4 Joram kak kay mulla vi bumba mbuɗ ki saɓaki. Ŋgoo dagan nam ci gorsemma ki u ŋgewna halaŋ halaŋ, ci suu ŋgolna hu mulla Israella suu daŋ ki ɦiw hu lay.
Aŋ hin zaŋ tli ni dlara vi muli suu Israelna na ɗow. Aŋ zuɗ suu Yerusalemma u suu Yudana a pereɗ irisi u loogi suu ɦawana ko ndal suu vi Akabma lira na may. Aŋ tuɗ ta ta ci gorseŋŋa ki lay. Asi ni suu a li dlara jivira. Dlasi ŋgol suuŋŋa na ɗow.
Asi tuɗ kolo ndug mbassa Yudara, cuk huwa yow begera hura ki halaŋ ta ay vo hu ziŋ mulnara, goryom u boyogom lay, gorom maa hin ka oloɗi, hinni ma goona Yoakas na hol.
Jehu li ni u ɓak ma Yawe kaam kay suu vi Akabma may. Nam ŋgaf u suu ŋgolo suu Yudana, gor ndusugi suu vi Akaziyana u suu ka li sunda vi mulnana halaŋ nam casi kiyo.
Aygi ka a li ko Kain naɗi, nammi vi sa cona ci wayamma kiyo, nam cam ki ni kay mege? Ni kay me sunda Kain laɗta tew tew ni coo. Sunda vi wayammara li ɗegee may.
Nam tuɗ ndug ziŋ bumma hu Ofra. Nam ci gorsem suu vi bum Yerubaal suu dok-kiɗisiyana ki hu buu ma dewna halaŋ. Sa ma maa dewna ni Yotam toɓo ma vi Yerubaalna, kay nam ŋgay tam kiyo.