2 DLAŊ MULINARA 23:11 - Boy Lonana

¹¹ Asi kal goŋ mulnana ay ki kiɗiki. Asi tinim jumba mulla ki kamu, kakam ki a mulna ɓak ki kamu. Yoyoda u goryom fuurum ki u mbulna sawalla ha kolo di ana, «Gaŋ debe, mulna.»

2 DLAŊ MULINARA 23:11 ပူးပေါင်းရင်းမြစ်များ

2 SAMUEL 1:10

An kak hin dogom kiyo kay an wi ana nam hin ka kak iiri hu pukka nam puk wandaɗi. An tli jumba mulla ta ay kay yamba may, walak ma del komma may. An mbaasi ay kaŋga tani maŋ malanna.»

2 SAMUEL 16:16

Hu li ma Husay ma Arkŋa ma banaŋ Davidna mbay eg Absalom, Husay di Absalom ana, «Kak a fafaɗta, Mulna, kak a fafaɗta, Mulna.»

2 SAMUEL 5:3

Suu basi suu Israelna halaŋ mbay fi mulna hu Hebron. Nam mulna David hin vi galamba u asi jivira hu Hebron fok Yawe. Asi hin fuu David a mul ma Israelna na.

1 MULINA 1:25

Kay cemi ni nam tuɗ ga fun mbo ma Rogelna, nam li ɓivunna u bolo mbutlugina, u gor mbutli suu ɗorina u timigiina lay, tlena ŋgol cocoo. Nam yi goryoŋ mulnana ha halaŋ. Suu ŋgol asgaana u mul ma li ɓivunna Abiyatar. Cemi ni asi ka ti may, ci may fokomu. Asi di ana, Gi deɓ maŋ mulna Adoniya.

1 MULINA 1:34

Hu li namma mul ma li ɓivunna Sadok u sa ma jok vun Lona Natan fuurum u mbulna a mbuɗum ki mulna kay suu Israelna halaŋ. Agi hin bu tokolomma, sawalla kolo di ana, Gaŋdeɓe, mulna Salomon.

1 MULINA 1:39

Mul ma li ɓivunna Sadok tli mek ma mbulna ay ki hu Mbutluɓma. Nam fuu Salomon u mbulna, mbuɗum ki mulna. Asi bu tokolomma. Suuna halaŋ tum soora. Sawalla ha kolo ana, «Gi deɓ maŋ mulna Salomon»

2 MULINA 11:12

Yoyada hin kal goŋ mulnana ay ki kiɗiki, tinim jumba mulla kamu u tlesuu tak ki ana ni mulnana. Asi kakam a mulna fuurum ki u mbulna may. Asi gijaŋ ko kosi sawalla ha kolo ana, «Gaŋ deɓe, mulna.»

2 DLAŊ MULINARA 22:11

Hu li ma ndaɗ a casina ni Yoseba ta goŋ mulna Joramba caŋ mul ma li ɓivunna, Yoyada, kay ndaɗ ni wayaŋ Joassa. Ndaɗ tli Joas u cara zirimba tuɗ ŋgayasi kiyo. Ndaɗ ka min a Ataliya ci go namma ki oloɗi.

2 DLAŊ MULINARA 23:10

Nam njaa suuna ki halaŋ halaŋ gegelay ni u saɓ mamba komu. Col ha bik njuf keŋ Ziŋ Lonara ta ta tew ki bik gulu tok eg givin ma togolla u Ziŋ Lonara, ni kay a ŋguy ki kay mulnara.

2 DLAŊ MULINARA 23:12

Hu li ma Ataliya hum dla ndaɗta suuna ko kosi may liŋ a tuɗ ŋgaf mulnara may ni, ndaɗ col tuɗ iriɗ ha hu Ziŋ Yawera may.

SOOLLA 132:18

Suu babali mamsina halaŋ hin mbuɗ zolona, jum mamba mulla hin weleɗ na gak gak.»

SOOLLA 21:3

Aŋ ɦam tlesuu nam joɓosina, tlesuu nam minisina halaŋ, aŋ hinim maa ka kiɗi.

SOOLLA 78:5

Nam ɦal gaɗta maŋ suu Israelna, njaf suu vi Yakobma fi gaɗta. Ndaɗ di somoyogi ana, asi jogoɗ ka maŋ goryosiya.

SOOLLA 89:20

Fok jewra aŋ ɓak suu maŋsina hu doyra, aŋ di ana, «An hin njun u suu hurusi ɦiŋŋa, An man goozoŋŋa duk suu mansina.

