2 DLAŊ MULINARA 21:10 - Boy Lonana

¹⁰ Col ay hu li namma day ni suu Edomma hin ki ni kay tasiya. Sa heɓesi kaɗi. Suu hu ɦoŋzi ma Libnana li hu coki ndaɗta ni na lay, buɗ tasi ki hu mulla vi Joramba kay ana nam ka hum u Yawe, Lo ma vi somoyosina oloɗi.

2 DLAŊ MULINARA 21:10 ပူးပေါင်းရင်းမြစ်များ

1 MULINA 11:31

Nam hin di Jeroboam ana, «Yow ii baraw ma haari doogo wanna. Yawe Lona vi suu Israelna di ana, an hin ɓaɗ mulla ay ki ko Salomon. An hin haŋ njaf suu uŋ doogo.

1 MULINA 11:33

Ni kay ana asi noyon kiyo. Asi goɓ kaŋga fok ciciwra, Astart, lo cara ta fi suu Sidonnara, fok Komos lo ma vi suu Moabma, fok Milkom lo ma vi goryoŋ Amonna. Asi min ka a tuɗ hu voɗ mandaɗi, ka li dlara irin ɗegeeraɗi lay, ka li u gaɗ manda u dlara an miniɗta ko bum David lira naɗi.

2 MULINA 19:8

Rabsake hoŋ ay ni mba fi mul ma Asirina ka duu u suu Libnana, kay nam hum ana nam hin Lakis ha tani tuɗ a duu u mul ma Libnana.

2 DLAŊ MULINARA 13:10

Lini amiya ni Yawe ni Loomina ami noyom ka kiɗi, muli suu li ɓivunna ka ni goryoŋ Aaronna u njaf suu vi Levina ka li sunda ni asiya.

2 DLAŊ MULINARA 15:2

Nam kal ki tuɗ fi Aza dam ana, «Mulna Aza, agi suu Yudana u njaf suu vi Benjaminna halaŋ, humungi vunun haa. Yawe ka u agi ni hu li ma agi ka u nam mayna. Lini agi halamu ni nam hin tak tam irigiya. Lini agi noyom ki wa ni, nam noyogi ki may.

2 DLAŊ MULINARA 21:11

Joram min li ma li ɓivunna vi suu ɦawana kolo kay ɦinira Yudara lay. Nam zuɗ suu Yerusalemma u suu Yudana a mbuɗ tasi bay ɗegeera ii Lo ma gasina.

2 DLAŊ MULINARA 21:8

Hu coki mamba ni Edom col kolo mbuɗ yara u mulla Yudara, tin tam ki kasi a mulna gaw.

2 DLAŊ MULINARA 21:9

Joram tuɗ u suu ŋgolo mam suu duuna u pus pus mam suu kulumina halaŋ. Nam col kolo duk njeŋgera ci suu Edomma kiyo. Nam dik suu Edom suu mba ndugumma kiyo.

2 DLAŊ MULINARA 28:6

Hu buu ma dewna ni Peka, ma goŋ Remaliyana, ci suu duuna suu garaŋŋa na 120,000. Ni kay ana nam noy Yawe, Lo ma vi somoyomma, kiyo.

EZAYI 1:28

Suu babalira u suu li dla cora hin ba ki halaŋ. Suu noy Yawe kina halaŋ hin ba kiyo.

JEREMI 2:13

Gasi, suu mansina li dla cora yasi ni mba'. Asi noyon an mbo ma iirina kiyo, asi min zul mbona, zul mbo ma ki cooyna, ka vi mbo kolo huruɗɗi.

JEREMI 2:19

Ko cookka lasaku, ko dla cookka gaɗak vunuku. Ko dla cora lasak na ta ta faɗak ki na toŋ, kay noyra ndak noy Bu Suuna, Lookŋa, kira. Gasi, ndak lay ni ka dlak ndaa fokon oloɗi. Yawe Lona, ma Saɓakŋa Kom Belna, di na.

GA 8ATAMBARA 31:17

Li wa na ni yaanda hin puk kasi hu buu namma, an hin noyosi kiyo, hin ŋgay tan ki irisiya. Yoora u hahawra ŋgolla hin fasiya, asi hin di hu buu namma ana, dlara hahawra fami ko ndaɗta na ni kay Loomina ka u ami oloɗira.

GA 8ATAMBARA 32:21

Asi ɓalakan hurun ki u fuli masisina wa, asi mbuɗun ki yara u goɓ masira goɓ fulinara. An may ni hin ɓalakasi hurusi ni u suu ɦawana suu ka suu mansinaɗina may, suu asina hin ɓeŋesi hursi ki may.

JOSUWE 10:29

Ŋgoo dagan Josuwe u suu Israelna halaŋ jak ha hu Makeda tuɗ hu Libna, asi tuɗ duu u suu hu Libnana.

JOSUWE 21:13

Asi ɦal maŋ goryoŋ Aaron, mul ma li ɓivunna, a zi ma ŋgayra kay sa ma ci maɗnana ni Hebron, Libna,

SUU KAƁAKŊA 10:13

Agi hin noyon kiyo, sunugi ni loogi suu ɦawana. Kay ndaɗta an ka min a suɗugi ki oloɗi ni na.