2 DLAŊ MULINARA 21:13 - Boy Lonana

¹³ Aŋ hin zaŋ tli ni dlara vi muli suu Israelna na ɗow. Aŋ zuɗ suu Yerusalemma u suu Yudana a pereɗ irisi u loogi suu ɦawana ko ndal suu vi Akabma lira na may. Aŋ tuɗ ta ta ci gorseŋŋa ki lay. Asi ni suu a li dlara jivira. Dlasi ŋgol suuŋŋa na ɗow.

2 DLAŊ MULINARA 21:13 ပူးပေါင်းရင်းမြစ်များ

1 MULINA 16:25

Na may, Omri li dlara ka ii Yawe jiviɗira. Dlaamba ki ni co su muli suu kak ay fokom jewna halaŋ halaŋ.

2 MULINA 9:22

Hu li ma Joram wi Jehu may ni, nam joɓom ana, «Aŋ tuɗ na ni ɦawa ko su, Jehu?» Nam hoŋom dira ana, «Ҥawaa ni ana mege? Aŋ wi ana suŋ Jezabel cemi ka li dlara kumuna joɓ loogi suu ɦawana gak tuɗi su?»

2 DLAŊ MULINARA 21:11

Joram min li ma li ɓivunna vi suu ɦawana kolo kay ɦinira Yudara lay. Nam zuɗ suu Yerusalemma u suu Yudana a mbuɗ tasi bay ɗegeera ii Lo ma gasina.

2 DLAŊ MULINARA 21:14

Kay ndaɗta Yawe hin nda caŋ suu maŋsina ki u tuguɗiira cora, goryoŋu, boyogoŋu u tlesuu vo varaŋŋa halaŋ.

2 DLAŊ MULINARA 21:4

Joram kak kay mulla vi bumba mbuɗ ki saɓaki. Ŋgoo dagan nam ci gorsemma ki u ŋgewna halaŋ halaŋ, ci suu ŋgolna hu mulla Israella suu daŋ ki ɦiw hu lay.

2 DLAŊ MULINARA 21:6

Nam li ni dlara vi muli suu Israelna, ko ndal suu vi Akabma lira na, kay caamba ni goŋ Akabba. Nam li ni dlara ka ii Yawe jiviɗira.

2 DLAŊ MULINARA 24:18

Asi noy Ziŋ Yawe, Lo ma vi somoyosina, kiyo. Asi gi jaŋ goɓ gu ceɗi ma vi Aserna, tokol fulina may. Yara vi Yawera ndiwa kay ɦoŋzi ma Yerusalemma u mbassa Yudara halaŋ kay dla cora li kosi ndaɗta.

KALKIRA 34:15

Gol taŋ jiviya, vi galam u suu hu mbas ndaɗtanaɗi, hu li ma asi goɓ loogi suu ɦawana, li ɓivunna maŋ loogi masisina asi yaŋ ha aŋ tasi ɓivun masi namma ay wa.

EZAYI 26:21

Kay Yawe kal ay ki vo hu ziim a sa sugul ci maɗ masina, ni kay suu hu duliyarna halaŋ. Ndaŋgara hin tak busu ma vo ki kaɗna kiyo. Ndaɗ ka baa yam suu casi kina oloɗi lay.

HABAKUK 2:12

Cora ka kamu. Nam min ziimmi kay busuna. Nam gi u ɦoŋziim ma ŋgolna ni kay ci maɗna.

GA 8ATAMBARA 31:16

Yawe di Moiz ana, «Gola cemi ni aŋ hin buu ni ga u somoyoŋu, suu asina ca ni hin gi ni jaŋ li dlara gawlaŋŋa, hin tuɗ ki ni u loogi suu vi suu koyogi suu ka hu mbas ndaɗta wanna suu asi hin cuk ha dukusina, asi hin noyon kiyo, hin bulumun galam manda u asira kiyo.

1 JAŊ 3:12

Aygi ka a li ko Kain naɗi, nammi vi sa cona ci wayamma kiyo, nam cam ki ni kay mege? Ni kay me sunda Kain laɗta tew tew ni coo. Sunda vi wayammara li ɗegee may.