2 DLAŊ MULINARA 23:13 - Boy Lonana

¹³ Ndaɗ gol iriɗ ha na ni wi mulna ka ki coli kolo kay vun zira. Mulina u suu bu tokolomma ka njaari egem na tok. Suuna halaŋ ka furiya. Asi bu tokolomma may. Suu bu tlena bu gi dadari masisina may, ka tuɗ fok suu geleɗ mulnana. Ataliya haa barawi maɗsina ki, oo uɗ kolo di ana, «Duuna. Duuna.»

2 DLAŊ MULINARA 23:13 ပူးပေါင်းရင်းမြစ်များ

2 MULINA 11:14

Ndaɗ gola ni mul ma wilina coli eg mbal ma duk gayra hu Ziŋ Lonara zow, ko ndal asi li day dayara na. Muli suu daŋŋa u suu bu tlena a luuna coli eg mul ma wilina ca may, u tokolomma lay ay laki na tok eg mulna. Suuna halaŋ ka furi cocoo. Asi bu tokolomma. Ataliya haa baraw maɗna ki oo uɗ kolo di ana, «Ni dlara ŋgeŋŋa, ni ŋgeŋŋa.»

2 MULINA 23:3

Mulna col ki kolo u sem eg mbal ma coli duk hu Ziŋ Lonarana, nam mbuɗ Galamba ki wili daŋgadla u Yawe. Gegelay ni mba li ki ɗegee fok Yawe a hum u gaɗ mamba u hurum halaŋ u saa mamba halaŋ, hum u haɗ mamba may u dlara ɓiirira halaŋ, li uɗ may. Hum u dlara ɓiiri hu magaara galam ndaɗtara halaŋ. Suu tokina halaŋ vi haɗ ndaɗta kasi halaŋ a li uɗta may.

2 MULINA 9:13

Na gaw ni, suu ŋgolo suu asgaana fok barawi masisina boɗosi kaŋga vun goŋga kal ay kira, kak Jehu ka kolo kasiya gijaŋ sawalla ha kolo ana, «Gaŋ deɓe, mulna Jehu.»

2 MULINA 9:23

Joram hoŋ dagan a piira may, sawalla ha kolo ma Ahaziya ana, «Ahaziya gol taŋ jiviya ni dlara gonokka.»

1 DLAŊ MULINARA 12:40

Asi li buuna hu li namma ko tasi u David hindi, ti may, ci may, kay ana gorsesina minisi tlena ka kaŋga masiya.

1 DLAŊ MULINARA 15:24

Suu li ɓivunna Sebaniya, Yasafat, Nataneyel, Amasay, Zekari, Benaya u Eliyezer bu tokolomma fok Zandukka vi Lonara. Obed-Edom u Yeliya ni suu gol u Zandukka.

1 DLAŊ MULINARA 15:27

David cuk efodna tamu. Suu li ɓivun suu tli Zandukka kasina lay, suu gi soolla u Kenanya, sa ŋgol ma fok suu tli tlenana. David gaɓ magaara gaɗta kelem kay efodna may.

2 DLAŊ MULINARA 23:12

Hu li ma Ataliya hum dla ndaɗta suuna ko kosi may liŋ a tuɗ ŋgaf mulnara may ni, ndaɗ col tuɗ iriɗ ha hu Ziŋ Yawera may.

2 DLAŊ MULINARA 23:14

Mul ma li ɓivunna, Yoyoda, cuk muli suu suuna usi kis kisna ay ki kiɗiki ni suu kay dla duunana dasi ana, «Tuɗugira ha ki kiɗik fun Ziŋ Lonara day. Sa ma tuɗ ha kay cereɗna agi cam ki u ŋgewna.» Mul ma li ɓivunna hin di ana, «Agi ka caɗ kalafi tani hu Ziŋ Yaweraɗi.»

2 DLAŊ MULINARA 34:31

Mulna kolo coli u colom na ni, suu tam ki fok Yawe a li u gaɗta ɓiiri hu magaara wanda u hurum halaŋ u iiri mamba halaŋ, li u boy ma gaɗta u nera vi Lona damma ma ka ɓiiri hu Magaara Galamba wanna.

SOOLLA 14:5

Suu asina halaŋ hin dlak ndaana fok Lona, hu li ma Lona hin tak tam ki duk njaf suu ɗegeena.

VUN ŊGOLNA 11:10

Ҥoŋzi ŋgolna ka furi kay heɓpa vi suu ɗegeenara. Bara suu dlasi cona ka ba kira asi sanni saniya.

VUN ŊGOLNA 29:2

Hu li ma suu ɗegeena ka hu ŋgolla ni asina, ni suuna halaŋ furiya. Na may lini sa ma dlam cona a ŋgolla ni namu ni, suuna halaŋ yoora.

DI BOLLA 9:12

Sana ka wi buurumbi. Ni ko kulufna vi hu bayna ko suu ciwnara na, hu li ma nam kal hu baynana. Ko laygina vi hu baynara na, goryoŋ Adamma dlara yoora kafasi ni ko ndaɗta na may. Hu li ma ndaɗ mba kasina asi ka wiɗi.

EZEKIYEL 46:2

Mulna kal ha hu vun ma ii ŋgoona, ha fun zira ŋgolla hu li ma nam kak huna na. Nam col vun goŋga u semu, mul ma li ɓivunna lam ɓivun ma ŋgal kina u ɓivun ma taɓ duk ɦoŋga kamu. Nam goɓ ga fok Lona u hurum halaŋ fun zira ŋgolla, ŋgoo dagan nam hin hoŋ ay kiyo, na may vun namma sa ka dugum oloɗi ta ta fiɗigiya.

SUU KAƁAKŊA 7:8

Gedeon hin suu kis kis hindina ka um may, bolow suu belna nam hinisi hoŋ vo may. Suu hin ka na yow tlesuu vi suu tuɗ ki vona u tokolom masi ma duuna ka kosiya. Suu Madiyanna ay laki ni ga usi hu ɦuɗugumba na may.