɗi.»

JEREMI 18:18

Asi di ana, «Tuɗuygi halaygi dlara eg Jeremi. Aygi hin faygi boy ma jivina fun muli suu li ɓivunna, faygi gaɗta fun suu wi yal dlara, faygi boyna fun suu jok vun Lona. Tuɗuygi ɓeŋeygina ki u boy ma cona, tiniygi yaygi kay boy mammaɗi.»

JEREMI 20:2

Na ɗaŋŋi Pasehur vi sa jok vun Lona, Jeremi, njunum ki eg guna fun grek ma vi Benjamin ma ŋgolna, ma hu vun Zira vi Yawera.

JEREMI 26:2

Yawe ɓak anaba, aŋ col fun Zira vi Yawera ɓak suu hu ɦoŋzi ma Yudana suu mbay goɓ kaŋga hu Zira vi Yawerana halaŋ, dasi boy ma an daŋŋa ha masina ki halaŋ hin maa kiɗi.

JEREMI 26:21

Mulna Joakim u suu golom umma u suu ŋgolo mam suu sunda humusi vunusi hummi hal a cam kiyo. Uriya hum hummi mbuɗ ndaana, pii ki gaw, tuɗ ki hu Egipte.

AMOS 5:10

Asi ka min sa kaɓakŋa u voɗommaɗi, sa ɓak boyna u jivimmaɗi.

MATIYE 21:35

Suu li sunda hu senena yow suu asina, waɗ ma hiŋŋa, ci maa ki maɗ dew may, duu ma hiŋŋa gikka u gogoyra may.

Boy Ma Ayra Ma LUK Ɓiirimma 11:51

Tin ay busu Abel gak gak tew busu Zakari ma agi cam ki hu Ziŋ Lonara bay nam tew givin ma togolla tuna. An dagi ni u voɗoɗu, busu namma halaŋ hinni kay njaf namma.

HEBRENA 11:37

Suu daŋŋa asi casi ki u ɦinira, suu daŋŋa asi ŋgaɗasi irisi ki duk mba' mba', ɗowba casi ki u ŋgew ŋgolna. Asi tuɗ ki hu li ma daŋŋa daŋŋa cuk bak timigiina tasi u bak ɦugunina. Asi fi wihawra ko lassa ŋgolo.