SOOLLA 89:39

Na may aŋ Lona hin noy saaŋ ma aŋ Fuurumma kiyo, aŋ hin mbuɗ huruŋ egemu.

KALKIRA 25:16

Aŋ cuk ɦinira ceɗi mba' ta gaɗta ɓiiri hura hu Zandukka.

KALKIRA 25:21

Aŋ dug vun Zandukka kolo kayami, hu Zandukka kurufu ni aŋ cuk ɦinira ceɗi ta gaɗta ɓiiri kaɗta hu may.

KALKIRA 31:18

Hu li ma Bu Suuna daɓ boy mamma njaɗta maŋ Moiz ay kolo kay Ҥinira Sinayra daɓmi, nam ɦam ɦinira ceɗira mba' ta gaɗta ɓiiri kaɗta, ta Lona u tamba ɓiiriɗ ayra.

EZAYI 49:23

Mulina hin mbuɗ ni a suu haɗagina, gorɓii suu vi mulinana hin mbuɗ ni suu wulugi goryogina. Asi hin goɓ vogosi ga halaŋ goɓ fokoŋu. Asi hin tanaɗ gugum ma ŋgoo seŋŋa ki u sinisiya. Ni aŋ hin wi ki ana anni Yawe. Suu tin hurusi kanna ka mbuɗ zoloɗi.

EZAYI 8:16

An dug boy manna u haɗ manda ki ii suu haɗi mansina.

EZAYI 8:20

Dasi asi hum u gaɗta vi Lonara lini asi hum kaɗi ni asi hin ka wi kiɗikkaɗi.

MATIYE 21:9

Suu fok Yesuna u suu ŋgorom daganna sawalla kolo ana, «Geleɗta maŋ Goŋ Davidna. Lona paɗ vunum ki kay sa mbay u sem Bu Suuna. Geleɗta maŋ Lo ma kolona.»

HEBRENA 2:9

Ni aygi waygi anaba, Yesu hoŋ ki kaŋga u suu sunda huulona kay lina ew ɦawaa, kay u oora vi Lona nam miɗ kay suuna halaŋ. Cecemi aygi wam kaki hu ŋgolla u jumba mulla kamu, nam fi geleɗta ni kay wihawra nam faɗ hu miɗnara.

Magaara JAK Ɓiiriɗta 1:12

Furira ka kay sa ma kak ɗili hu tuk mambana, kay ŋgoo tukka dagani nam hin fi jumba mulla vi iirira, ni va ma Lona vi vunum kam a ɦam maŋ suu minimma.

Magaara JAK Ɓiiriɗta 2:5

Humugi gige, gorsenna, suu an minigina. Lona man suu haw suu hu duliyara kay mbuɗusi suu ɦizina hu vira. Asi hin fi mul mamba nam ŋgaaɗ maŋ suu minimma hu jona.

WIRA ŊGAYRA 19:12

Irim weleɗ ay ko kura na, jumba mulla iriɗ kam bolowo, semma ɓiiri kamma sa ka wambi, wammi nam dew.

WIRA ŊGAYRA 4:10

Suu ŋgolo suu dok mba yam fiɗina goɓ vungivisi kaŋga fok nam ma kaki kay dlamba mullana a cenem nam ma iiri din dinna. Asi cuk jum masira kaŋga fok dlamba mulla di ana,

WIRA ŊGAYRA 4:4

Dlamba mul ta daŋga ŋguy kaɗ dok mba' yam fiɗi, suu ŋgolona laki kaɗ dok mba' yam fiɗi may u baraw ma haɓma cuki tasiya, u jumba mulla lorra kasiya.

WIRA ŊGAYRA 5:10

Aŋ mbuɗusi mulla ki masiya, asi mbuɗ a muli suu li ɓivunna vi Loomina, asi hin kak a mulina kay ndaŋgara.»

1 SAMUEL 10:1

Samuel tli guura mbulna, voom kay yam Sol hin vam kolo hurumu. Nam di ana, «Yawe fuuruŋ ka ki a mulna kay joomma ni nambi su?

1 SAMUEL 10:24

Samuel di suuna halaŋ ana, «Agi wi sa Yawe manamma ɗaŋ su? Sa ko nam na ka duk suunaɗi.» Suuna halaŋ li furira, yi kolo u delesi eŋga ana, «Kak a fafaɗta mulna.»